Bafilipi 1:10 - Ilagano Ipya Lya

¹⁰ Muyizunilije mihayo iyili ya wiza; mubize ababonwa hape bali bela, abati na kwipamya kushisha ku lushiku lwa ngʼwa Yesu Kristo;

Sukuma New Testament 2000

¹⁰ Mubize na būdūla bo kwīkomanya ī mihayo, banhū batūngīlīja abo batīko kūdalahwa ū mu lūshikū lwa ng'wa Kilisto.

Bibilia Ilagano Lya Kale 2015

¹⁰ Mubize na būdūla bo kwīkomanya ī mihayo, banhū batūngīlīja abo batīko kūdalahwa ū mu lūshikū lwa ng'wa Kilisito.

Bafilipi 1:10 Iomraidhean Croise

Matayo 16:23

Aliyo Wei ugaluka, ungʼwila Petro giki, Jaga kunuma yane, Shetani; bebe uli ishiki lya kwigumha kuli Nene: iki utiganikaga i ya Mulungu, aliyo ya banhu.

Matayo 26:33

Petro ushosha, ungʼwila giki, Nulu bose bakwipama kulwa Bebe, aliyo nene natalipama yaya.

Yohana 1:47

Yesu aho umona Nathanaeli izile kuli Wei, unghaya giki, Nolagi uyu muna Israeli gete gete, muli wei bulembalembi buti mo.

Yohana 3:20

Iki uyo ose akitaga ya bubi akulikolagwa isana, nulu atiza kwisana, Shitwa shakwe shileke kuhangʼwa.

Shītwa 24:16

Nane nakwimanilijaga mu mhayo uyu giki, nabize gwa na wiyanguji ubuti na kilingo mu butongi wa Mulungu na wa banhu.

Balumi 12:2

Ningʼwe mutiziyita kubiza ngʼwikolile na kikalile ka si iyi; aliyo mubize abagalukile mu kwitwa kupya kwa maganiko gingʼwe, mubone kumana iyo Mulungu atogilwe, iyo ya wiza na iyo ya kunyeja, na iyishikanile.

Balumi 12:9

Butogwa butizubiza na wibeleja. Mubukolagwe buhunga; umamilagi i ya wiza.

Balumi 16:17

Nangʼwikumbilija bingʼwe, badugu, bilanghanagi abo bakwitaga kwilekanya na ya kwigumhya iyiliganije na kalangile ako ngʼwaakilanga, ngʼwikomanye nabo.

Balumi 2:18

Kangi umanile iyo Wei atogilwe, na ukukomanyaga iyo iyili ya wiza, iki ulangilwe mu shilagilo;

Balumi 7:16

Aliyo ulu nakuyitaga iyo natayitogilwe, nazunya giki, shilagilo shili sha wiza.

Balumi 7:22

Iki nakushiyegelaga shilagilo sha Mulungu muli munhu wa mugati:

Balumi 8:7

Kulwa kwiganika kwa nhungwa ya ki-mili kwene wanishi kuli Mulungu; iki kutilyeliyaga kusugwa na shilagilo sha Mulungu, nulu kudula kutudula:

1 Bakolinto 1:8

Uyo akumudimya kushisha ku mhelo, mubize muti na buka mu lushiku lwa Seba wiswe Yesu Kristo.

1 Bakolinto 10:32

Mutizutuula mhayo gwa kwipamya nulu ku Bayudaya, nulu ku Bagriki, nulu ku kanisa ya Mulungu.

1 Bakolinto 8:13

Kulwa iyo ulu shiliwa shungʼwipamya ndugu wane, natalalya nyama na hado kushisha welelo na welelo, natizungʼwipamya ndugu wane.

2 Bakolinto 1:12

Iki kwikumilija kwiswe hu kwene giki, bukaniji wa wiyanguji wiswe buli giki, i shikalile shiswe mu si iyi shali shili mu wela na mu nghana ya Mulungu, shali shiti mu masala ga ki-mili, aliyo shene mu kigongo cha Mulungu, na kutinda no ku bingʼwe.

2 Bakolinto 2:17

Iki biswe tuti giti bingi abasulugija mhayo gwa Mulungu: aliyo tuli abo abakulungalungaga mu welwa ngholo, kina banhu abatungʼwa na Mulungu, tukuhayaga muli Kristo mu butongi wa Mulungu.

2 Bakolinto 6:3

Biswe tutatuulaga ho mhayo gose gwa kwipamya, u kwinhilija kwiswe kutizuhayiwa kibi;

2 Bakolinto 8:8

Natuhayaga giti guli mhayo gwa kilagilo yaya, aliyo kulwa bujangizu wa bangi nageme i nghana ya butogwa wingʼwe.

Bagalatia 5:11

Aliyo nene, badugu, ulu natali nulomela mhayo gwa kusalwa, ni buli natali nunyajanyajiwa? Ulu ili chene numho kwipama ku nsalaba kwinjiwagwa ho.

Baefeso 4:15

Aliyo tubize tukuhayaga i ya nghana mu butogwa, tukuliile muli Wei mu mihayo yose, Uyo ngʼwene ntwe, Kristo;

Baefeso 5:10

Mubone kumana iyo iyili ya kunyeja Seba;

Baefeso 5:27

Ayenhe kuli Wei ngʼwenekele, kanisa ya ikujo, iyiti na kabado nulu wikunakuni nulu kinhu chingi giti isho; aliyo ibize nela, na buka nduhu.

Baefeso 6:24

Kigongo kibize hamo nabo bose abantogilwe Seba wiswe Yesu Kristo mu nghana. Amina.

Bafilipi 1:16

Bangi bakulomelaga ya ngʼwa Kristo kulwa butogwa iki bamanile giki, nene natuulwa ho kuhva kwilwilila i evangeli;

Bafilipi 1:6

Mhayo uyu nasanije giki, Wei Uyo waandia kwita nimo gwa wiza mu mioyo yingʼwe, alagumalija kushisha ku lushiku lwa ngʼwa Yesu Kristo:

Bafilipi 2:16

Mukolechaga mhayo gwa bupanga giki, nabize nago gwa kwikumilija, mu lushiku lwa ngʼwa Kristo giki, natupelaga dalali nulu natutumamaga dalali.

1 Batesalonike 3:13

Amuhandikije ngholo jingʼwe, jibize jiti na kilingo mu wela mu butongi wa Mulungu Siswe, ngʼwikanza lya kwiza kwa Seba wiswe Yesu kihamo na bela bakwe bose.

1 Batesalonike 5:21

Igemagi mihayo yose; dimagi ya wiza;

1 Batesalonike 5:23

Na Mulungu wa mhola ngʼwenekele angʼweje nghana nghana; mioyo yingʼwe na ngholo na mibili shibaladwe mu bushikanu, shiti na kilingo ngʼwikanza lya kwiza kwakwe Seba wiswe Yesu Kristo.

1 Yohana 4:1

Batogwa, mutizuzunya buli moyo gose, aliyo igemagi i mioyo ulu ifumile kuli Mulungu; iki bahangi ba bumama bingi bilongile mu si.

Kukundulwa 2:2

Nene namanile Shitwa shako, na kukoyakoya kwako, na kwiyumilija kwako; hangi giki, utudula kubagoyela banhu ba bubi, hangi ukabagema abali bihaya giki, bali batungʼwa, aliyo bati bene, hangi wali ubamana giki, bali bamama;