Bafilipi 4:19 - Ilagano Ipya Lya

¹⁹ Na Mulungu wane akungʼwinha bingʼwe buli kugayiwa kwingʼwe kose gitumo busabi wakwe ngʼwikujo umo buli muli Kristo Yesu.

Sukuma New Testament 2000

¹⁹ Ū Mulungu wane akūng'winha pyī īyo īng'wigeleelilwe kūbiza nayo gīt'ūmo būlī būsabi w'ikūjo lyakwe mulī Kilisto Yesu.

Bibilia Ilagano Lya Kale 2015

¹⁹ Ū Mulungu wane akūng'winha pyī īyo īng'wigeleelilwe kūbiza nayo gīt'ūmo būlī būsabi w'ikūjo lyakwe mulī Kilisito Yesu.

Bafilipi 4:19 Iomraidhean Croise

Matayo 6:32

Iki ishi shose bana mahanga bakashikobaga; iki Singʼwe ali ngʼwigulu amanile giki, shingʼwigelelilwe ishi shose.

Yohana 20:17

Yesu ungʼwila giki, Utizunikuumya; iki natali kulinha kuli Baba; aliyo jaga ku badugu bane, ukabawile giki, Nene nalilinha kuli Baba, na kuli Singʼwe, hangi kuli Mulungu wane, na kuli Mulungu wingʼwe.

Yohana 20:27

Hunaho ungʼwila Tomaso giki, Enhaga lwala lwako kunu, ulole makono gane; enhaga na nkono gwako, ugwingije mo mu mbazu jane; utizubiza uyo atuzunya, aliyo uyo azunije.

Balumi 1:8

Kwandia, nanumba Mulungu wane muli Yesu Kristo kulwa nguno ya bingʼwe bose, iki kuzunya kwingʼwe kukumukile mu si yose.

Balumi 11:33

Ee bushimu wa busabi wa masala na wa bumani wa Mulungu! misango yakwe ikilile kugisilijiwa, na nzila jakwe jikilile kabonelwe!

Balumi 2:4

Nulu hamo wabudalaha wingi wa wiza wakwe na kulindila kwakwe, na kwiyumilija kwakwe, utamanile giki, wiza wa Mulungu bulikutongela bebe ushike mu koya?

Balumi 8:18

Iki napima gild, makuluhiwa ga ikanza ili lya haha gatigelile kulenganijiwa na ikujo ililakundulilwa ku biswe.

Balumi 9:23

Hangi amaniche busabi wa ikujo lyakwe ku shiseme sha kuchilwa kigongo, isho ushilonja kale kushika ngʼwikujo,

2 Bakolinto 12:21

Na hangi aho ndiza Mulungu atizunidoheleja mu butongi wingʼwe, nane nabone bupina kulwa bingi abali bita shibi kale, na koya batoyile mu buhali na bujingi, na busoso isho bali bita.

2 Bakolinto 4:17

Iki u kuluhiwa kwiswe kubupu, ukuli kwa kakanza kado duhu, kukutwitilaga ikujo lya welelo lingi no kutinda;

Baefeso 1:18

Miso ga maganiko gingʼwe gitilwe isana kushisha ngʼwitegeleje giki, kwisagilwa kwa kwitana kwakwe gitumo kuli, busabi wa ikujo lya wingiji wakwe mu a bela gitumo buli,

Baefeso 1:7

Muli Wei tuli nako kukomolwa kwiswe mu mininga gakwe, kulekejiwa kwa mabusobya giswe, gitumo busabi wa kigongo chakwe umo buli,

Baefeso 2:7

Giki, mu makanza agahaya kwiza, Wei oleche busabi butale kutinda wa kigongo chakwe mu wiza wakwe ku biswe muli Kristo Yesu:

Baefeso 3:16

Giki, angʼwinhe bingʼwe gitumo busabi wa ikujo lyakwe umo buli, mu Moyo wakwe muguzuhiwe na budula muli munhu wa mugati;

Baefeso 3:8

Kuli nene, uyo ndi ndo kutinda ndo wa mu bela bose, niinhiwa kigongo cheniki giki, nabalomele bana mahanga busabi wa ngʼwa Kristo ubukilile kubugilijiwa;

Bafilipi 4:7

Na mhola ya Mulungu iyikilile kwitegeleja kose, ikukingitila ngholo jingʼwe na maganiko gingʼwe muli Kristo Yesu.

Bakolose 1:27

Abo Mulungu yuntoga kubamanikija busabi wa ikujo lya kwigeniha uku mu bana mahanga gitumo kuli, kwene giki, Kristo mu bingʼwe, kwisagilwa kwa ikujo:

Bakolose 3:16

Mhayo gw a ngʼwa Kristo gwikale mu bingʼwe gukwile mu masala gose; ilangagi na iganikilagi benekele na benekele na zaburi na kwimba na mimbo ga ki-moyo, ngʼwimbilagi Seba na kigongo mu ngholo jingʼwe.

1 Batesalonike 2:12

Giki, mushiminze gitumo shingʼwigelelilwe kuli Mulungu, Uyo waangʼwitana kwingila mu butemi wakwe na ngʼwikujo lyakwe.

1 Timoteo 6:17

Balagilage abali basabi mu si iyi, batizudosa nulu batizusanya busabi ubuti wa nghana, aliyo bansanye Mulungu Mpanga Uyo akutwinhaga shinhu shose mu wila tuyegele musho;

Filimoni 1:4

Nanumba Mulungu wane gwa, nakukuhayaga mu kulomba kwane.

1 Petro 5:1

A banamhala ba kanisa abali mu bingʼwe, namukomeleja, uyo ndi namhala ngʼwichingʼwe na nkaniji wa kuluhaluhiwa kwa ngʼwa Kristo, hangi na nsangijiwa ngʼwikujo ilo lilakundulilwa:

1 Petro 5:10

Aliyo Mulungu wa kigongo chose, Uyo waangʼwitana kwingila ngʼwikujo lyakwe lya welelo na welelo muli Kristo, aho ngʼumala kuluhiwa kakanza kado, Wei ngʼwenekele akumushikanya, akumudimya, akumuguzuhya.