Bafilipi 4:7 - Ilagano Ipya Lya

⁷ Na mhola ya Mulungu iyikilile kwitegeleja kose, ikukingitila ngholo jingʼwe na maganiko gingʼwe muli Kristo Yesu.

Sukuma New Testament 2000

⁷ Hūna ī mhola ya ng'wa Mulungu īyo īkīlile witegeleja bose īkūjilanghana ī ngholó jing'we na a maganiko ging'we mulī Kilisto Yesu.

Bibilia Ilagano Lya Kale 2015

⁷ Hūna ī mhola ya ng'wa Mulungu īyo īkīlile witegeleja bose īkūjilang'hana īng'holò jing'we na a maganiko ging'we mulī Kilisito Yesu.

Bafilipi 4:7 Iomraidhean Croise

Luka 1:79

Kubakila abigashije mu giiti na mu nengeji gwa lufu; na kutongela mhambala jiswe mu nzila ya mhola.

Luka 2:14

Ikujo libize kuli Mulungu higulya no, na mhola ibize mu si mu banhu abanyeja.

Yohana 14:27

Mhola namulekela; mhola yane nangʼwinha bingʼwe; iti gitumo ba mu si bakwinhaga umo nangʼwinha Nene. Ngholo yingʼwe itiziganilija, nulu itizogoha.

Yohana 16:33

Mihayo yeniyi namu wilaga giki, muli Nene mubize na mhola. Mu si mukubiza na kuluhaluhiwa; aliyo timbyagi ngholo, Nene napyenaga si.

Balumi 1:7

Ku bose abali mu Rumi, abo Mulungu amutogilwe, abitanwa bela: Kigongo na mhola shibize ku bingʼwe kufuma kuli Mulungu Siswe, na kufuma kuli Seba Yesu Kristo.

Balumi 14:17

Iki butemi wa Mulungu buti kulya na kungʼwa; aliyo giki, butungilija na mhola na kuyegela muli Moyo Ngʼwela.

Balumi 15:13

Hambunyu Mulungu wa kwisagilwa angʼokaje bingʼwe na kuyega kose na mhola mu kuzunya, kushisha mukwije mu kwisagilwa, mu budula wa Moyo Ngʼwela.

Balumi 5:1

Kulwa iyo, iki twaatungiligijiwa kulwa kuzunya, tuli na mhola kuli Mulungu mu nzila ya Seba wiswe Yesu Kristo;

Balumi 8:6

Iki kwiganika kwa nhungwa ya kimili kwene kucha: aliyo kwiganika kw a ki-Moyo kwene bupanga na mhola:

2 Bakolinto 10:5

Tukugagwishaga maganiko, na buli kinhu cha higulya ichigunguhije kubukilila bumani wa Mulungu, na hangi kulisesehaja buli iganiko libize lili na wigwi kuli Kristo;

2 Bakolinto 13:11

Ya kumalija, badugu, ikalagi mhola, mushikane; mulungujiwe; bizagi na iganiko limo, ikalagi mu mhola: na Mulungu wa butogwa na wa mhola akubiza hamo ningʼwe.

Bagalatia 5:22

Aliyo matwajo ga Moyo gene aya: kwitogwa, kuyega, mhola, kwiyumilija, wizangholo, wila, wishigwa,

Baefeso 3:19

Hangi kumana butogwa wa ngʼwa Kristo ubukilile bumani; bingʼwe ngʼokajiwe kushika mu kokala kose kwa Mulungu.

Bafilipi 1:1

Paulo na Timoteo, basese ba ngʼwa Yesu Kristo, ku bela bose muli Kristo Yesu abali mu Filipi kihamo na balindi na binhilija.

Bafilipi 1:2

Kigongo kibize ku bingʼwe na mhola, ishufuma kuli Mulungu Siswe, na kuli Seba wiswe Yesu Kristo. Kulumba kwa ngʼwa Paulo na kulomba kwakwe

Bafilipi 4:19

Na Mulungu wane akungʼwinha bingʼwe buli kugayiwa kwingʼwe kose gitumo busabi wakwe ngʼwikujo umo buli muli Kristo Yesu.

Bafilipi 4:21

Nigisijagi ku buli ngʼwela muli Kristo Yesu. Badugu abali hamo na nene bamugisha.

Bafilipi 4:9

Mihayo iyo ngʼwali ngʼwilanga, na kuyanukula, na kuyigwa, na kuyibona kuli nene, iyitagi yeniyo; na Mulungu wa mhola akubiza hamo ningʼwe.

Bakolose 3:15

Na mhola ya Mulungu leka isuge mu ngholo jingʼwe, i yene ngʼwitanilwa mu mili gumo; hangi bizagi na kulumba.

2 Batesalonike 3:16

Haha lulu Seba wa mhola ngʼwenekele angʼwinhe mhola shiku jose mu mihayo yose. Seba abize hamo ningʼwe bose.

Bahebrania 13:20

Hambunyu Mulungu wa mhola Uyo waangʼwenha hangi kufuma mu bafu Seba wiswe Yesu, u ndimi ntale wa ngholo, kulwa mininga ga ilagane lya welelo na welelo,

Yuda 1:1

Yuda, nsese wa ngʼwa Yesu Kristo, na ngʼwana wa ngʼwabo wa Yakobo ku benabo ablitanwa, abo Mulungu Siswe waabatogwa, na abalindwa muli Yesu Kristo:

Kukundulwa 1:4

Nene Yohana ku kanisa mpungati ijili mo mu Asia: Kigongo kibize ku bingʼwe, na mhola, kufuma kuli Ngʼwenuyu ali ho, hangi walali ho, hangi alabiza ho; na hangi kufuma ku mioyo yeniyo mpungati iyili ho mu butongi wa isumbi lyakwe lya butemi;

Kukundulwa 2:17

Uyo ali na kutu igwe mihayo iyi Moyo akujiwilaga kanisa. Uwapyena nalangʼwinha kulya ku emanu iyibisile, hangi nalangʼwinha iwe lyape, na ha iwe ilo lina ipya lyandikwa ho, ilo atalimanile munhu ose ulu ati uyo winhiwa.