Bafilipi 3:10 - Ilagano Ipya Lya

¹⁰ Namane Wei, na budula wa bujuko wakwe, na kusangila kwa mu kuluhiwa kwakwe, nikolanijiwe na kucha kwakwe;

Sukuma New Testament 2000

¹⁰ Natogilwe naamane wei ng'wenekīlī, pyī nū būdūla bo kūjūūka kwakwe, nū būsangī wa kūluhiwa hamò nanghwe. Nū nene nabize gīt'ūmo alī ū wei ū mu kūcha kwakwe;

Bibilia Ilagano Lya Kale 2015

¹⁰ Natogilwe naamane wei ng'wenekīlī, pyī nū būdūla bo kūjūūka kwakwe, nū būsangī wa kūluhiwa hamò nang'hwe. Nū nene nabize gīt'ūmo alī ū wei ū mu kūcha kwakwe;

Bafilipi 3:10 Iomraidhean Croise

Matayo 20:23

Nanghwe ubawila giki, Hene mulangʼwa ku kikombe chane, na mulabatijiwa na kubatijiwa uko naabatijiwa nako Nene; aliyo kwigasha ku nkono gwane gwa bulyo na gwa lumoso, iti mu budula wane kubinha, aliyo kwene kwabo abubegejiwa na Baba.

Yohana 10:18

Ati ho munhu wa kunitagija bupanga wane, aliyo nawinha ko Nene ngʼwenekele. Ndi nabo budula wa kuwinha ko, hangi ndi nabo budula wa kububucha hangi. Kilagilo cheniki naanukula kuli Baba.

Yohana 17:3

Na bupanga butushila wene ubu giki, bakumane Bebe, Mulungu wa nghana umo wike, na Yesu Kristo, Uyo waantuma.

Balumi 8:17

Na ulu tuli bana, nahene tuli bingiji ba Mulungu, na bingiji biye ba ngʼwa Kristo; ulu nghana tuluhiwa kihamo nanghwe, tukujiwe hangi kihamo nanghwe.

Balumi 8:29

Iki abo waabamana kufuma kale, ubatuula ho kufuma kale balenganijiwe mu chikolile cha Ngʼwana wakwe, Wei abize Ngʼwana tangi wa mu badugu bingi.

Balumi 8:36

Gitumo gwaandikwa giki, Kulwa nguno yako tukubulagagwa limi ji; twabalwa kubiza giti ngholo ja kubulagilwa.

2 Bakolinto 1:10

Uyo waatupija mu kucha kutale giko, hangi akutupijaga; Uyo tunsanije alatupija nu ku butongi;

2 Bakolinto 1:5

Iki gitumo makuluhiwa ga ngʼwa Kristo gakukwilaga mu biswe, giko hangi nu kulungujiwa kwiswe kukukwilaga kulwa kulungujiwa na Kristo.

2 Bakolinto 13:4

Iki nulu wali ukongʼwa mu bugokolo, aliyo ali mpanga kulwa nguzu ja Mulungu. Iki na biswe tuli bagokolo muli Wei, aliyo tukwikala bapanga hamo nanghwe kulwa nguzu ja Mulungu ku bingʼwe.

Bagalatia 2:20

Naakongʼwa hamo na Kristo, aliyo ndi mpanga; nulu nati nene hangi, aliyo Kristo ali mpanga muli nene: na bupanga ubo ndi nabo haha mu mili, wene ndi nabo kulwa kuzunya, u kuzunya ukuli kwa Ngʼwana wa Mulungu, Uyo unitogwa, na wiyinha ko ngʼwenekele kulwane.

Bagalatia 6:17

Kufuma haha munhu ose atizunikoyakoya; iki ndi nago malanda ga ngʼwa Yesu golilwe ha mili gwane.

Baefeso 4:13

Kushisha biswe bose tulashikila mo mu bumo wa kuzunya, na wa bumani bushikanu wa Ngʼwana wa Mulungu, kushisha tubiza ngosha akulile gete, kushisha tushika mu ngelekelo ya butale wa kokala kwa ngʼwa Kristo:

Bafilipi 3:8

Ali chene, nene nayibala yose ili dalali kulwa nguno ya bugalili wa kumana Kristo Yesu Seba wane, Uyo kuhvakwe nazunya kwilecha mihayo yose, na kuyibala ya mapalala duhu, giki, nampandike Kristo;

Bakolose 1:24

Uyo nene haha nakukuyegelaga kuluhiwa kwane kulwa nguno yingʼwe, nashikilije mu mili gwane iyishigilile ya kuluhiwa kwa ngʼwa Kristo kulwa nguno ya mili gwakwe, gwene Eklezia;

Bakolose 2:13

Na bingʼwe aba ngʼwali muchile kulwa bukenaguji wingʼwe na butusalwa wa ki-mili chingʼwe, ungʼwita bingʼwe kubiza bapanga kihamo nanghwe, aho umukuulilwa bukenaguji wingʼwe;

Bakolose 3:1

Nahene, ulu ngʼwaajuchiwa hamo na Kristo, ikobagi iyili higulya, uko Kristo igashije ku nkono gwa bulyo gwa Mulungu.

1 Petro 1:3

Alumve Mulungu na Ise wa Seba wiswe Yesu Kristo, Uyo kulwa wingi wa kigongo chakwe waatubyala lukangala lwa kabili giki, tushike mu kwisagilwa kupanga kulwa kujuka kwa ngʼwa Yesu Kristo kufuma mu bafu,

2 Petro 1:13

Hangi niganika ili ya wiza, aho natali ndi mo ngʼwihema ili, kumukomeja na kungʼwizukija:

1 Yohana 2:3

Mu mhayo uyu tumanile giki, twaamana Wei, ulu tushidima shilagilo shakwe.

1 Yohana 2:5

Aliyo uyo ose ugudima mhayo gwakwe, muli ngʼwenuyo butogwa wa Mulungu waashikilijiwa nghana. Mu mhayo uyu tumanile giki, tuli muli Wei.

Kukundulwa 1:18

Hangi ndi Uyo ndi mpanga, nali nubiza nachile, na lolaga, ndi mpanga kushisha welelo na welelo, Amina: hangi ndi najo mfungulo ja kucha na ja kulimu.