Bafilipi 1:16 - Ilagano Ipya Lya

¹⁶ Bangi bakulomelaga ya ngʼwa Kristo kulwa butogwa iki bamanile giki, nene natuulwa ho kuhva kwilwilila i evangeli;

Sukuma New Testament 2000

¹⁶ A benaba bakūlomeelaga mu būtogwa, īkī bamanile gīkī natūūlilwe ho kūlwa nguno ya kūjilwīlīla ī Nghūlū Jawiza.

Bibilia Ilagano Lya Kale 2015

¹⁶ A benaba bakūlomeelaga mu būtogwa, īkī bamanile gīkī natūūlilwe ho kūlwa nguno ya kūjilwīlīla ī Ng'hūlū Jawiza.

Bafilipi 1:16 Iomraidhean Croise

1 Bakolinto 9:17

Iki ulu nene nita mhayo uyu kulwa butogwa wane, ndi na mhela; aliyo ulu iti kulwa butogwa wane nalekelwa kalongeje.

2 Bakolinto 2:17

Iki biswe tuti giti bingi abasulugija mhayo gwa Mulungu: aliyo tuli abo abakulungalungaga mu welwa ngholo, kina banhu abatungʼwa na Mulungu, tukuhayaga muli Kristo mu butongi wa Mulungu.

Bafilipi 1:10

Muyizunilije mihayo iyili ya wiza; mubize ababonwa hape bali bela, abati na kwipamya kushisha ku lushiku lwa ngʼwa Yesu Kristo;

Bafilipi 1:12

Aliyo badugu bane, natogilwe mumane giki, i mihayo iyali yunigwila, yabyagi ya kukwilikanya evangeli;

Bafilipi 1:5

Kuhva nguno ya kusangila kwingʼwe mu nimo gwa kuyitangʼanhya evangeli kufuma lushiku aho mukandia kushisha haha;

Bafilipi 1:7

Gitumo igelile kuli nene nangʼwiganike bingʼwe bose chene, iki bingʼwe muli mu ngholo yane, iki mu butungwa wane na mu nimo gwa kuyilwilila evangeli na kuyidimya, bingʼwe bose ngʼwasangila na nene mu kigongo iki.

Bafilipi 2:22

Aliyo bingʼwe mumanile kukanilwa kwakwe giki, gitumo ngʼwana akatumamilaga ise, giko wei akutumamaga hamo na nene mu nimo gwa evangeli.

Bafilipi 4:15

Bingʼwe Bafilipi mumanile ningʼwe giki, mu kwandia kwa evangeli aho nali ninga Makedonia, yali iti ho kanisa yingi iyali yusangila na nene mu mhayo gwa kufunya na kwanukula, aliyo bingʼwe bike;

Bafilipi 4:3

Ali chene, nakwikumbilija nu bebe ntumami ngʼwichane nghana, bagunanage bakima benabo, iki bakakoyela hamo na nene mu evangeli kihamo nu Klementi na batumami bichane bangi, abo mina gabo gali mu kitabo cha bupanga.