Bafilipi 3:9 - Ilagano Ipya Lya

⁹ Hangi nilonge muli Wei, nati na butungilija wane wa ngʼwenekele, ubufumile mu shilagilo, aliyo ubo ubukupandikagwa mu kuzunya ukuli muli Kristo, u butungilija ubufumile kuli Mulungu kulwa kuzunya;

Sukuma New Testament 2000

⁹ na nabonekane nalī mulī we, ītī kūlwa būtūngīlīja bone bo mu shilagīlo; alīyo kūlwa kūnzunya Kilisto, kūlwa būtūngīlīja bo ng'wa Mulungu ūbo būfumile mu kūzunya.

Bibilia Ilagano Lya Kale 2015

⁹ na nabonekane nalī mulī we, ītī kūlwa būtūngīlīja bone bo mu shilagīlo; alīyo kūlwa kūnzunya Kilisito, kūlwa būtūngīlīja bo ng'wa Mulungu ūbo būfumile mu kūzunya.

Bafilipi 3:9 Iomraidhean Croise

Matayo 9:13

Aliyo jagi, ngʼwilange makulu ga mhayo uyu, Nayejiwa na kuchila kigongo, kitambo yaya; iki natizile kubitana batungilija, aliyo ba shibi bashike mu koya.

Balumi 1:17

Iki muyo butungilija wa Mulungu bulikundulwa kufuma mu kuzunya kushika mu kuzunya: gitumo gwaandikwa giki, Ntungilija alikala mpanga kulwa kuzunya. Bupelanu wa Mulungu ku shibi sha banhu bose

Balumi 10:10

Iki munhu akuzunyaga na ngholo kushika mu butungilija: na utambula na nomo kushika mu bupiji.

Balumi 16:7

Nigisijagi Androniko na Yunia, a ba ludugu lwane, na batungwa bichane, abali bamaniku mu batungʼwa; hangi bali balangi bane muli Kristo.

Balumi 5:21

Giki, gitumo bubi bubyutema mu kucha, giko hangi kigongo kisuge mu nzila ya butungilija kushika mu bupanga butushila kulwa Yesu Kristo Seba wiswe.

Balumi 8:1

Huna lulu guti ho nsango ku benabo abali muli Kristo Yesu, abatushiminzaga mu nhungwa ya ki-mili, aliyo ya ki-Moyo.

Balumi 8:3

Iki iyo shilagilo shali shuduma kwita, iki shali shugayiwa nguzu mu nhungwa ya ki-mili, Mulungu, aho akantuma Ngʼwana wakwe ngʼwenekele mu chikolile cha nhungwa ya mili gwa bubi ubo, na kulwa bubi, ubulekanya nsango bubi mu nhungwa ya ki-mili:

1 Bakolinto 1:30

Aliyo kufuma muli Wei bingʼwe muli mo muli Kristo Yesu, Uyo kulwiswe wiitwa kubiza masala kufuma kuli Mulungu, chene butungilija, na wela, na kukomolwa;

2 Bakolinto 5:17

Kulwa iyo munhu ose ulu ali muli Kristo, ali kisengʼwa kipya: mihayo ya kale yaabita; lolaga yose yaabiza mipya.

2 Bakolinto 5:21

Iki Wei akangʼwita Uyo wamtamanile shibi kubiza shibi kulwiswe; biswe tubize butungilija wa Mulungu muli Wei. Bushikanu wa ngʼwa Paulo mu butumami wa evangeli

Bagalatia 2:16

Aliyo iki tumanile munhu atutungiligijiwa kulwa Shitwa sha shilagilo aliyo kulwa kuzunya ukuli muli Yesu Kristo, na biswe twaanzunya Kristo Yesu, tutungiligijiwe kulwa kuzunya ukuli muli Kristo, na iti kulwa Shitwa sha shilagilo: iki kulwa Shitwa sha shilagilo ati ho munhu akutungiligijiwa.

Bafilipi 3:6

Mu bukomezu nuyinyajanyaja kanisa, mu butungilija ubulagililwe mu shilagilo, nali nati na kilingo. Paulo wilecha yose kulwa nguno ya kumana Kristo

2 Timoteo 1:9

Uyo waatupija, na utwitana na kwitana kwela, iti kulwa shitile shiswe gitumo shali shili, aliyo utwitana gitumo usola Wei ngʼwenekele, na gitumo kigongo chakwe umo kili, icho waatwinha muli Kristo Yesu aho si yali itali kubiza ho,

Tito 3:5

Iti kulwa shitile sha butungilija isho twaashitaga, aliyo gitumo kuchila kigongo kwakwe umo kuli, waatupija mu kojiwa kwa kubyalwa kupya na kudoganya kwa Moyo Ngʼwela,

Bahebrania 6:18

Giki, kulwa mihayo ibili iyitagalukaga, mu iyo Mulungu walatudula kuhaya bumama, tubize na butimbyangholo wa nguzu, biswe abamala kupelela kudima kwisagilwa ukwatuulwa ho ku butongi wiswe:

Yakobo 3:2

Iki mu mihayo mingi twipama biswe bose. Munhu ose uyo atipama mu kayombele, ngʼwenuyo ali munhu ashikanile, wadula kugulemeja mili gwakwe gose.

2 Petro 1:1

Simoni Petro, nsese na ntungʼwa wa ngʼwa Yesu Kristo, ku benabo abamala kwinhiwa kuzunya kumo na biswe u kwa mpango, uku twinhiwa mu butungilija wa Mulungu wiswe na Mpija wiswe Yesu Kristo:

1 Yohana 3:4

Buli uyo akwitaga shibi, akwitaga bugomi hangi, iki shibi shene bugomi.