Bafilipi 2:1 - Ilagano Ipya Lya

¹ Kulwa iyo ulu kuli ho kuganikilwa kose muli Kristo, ulu kulungujiwa kose kwa butogwa, ulu kusangila kose kwa Moyo Ngʼwela, ulu kisa na wisatwi,

Sukuma New Testament 2000

¹ Hūna lūūlū ūlū būlīho būganikīji bose-bose mulī Kilisto, nūūlū būtogwa bose-bose ūbo būshikile kūlūngūja, nūūlū būsangī bose-bose mulī Moyo, nūūlū kwisaatwa na kwikūlīlwa;

Bibilia Ilagano Lya Kale 2015

¹ Hūna lūūlū ūlū būlīho būganikīji bose bose mulī Kilisito, nūūlū būtogwa bose bose ūbo būshikile kūlūngūja, nūūlū būsangī bose bose mulī Moyo, nūūlū kwisaatwa na kwikūlīlwa;

Bafilipi 2:1 Iomraidhean Croise

Luka 2:25

Na mu Yerusalemi walali mo munhu, lina lyakwe Simeoni, munhu ngʼwenuyu walali ntungilija na wa logohano, hangi akukulindilaga kulungujiwa kwa Israeli, na Moyo Ngʼwela ubiza hali wei.

Yohana 14:18

Natumuleka bapina; nakwiza ku bingʼwe.

Yohana 14:27

Mhola namulekela; mhola yane nangʼwinha bingʼwe; iti gitumo ba mu si bakwinhaga umo nangʼwinha Nene. Ngholo yingʼwe itiziganilija, nulu itizogoha.

Yohana 17:13

Hambunyu niza kuli Bebe; na mihayo yeniyi nayilungalunga mu si, babize na buyegi wane bushikilijiwe mubo.

Shītwa 2:46

Bukomela buli lushiku na moyo gumo mu hekalu, na kumeganya ngati kuja buli kaya buli kaya, bubyanukula shiliwa shabo na busangabazu na ngholo ndyehu.

Shītwa 4:32

Ibita lya benabo abazunije bali bubiza na ngholo imo na bupanga bumo; nulu walati ho munhu mubo wa kuhaya giki, Chose chose cha shikolo isho ali nasho, chene chakwe ngʼwenekele, aliyo bali bubiza na busangi mu shinhu shose.

Balumi 5:5

Na kwisagilwa kutadimyaga minala; iki butogwa wa Mulungu waasukilwa mu ngholo jiswe na Moyo Ngʼwela Uyo twiinhiwa.

Balumi 8:26

Giko hangi Moyo akutugunanaga mu bugokolo wiswe; iki tutamanile kulomba gitumo shitwigelile; aliyo Moyo ngʼwenekele akutulombelaga na kuganghila ukutudula kuhayiwa.

1 Bakolinto 12:13

Iki mu Moyo umo twaabatijiwa biswe bose kwingila mu mili gumo, nulu tuli Bayudaya nulu Bagriki, nulu tuli basese nulu bana ba banhu; na biswe bose twaangʼwishiwa mu Moyo umo.

1 Bakolinto 15:31

Ali chene, kulwa kwikumilija kwane uko nali nako muli Kristo Yesu Seba wiswe kulwa bingʼwe, badugu bane, giki, nakuchaga buli lushiku.

1 Bakolinto 3:16

Mutamanile giki, bingʼwe muli hekalu ya Mulungu, hangi giki, Moyo wa Mulungu azengile mu bingʼwe?

2 Bakolinto 13:14

Kigongo cha Seba Yesu Kristo, na butogwa wa Mulungu, na kusangila kwa Moyo Ngʼwela shikale hamo ningʼwe bose. Amina.

2 Bakolinto 2:14

Aliyo Mulungu alumve Uyo akututongelaga gwa mu bupyeni muli Kristo, na kwelecha kulwiswe u ngʼwaso gwa wiza gwa kumana Wei mu buli ipande.

Bagalatia 4:6

Na kulwa bingʼwe muli bana, Mulungu waantuma Moyo wa Ngʼwana wakwe mu ngholo jingʼwe, akulilaga giki, Abba, Siswe.

Bagalatia 5:22

Aliyo matwajo ga Moyo gene aya: kwitogwa, kuyega, mhola, kwiyumilija, wizangholo, wila, wishigwa,

Baefeso 4:4

Gwene mili gumo, na Moyo umo, chene gitumo bingʼwe ngʼwiitanwa mu kwisagilwa kumo kwa kitanilwe kingʼwe;

Bafilipi 1:8

Iki Mulungu ali nkaniji wane, gitumo nakumukumbulilaga bingʼwe bose mu moyo gwa ngʼwa Yesu Kristo.

Bafilipi 3:3

Iki tuli basalwa abakunamyaga Mulungu mu Moyo Ngʼwela, abakwikumiligijaga muli Kristo Yesu, abati na kwisagilwa mu mili:

Bakolose 2:2

Giki, ngholo jabo jilungujiwe, balunganyiwe mu butogwa, na bashike mu busabi bose wa kokala kwa kwitegeleja, bakumane gete kwigeniha kwa Mulungu, kwene Kristo;

Bakolose 3:12

Kulwa iyo iki muli bakongʼwa ba Mulungu, bela na batogwa, zwalagi ngholo ya kuchila kigongo, wizangholo, bulyehu, bufula, wiyumilija;

Bahebrania 6:18

Giki, kulwa mihayo ibili iyitagalukaga, mu iyo Mulungu walatudula kuhaya bumama, tubize na butimbyangholo wa nguzu, biswe abamala kupelela kudima kwisagilwa ukwatuulwa ho ku butongi wiswe:

1 Petro 1:2

Gitumo Mulungu Siswe waabamana kufuma kale, mu kwejiwa kwa Moyo Ngʼwela, kubashisha mu bulyehu na kusesebelwa kwa mininga ga ngʼwa Yesu Kristo; Kigongo na mhola shongejiwe ku bingʼwe.

1 Yohana 3:24

Uyo akushidimaga shilagilo shakwe akwikalaga muli Wei, nanghwe muli wei. Kulwa mhayo uyu tumanile giki, akwikalaga mu biswe, kulwa Moyo uyo waatwinha.

1 Yohana 4:12

Ati ho munhu uwamona Mulungu kufuma kale: ulu twitogwa, Mulungu akwikalaga mu biswe, na butogwa wakwe waashikanyiwa mu biswe:

1 Yohana 4:16

Na biswe twaabumana na twaabuzunya butogwa ubo Mulungu ali nabo ku biswe. Mulungu ngʼwene butogwa; na uyo akwikalaga mu butogwa, akwikalaga muli Mulungu, na Mulungu akwikalaga muli wei.