Bafilipi 3:19 - Ilagano Ipya Lya

¹⁹ Abo nghalilo yabo kuyagala, mulungu wabo nda jabo, ikujo lyabo lili mu minala yabo, bakuyiganikaga ya si.

Sukuma New Testament 2000

¹⁹ A banhū benabo ī nghalīlo yabo īlī kūyagala, ī nda jabo hū mulungu wabo, ī mihayo īyo yigelile kūbadimya minala h'īyo bakīkumīlījaga, a maganiko gabo galolile kū shikolo sha mu sī.

Bibilia Ilagano Lya Kale 2015

¹⁹ A banhū benabo ī ng'halīlo yabo īlī kūyagala, ī nda jabo hū mulungu wabo, ī mihayo īyo yigelile kūbadimya minala h'īyo bakīkumīlījaga, a maganiko gabo galolile kū shikolo sha mu sī.

Bafilipi 3:19 Iomraidhean Croise

Matayo 16:23

Aliyo Wei ugaluka, ungʼwila Petro giki, Jaga kunuma yane, Shetani; bebe uli ishiki lya kwigumha kuli Nene: iki utiganikaga i ya Mulungu, aliyo ya banhu.

Matayo 25:41

Hunaho alabawila na benabo abali ku nkono gwa lumoso giki, Ingagi hali Nene, bingʼwe abazumilwe, jagi mu moto ugutushila, uyo waabegejiwa Shetani na bamalaika bakwe.

Luka 12:19

Huna lulu nakubuwila bupanga wane giki, Bupanga wane, bebe uli na sha wiza shingi shabikagwa sha miaka mingi, ifulage, lyaga, ngʼwaga, uyege.

Luka 16:19

Walali ho munhu nsabi, uwaazwalaga ngʼwenda gwaza na kitani, wikala uyega mu bunyemezu buli lushiku.

Luka 18:4

Nanghwe walatatogilwe i kwandia; aliyo hanuma uhaya mu moyo gwakwe giki, Nulu natangʼogohile Mulungu nulu kundilila munhu yaya;

Balumi 16:18

Iki abali giko batantumamilaga Seba wiswe Yesu Kristo, aliyo nda jabo benekele; bulembalemba ngholo ja bafula mu nzila ya mihayo mikonu, na kalungalungile ka nyalumbi.

Balumi 6:21

Ngʼwikanza ilo, lulu, ngʼwaabizaga na matwajo ki mu mihayo iyo ngʼwadingʼwa minala mo haha? iki nghalilo ya mihayo yeniyo yene kucha.

1 Bakolinto 3:3

Iki mutali muli ba ki-mili: iki gitumo buli mo mu bingʼwe wilu na buyombo, na kwilekanya, angu, muti ba ki-mili, hangi mukushiminzaga gitumo kili chimile cha ki-munhu?

1 Bakolinto 5:2

Na bingʼwe mulidosa, na kupinihala yaya, giki, injiwe ho mu bingʼwe ngʼwenuyo witile chitile cheniki.

1 Bakolinto 5:6

Kwikumilija kwingʼwe kuti kwa wiza. Mutamanile giki, kakibimbya kado kakabimbaja mbiiya yose?

2 Bakolinto 11:12

Aliyo mhayo uyu nakwitaga hu gwene nakwita, nabachibile nzila abachola ngʼwanya gwa kwikumiligija; giki, mu mhayo gose uyo bakwikumiligijaga babize gitumo biswe tuli.

2 Bakolinto 11:15

Kulwa iyo guti mhayo ntale ulu batumami bakwe nabo bihindula kubiza batumami ba butungilija; abo nghalilo yabo ilabiza gitumo shitile shabo shili.

Bagalatia 6:13

Iki nulu benabo abasalwa boi benekele batadimaga shilagilo: aliyo batogilwe bingʼwe musalwe, giki, bikumiligije mu mibili yingʼwe.

Bafilipi 2:21

Iki bose bakalalilwe shabo sha benekele, iti sha ngʼwa Yesu Kristo.

Bakolose 3:2

Kumbulagi iyili higulya, iti ya mu si.

2 Batesalonike 1:9

Balaluhaluhiwa nsango gwa kuyagala welelo na welelo kukomanyiwa kwinga mu miso ga Seba, na ngʼwikujo lva budula wakwe;

2 Batesalonike 2:12

Giki, balekanyiwe nsango bose abanzunije i nghana, aliyo bali biyeja mu buti butungilija.

2 Batesalonike 2:8

Hunaho lulu aligengeleka ngomi, uyo Seba Yesu alamulagila na miuyi ya nomo gwakwe, na kunyagaja mu kolechiwa kwa kwiza kwakwe;

1 Timoteo 6:5

Na mahalali agatakalikaga ga banhu abakenagukile mu masala gaho, na nghana yabagaya, biganika giki, kazunije ka wela kene nzila ya kusabila mo: abali giko wikomanye nabo.

2 Timoteo 3:4

Bijomboki, balambu, bihayi, abatogilwe kwiyeja benekele kutinda kuntogwa Mulungu;

Yakobo 4:16

Ali gisi ngʼwikumilija mu budoshi wingʼwe; kwikumilija ukuli giko kuli kwa bubi.

2 Petro 2:1

Aliyo bali bubuka na bahangi ba bumama mu banhu, gitumo balabiza mo mu bingʼwe balangi ba bumama, abo abalenha mu masalasala kalangile ka mihayo ka kubahubya banhu, bunema Seba Uyo ubagula, na biyenheleja kuyagala kwa wangu wangu.

2 Petro 2:13

Balabona mhela ya buti butungilija; biganika giki, bungʼwi na nyalaku mu limi wene buyegi. Bali mabado na minala, budosa mu kulembalemba kwabo aho bulya bukombe kihamo ningʼwe:

2 Petro 2:3

Abo kulwa kwikumva balamuhimbilija bingʼwe kubiza solobo yabo; nsango gwabo gwa kufuma kale gutudila, nulu kuyagala kwabo kututindila.

Yuda 1:10

Aliyo abo bakuyidukaga ku mihayo iyo batayimanile: aliyo mihaye iyo bimanile mu kitungilwe cha mili, giti ndimu ijiti na masala, mu yeniyo bikenagulila benekele.

Yuda 1:16

Banhu benaba bali badugumi, bilijaliji, bakushiminzilaga mu kwikumva kwabo; na milomo yabo ikulungalungaga mihayo mitale ya kidoshi, bubabeleleka banhu ikujo kulwa nguno ya solobo.

Yuda 1:4

Iki bali ho banhu bamo abali bigungunika mu kwigeniha, abstuulilwa ho kale nsango uyu, banhu abatungʼogoha Mulungu, bakugaluchaga kigongo cha Mulungu kubiza wimilizu, hangi bakunemaga Seba Mulungu umo wike, Seba wiswe Yesu Kristo.

Kukundulwa 18:7

Gitumo wali wikumilija, na wita ya nyadoshi, mungʼwinhe hangi giko kuluhaluhiwa na bupina: iki akuhayaga mu ngholo yakwe giki, Nene nigashije ndi ntemi nkima, nati nchilwa yaya, hangi natalabona bupina nulu na hado.

Kukundulwa 19:20

Huna kinwele chudingʼwa, kihamo na nghangi nomolomo, uwali wita mabulolelo mu butongi wakwe, ayo wali ugalembalembela abo abali bulwanukula lumengho lwa kinwele, na benabo abali bulamya chikolile chacho; bose bubili wabo buponyiwa bapanga mu nyanza ya moto ikabakaga na bugota wa kibiliti.

Kukundulwa 21:8

Aliyo abo abogohile, nabo abatazunije, na basoso, na babulagi, na bajingi, na balogi, na abalamya shikolile na balomolomo bose, bene balabiza na ngabo gwabo mu nyanza iyibakile moto na bugota wa kibiliti; uku kwene kucha kwa kabili.

Kukundulwa 22:15

Aliyo hanze jili ho mva, na balogi, na bajingi, na babulagi, na abo abalamya shikolile, na buli munhu uyo atogilwe bulomolomo na kuwita.