Bafilipi 2:15 - Ilagano Ipya Lya

¹⁵ Mubize muti na kilingo nulu buhwiganu, mubize muli bana ba Mulungu, abati na buka hagati ya kibyalilwe ichigomagomile na kitigwa, mubo bingʼwe mukwakaga mu si giti sonda;

Sukuma New Testament 2000

¹⁵ Mubize mutī na shilingo nūūlū būbi, baana ba ng'wa Mulungu abo batī na shisembo, nūūlū ū ng'wikanza īlo mukwikalaga hamò na shibyalīlwe shikenaagūkile na shilyūngūmile; īsho mukūng'weka-ng'wekaga musho gītī kūng'weka kwa sonda mu sī.

Bibilia Ilagano Lya Kale 2015

¹⁵ Mubize mutī na shilingo nūūlū būbi, baana ba ng'wa Mulungu abo batī na shisembo, nūūlū ū ng'wikanza īlo mukwikalaga hamò na shibyalīlwe shikenaagūkile na shilyūngūmile; īsho mukūng'weka ng'wekaga musho gītī kūng'weka kwa sonda mu sī.

Bafilipi 2:15 Iomraidhean Croise

Matayo 10:16

Lolagi, Nene namutuma giti ngholo hagati ya mhuge; kulwa iyi mubize na masala giti nzoka, hangi mubize muti na buhwiganu giti nghuulu.

Matayo 17:17

Aliyo Yesu ushosha, uhaya giki, Bingʼwe kibyalilwe ikituzunyaga na chigomagomile, nakwikala na bingʼwe kushisha nanali? hangi nakwiyumilija na bingʼwe kushisha nanali? ngʼwenhagi aha hali Nene.

Matayo 5:45

Giko mubize bana ba Singʼwe ali ngʼwigulu: iki Wei akubabakijaga limi lyakwe ba bubi na ba wiza, na akutumaga mbula ku batungilija na abati batungilija.

Matayo 5:48

Kulwa iyo bizagi bashikanu, gitumo Singʼwe ali ngʼwigulu ah nshikanu.

Luka 1:6

Nabo bubili wabo bali bali batungilija mu miso ga Mulungu, bubyushiminza mu shilagilo shose na mu shitile sha Seba, bali bati na kilingo.

Luka 6:35

Aliyo mubatogwe banishi bingʼwe, itagi ya wiza, na lishagi shiili mutizisagilwa kugotolelwa hangi; na mhela yingʼwe ilabiza ningi, na bingʼwe mulabiza bana ba Ngʼwenuyo ali higulya no, iki Wei ah wa wiza ku abo bati na kulumba na ku ba bubi.

Yohana 5:35

Ngʼwenuyo walali tala iyubaka na yaka, na bingʼwe ngʼwali ngʼwatogwa kuyegela ngʼwisana lyakwe kakanza kado.

Shītwa 2:40

Ubakanilila na mihayo yingi mingi, na ubakomeleja, uhaya giki, Ipijagi kwinga mu kibyalilwe iki ichigomagomile.

Shītwa 20:30

Hangi kufuma mu bingʼwe benekele balabuka banhu, balabyulungalunga mihayo igomagomile ya kubaduta bahemba hanuma yabo.

Balumi 16:19

Iki kwigwa kwingʼwe kwaakumuka ku banhu bose. Kulwa iyo namuyegela bingʼwe; aliyo natogilwe mubize ba masala mu iyo ya wiza, hangi bachilu mu iyo ya bubi.

1 Bakolinto 1:8

Uyo akumudimya kushisha ku mhelo, mubize muti na buka mu lushiku lwa Seba wiswe Yesu Kristo.

2 Bakolinto 6:17

Kulwa iyi, fumagi mubo, ngʼwikomanye, uhaya Seba, mutizukuumya kinhu kisoso; na Nene nakungʼwegeleja,

Baefeso 5:27

Ayenhe kuli Wei ngʼwenekele, kanisa ya ikujo, iyiti na kabado nulu wikunakuni nulu kinhu chingi giti isho; aliyo ibize nela, na buka nduhu.

Bafilipi 1:10

Muyizunilije mihayo iyili ya wiza; mubize ababonwa hape bali bela, abati na kwipamya kushisha ku lushiku lwa ngʼwa Yesu Kristo;

Bafilipi 3:6

Mu bukomezu nuyinyajanyaja kanisa, mu butungilija ubulagililwe mu shilagilo, nali nati na kilingo. Paulo wilecha yose kulwa nguno ya kumana Kristo

1 Batesalonike 5:23

Na Mulungu wa mhola ngʼwenekele angʼweje nghana nghana; mioyo yingʼwe na ngholo na mibili shibaladwe mu bushikanu, shiti na kilingo ngʼwikanza lya kwiza kwakwe Seba wiswe Yesu Kristo.

1 Timoteo 3:10

Na abo bagengʼwe tange; huna lulu bamanike giki, bati na kilingo, huna bagutumame nimo gwa winhilija.

1 Timoteo 3:2

Kulwa iyo nanghani shigelile abize munhu uyo atusuchiwa, ngoshi wa nkima umo, ngʼwilindi ngʼwenekele, wa masala madekanu, uyo akushiminzaga wima, ngʼwegeleja wa bageni, ndebeji mu kulanga;

1 Timoteo 5:14

Kulwa mhayo uyu natogihve giki, bachilwa abati bagikulu batolwe, babyale bana, basuge mihayo ya mu kaya, batizungʼwinha ngʼwanishi i nguno ya kusondagula.

1 Timoteo 5:20

Abo babihije ubahugule mu butongi wa bose, na bangi nabo bogohe.

1 Timoteo 5:7

Mihayo iyi ubalagile babize batusuchiwa.

Tito 1:6

Ulu munhu umanika ati na kilingo, ngosha wa nkima umo, ali na bana bazunya abatubulwa bali buyagabuyaga nulu bati na chigwamatu.

Tito 2:10

Nulu banyecha, aliyo biyoleche bali basanyiwe mu ya wiza yose; bakugaliile kulanga kwa Mulungu Mpija wiswe mu mihayo yose.

Tito 2:15

Hayaga mihayo iyi, na kukomeleja, na kuhugula na budula bose. Munhu ose atizukudalaha.

Bahebrania 7:26

Iki itubelelile biswe kubiza na ngabiji ntale giti Wei, Uyo ali ngʼwela, ati na buhwiganu, ati na kilingo, ukomanyiwa na abali na shibi, hangi ugunguhiwa kukilila igulu;

1 Petro 2:12

Shimile shingʼwe shibize sha wiza mu bana mahanga; giki, nulu bamusayila muli biti ba sha bubi, aliyo aho bubona shitile shingʼwe sha wiza, bankuje Mulungu mu lushiku lwa kugenihwa.

1 Petro 2:9

Aliyo bingʼwe muli kibyalilwe kisolwa, bugabiji wa kitemi, ihanga lyela, banhu ba wikomangile; ngʼoleche bugalili wa Ngʼwenuyo uwaangʼwitana kwinga mu giiti, na kwingila ngʼwisana lyakwe lya kukumya:

2 Petro 3:14

Kulwa iyo, batogwa, iki mukulolelaga mihayo yeniyo, komelagi amusange mu mhola, aba muti na kabado nulu kilingo mu miso gakwe.

Kukundulwa 2:5

Ali lulu, izukagwa kufuma uko wagwilile, oye, ushoke ushite hangi shitile sha kwandia; aliyo ulu utita giko, nakwiza kuli bebe wangu, nakuyinja tala yako mu wikalo wayo, ulu utoya.

Kukundulwa 3:9

Lolaga, nakwita giki, benabo abali ba ibilingilo lya ngʼwa Shetani, abihaya giki, bali Bayudaya, aliyo bati bene, aliyo balihaya bulomolomo; lolaga, ndabenha bize kulamya mu butongi wa mhambala Jako, nabo balamana giki, Nene nakutogilwe.