Bafilipi 4:5 - Ilagano Ipya Lya

⁵ Bufula wingʼwe bamanike ku banhu bose. Seba ali hihi.

Sukuma New Testament 2000

⁵ Ū wiyūmīlīja wing'we būmanīke kū banhū bose, ū Seeba alī hihī.

Bibilia Ilagano Lya Kale 2015

⁵ Ū wiyūmīlīja wing'we būmanīke kū banhū bose, ū Seeba alī hihī.

Bafilipi 4:5 Iomraidhean Croise

Matayo 6:25

Kulwa nguno iyo namuwila giki, Mutizikoyela bupanga wingʼwe giki, mukulya ki, nulu giki, mukungʼwa ki; nulu mutizugukoyela mili gwingʼwe giki, mukuzwala ki. Angu, bupanga butakilile shiliwa, na mili gutakilile shizwalo?

Matayo 6:34

Kulwa iyo mutizikoyela sha ntondo; iki lushiku lwa ntondo lukwikoyela mihayo yalo. Iki buli lushiku bigelelilwe na bubi walo.

Luka 21:34

Ali lulu, ilanghanagi ngholo jingʼwe jitizudidohiwa na bulaku na kukolwa walwa, na kukoyakoyela bupanga ubu, lushiku lwenulo lutizumufumbukija:

1 Bakolinto 16:22

Munhu ose ulu atantogilwe Seba Yesu Kristo, azungʼwe. Seba izile.

1 Bakolinto 6:7

Nghana haha kilingo kili mo gete mu bingʼwe, iki muli nayo misango benekele na benekele. Hambuhambu muzunye kwitilwa kibi; hambuhambu muzunye kunyekejiwa.

1 Bakolinto 8:13

Kulwa iyo ulu shiliwa shungʼwipamya ndugu wane, natalalya nyama na hado kushisha welelo na welelo, natizungʼwipamya ndugu wane.

1 Bakolinto 9:25

Buli munhu uyo akugagabalaga kutinda mu mawigusha akilindaga ngʼwenekele mu mihayo yose. Benabo lulu bakitaga giko, banukule ngikili ya butindi nghenaguku, aliyo biswe iyo iyiti nghenaguku.

2 Bakolinto 10:1

Aliyo lulu, u nene Paulo nangʼwikumbilija kulwa bufula na bufuku wa ngʼwa Kristo, u nene, uyo ndi ngʼwidoheleja aho ndi hamo ningʼwe, aliyo ulu nati ko ndi ngimu ku bingʼwe;

2 Batesalonike 2:2

Mutizulelengetiwa wangu mukaleke kasanije kingʼwe, nulu kwibakijiwa nulu na moyo, nulu na mhayo, nulu na nyaluba giti yafumaga ku biswe ya kuhaya giki, lushiku lwa Seba lwashikaga lulu;

Tito 3:2

Batizunsiga munhu kibi, batizubiza na buyombo, aliyo babize bapolo, bolekeje bufula bose ku banhu bose.

Bahebrania 10:25

Tutizuleka kwibilinga hamo, gitumo chimile cha bangi umo kili, aliyo twikomeleje benekele na benekele; kutinda no, iki ngʼwabona lushiku lwenulo lukwegelaga.

Bahebrania 10:37

Iki kasaga ho kakanza kado gwike, U ngʼwizi aliza, na ataladila.

1 Petro 1:11

Bukoba lili ikanza ki, na ikanza lili kinahe, ilo moyo gwa ngʼwa Kristo ugwali guli mubo gubamanikija, aho gwali gutonga kukukanila u kuluhaluhiwa kwa ngʼwa Kristo na ikujo ililabiza ho hanuma yaho.

1 Petro 4:7

Aliyo nghalikijo ya shose yegelaga: kulwa iyo bizagi na masala madekanu, ngʼwikale miso mu kulomba:

Kukundulwa 22:20

Uyo ukanila mihayo iyi, wahaya giki, Ali chene nizile wangu. Amina: Ali chene, Seba Yesu, nzugu.

Kukundulwa 22:7

Lolaga, nizile wangu. Ali wa lujango uwayidima mihayo ya buhangi wa kitabo iki.