Bafilipi 2:8 - Ilagano Ipya Lya

⁸ Na aho ubonwa ali mu suso ya banhu, akidohya ngʼwenekele na ubiza nyehu nulu kushisha mu kucha, hu kwene kucha kwa ha nsalaba.

Sukuma New Testament 2000

⁸ Ūbiza ng'widohya no, hangī ng'wigwi; kūshisha ūzunya kūcha lūfu lo ha nsalaba.

Bibilia Ilagano Lya Kale 2015

⁸ Ūbiza ng'widohya no, hangī ng'wigwi; kūshisha ūzunya kūcha lūfu lo ha nsalaba.

Bafilipi 2:8 Iomraidhean Croise

Matayo 17:2

Nanghwe uhinduka mu miso gabo; na bushu wali waka giti limi, shizwalo shakwe shubiza shape giti isana.

Matayo 26:39

Nanghwe usegenela hado, ugwa ha si matuja nzwi, ulomba, uhaya giki, Baba, ulu yudulika, kikombe iki kinibitile ho, aliyo iti iyo natogilwe Nene, aliyo gitumo utogilwe Bebe.

Matayo 26:42

Uja hangi lukangala lwa kabili, na ulomba uhaya giki, bana, ulu itudulika kikombe iki kinibitile ho numho nakingʼwe, nahene, iyo utogilwe yitwe.

Luka 9:29

Ikabiza aho ulomba, ihanga lya bushu wakwe lyugaluka, na shizwalo shakwe shubiza shape na shilabangizu.

Yohana 10:18

Ati ho munhu wa kunitagija bupanga wane, aliyo nawinha ko Nene ngʼwenekele. Ndi nabo budula wa kuwinha ko, hangi ndi nabo budula wa kububucha hangi. Kilagilo cheniki naanukula kuli Baba.

Yohana 14:31

Aliyo ba mu si bamane giki, Nene nantogilwe Baba, hangi gitumo Baba waatulagila, giko nakwitaga. Bukagi, twinge kunu.

Yohana 15:10

Ulu ngʼushidima shilagilo shane, mukwikala mu butogwa wane; gitumo Nene nakashidimaga shilagilo sha ngʼwa Baba, nakwikalaga mu butogwa wakwe.

Yohana 4:34

Yesu ubawila giki, Shiliwa shane shene giki, kwita iyo atogilwe Uyo waanituma, na kushikilija nimo gwakwe.

Shītwa 8:33

Mu kwidohya kwakwe nsango gwakwe gwali gwinjiwa; ni nani uyo alabukumucha bubyile wakwe? iki u bupanga wakwe winjiwagwa mu si.

Balumi 5:19

Iki gitumo kulwa bukitigwa wa munhu umo, bingi biitwa kubiza a ba shibi, giko hangi kulwa chigwile cha munhu umo a bingi balitwa kubiza batungilija.

2 Bakolinto 8:9

Iki mumanile kigongo cha Seba wiswe Yesu Kristo giki, nulu walali nsabi, aliyo kulwa nguno yingʼwe ubiza nghabi giki, bingʼwe mubize basabi kulwa buhabi wakwe.

Bagalatia 3:13

Kristo waatukomola ngʼwizumo lya shilagilo, iki akabiza izumo kulwiswe, iki yaandikwa giki, Wazumagwa buli munhu uwasungwa ha linti.

Tito 2:14

Uyo akiyinha ko kulwiswe, atukomole kufuma mu buhunga bose, na wiyegeje banhu bakwe ba wikomangile, abashikalalilwe Shitwa sha wiza.

Bahebrania 12:2

Tunolile Yesu u ntale na nshikilija wa kuzunya kwiswe, Uyo kulwa buyegi ubo wali butuulwa ho ku butongi wakwe, ugwiyumilija nsalaba, udalaha minala, na wiigasha ku nkono gwa bulyo gwa isumbi lya butemi i lya Mulungu.

Bahebrania 12:4

Mutinita bulugu wa kuhangija shibi kushisha kwiita mininga;

1 Petro 2:24

Wei ngʼwenekele akabucha shibi shiswe mu mili gwakwe ha linti, giki, biswe abachile ku shibi, tubize bapanga ku butungilija; kulwa kuchubulwa kwakwe ngʼwapijiwa.

1 Petro 3:18

Iki Kristo nanghwe akaluhiwa lukangala lumo kulwa shibi, u ntungilija kulwa abati batungilija, atwenhe kuli Mulungu; akabulagwa mu mili, aliyo witwa kubiza mpanga mu Moyo;