lRom 1:7 - E Nut Ka Meer Mang Ka Mokpom To A Gunngar

⁷ Ko kaittiegom kua hor ta ngang nguk ruk lRom tgus, muk ruk E Nut tkaelongtok mang nguk he kvaeng nguk kam vle ngang En mruo. Ii, kua ngarkie ngang Ngor Teit E Nut kar Ngoldaip e Yesus Kristus min kam ring ya mang nguk, va min kmeharom mularo vurkul kmongeik kat.

lRom 1:7 Iomraidhean Croise

E Matyu 5:16

He kmikkiem enang tok kat, E Nut tkaendavloum a mmie he el muk ko pgegom o mia orom mularo keknen ruk lyar ko ngaka vle gi enang tok kat, mar kam valler o mia, o mia kam vokong ngar he le khover mu Teit tkuon ma volkha ekmar.”

E Yoanes 20:17

To e Yesus ta reng te, “Pet ila lo ktiek kuon mang dok na, ekam ko klo eknik ngok kim E Titou vop. Vanang ngiak kle va kngae ha, ngok kim kolngunes he khavaeng ngar te, ‘Ngor kaeknik ka grap ngok kim E Titou, Endo muk mu Teit orom kat. Her E Nut to koma totu pum va endo muma totu pum En kat arhe.’”

O Aposel Ngaro Reha 15:23

Ngat mon min kmeknik ngogu mAntiok orom a hor ta, ko ngat ittiegom te: Vae, muk ruk o vrong rhek ko mAntiok va si muk tgus ruk ko mnam alo mhe ruk e Siria va e Silisia kat, muk ruk mut kor mnam muk mang e Yesus he kmokpom kar. A hor ta, tottek ekam mor o aposel kar endruk ngta nho mang e Yesus ka ngaomevek. Mor muornopeik ruk ngota mokpom kar e Yesus kar muk. Ngot kaen ngua mamrung ngang nguk he.

O Aposel Ngaro Reha 9:13

E Yesus ta re tok knop, to e Ananais tkoripang te, “Koldaip kua ngan o rhek kavurgem mang a mhel to endo, ko tvua sovet kam kering itaro mia mruo ko mYerusalem.

lRom 1:6

He muk kat, E Nut ther vaeng nguk kat kam kaum kor mnam muk mang e Yesus Kristus he kmokpom kar kam kaum vle ngang En mruo kar karo mia mruo akuruk, gi enang ko tvaeng ngar kam vle ngang En mruo tok kat.

lRom 5:1

He ekam ko E Nut timim kim o rhek mang nguaro kerkeknen enang tok, ko ngot kor mnam mor mang e Yesus he kmokpom kar, va ta khenam tete te, E Nut teharom nguaro vurkul kmongeik mang En mruo her vgum Ngoldaip to e Yesus Kristus tok kat arhe.

lRom 5:5

He ngrer lo is hak kam kosnok mang a papat to endo ngoma nho mkor E Nut mang kat e, ekam ko E Nut nam ho mi kut kaelongtok mang ngor hak he el E Nunu A Totur kun mnam nguaro vurkul kam vle te, ka tnangal ka gi kaunun, en kam vle kun mnam mor kngae kais ko E Nut ner mi kaottam ka tnangal to endo kmen a ktalhok to endo ngang ngor.

lRom 8:28

Ngota mnor mang E Nut te, endruk ngam kaelongtok mang En, ko tvaeng ngar kmikkiem ka svil mruo, her endruk arhe, E Nut nam kaeharom o vrong tgoluk tgus ko ngma vle nngia nngia ngang ngar kam pis lya ngang ngar.

lRom 8:39

endruk mo mmie, endruk kuon ma volkha, va kun mnam a mmie ka ngaesik va ngat lo is hak. Ii, mor ruk ngot kor mnam mor mang Ngoldaip he kmokpom kar e Yesus To E Nut Thim Orom Ka Msasaen o gi vrong tgoluk tgus ruk E Nut tkueng ngar ngat ho lo is hak kam kser mor petgim E Nut to tkaelongtok mang ngor e.

lRom 9:25

Ii, E Nut ta kle mrua vaeng o vrong rhek kat kmikkiem gi enang ko a propet to e Hosea thavae te, “O mia ruk tesgun kom lo kta mon mar te, kuaro mia mruo, tete ngor le kta mon mar te, kuaro mia mruo. Va endruk tesgun ko orim mar kam lo kaelongtok mang ngar, tete ngor kle kmon mar te, mar ruk kom kaelongtok mang ngar kat.”

1Korin 1:24

Vanang o Yuda kar o vrong rhek ruk E Nut tkaum kvaeng ngar kmor mnam mar mang e Yesus, mar ngam kle ktua vokom Endo E Nut Thim Orom Ka Msasaen te, her E Nut ka serppak to kam susulgim o mia orom en arhe. Va ngma vokom a papat to mang en ko tyor mang ngar kmeharom tok kat te, her a papat to tvu laut to kat arhe.

1Korin 16:23

Va koma ngarkie ngang Ngoldaip e Yesus kat te, en kam ring ya mang nguk mekam mekam.

2Korin 13:14

Yu! Kua ngarkie ngang Ngoldaip e Yesus Kristus, en kam ring ya mang nguk. Va kua ngarkie ngang E Nut, En kam khenam ma mmok ngang nguk te, nam vu kaelongtok mang nguk. Va kua ngarkie ngang E Nunu A Totur kat, en kmel rengmat kun mnam muk kam mokpom kar muk tgus kat.

lGalesia 6:18

Yu! Koornopeik, kua ngarkie ngang Ngoldaip to e Yesus Kristus en kam ring ya mang nguk he kaeharom karo reha kun mnam mularo vurkul he. Lmien.

lEpeses 1:2

Koma ngarkie ngang Ngor Teit to E Nut kar Ngoldaip to e Yesus Kristus mang nguk te, min kam ring ya mang nguk, va min kmeharom mularo vurkul kmongeik kat.

lEpeses 6:23

To koornopeik ruk mut kor mnam muk mang E Nut, kua ngarkie ngang E Nut to Ngor Teit kar Ngoldaip e Yesus Kristus mang nguk te, min kmeharom mularo vurkul kmongeik va muk kam sim kor mnam muk mang ngin he kmokpom kar min, va muk kmelongtok mang o mia kat.

lPilipai 1:2

Ii, kua ngarkie ngang Ngor Teit E Nut va Ngoldaip e Yesus Kristus, min kam ring ya mang nguk va min kmeharom mularo vurkul kmongeik kat.

lPilipai 4:13

He ekam tok, oni ruk oni ruk nga sia pis kim dok va dok ko kais kam matnge vgum mar ko Ngoldaip nam kaenserpgam dok.

lPilipai 4:20

He ekam tok, mor o mia tgus ngruak kanprim Ngor Teit E Nut kngorom kngorom ge. Lmien.

lPilipai 4:23

Yu! Kua ngarkie ngang Ngoldaip to e Yesus Kristus, en kam ring ya mang nguk he ka vle ko kim muk mekam mekam. Lmien!

lKolosi 1:2

Ko kaittiegom kua hor ta ngang nguk ruk koornopeik ko mKolosi, muk ruk mut kor mnam muk mang e Kristus he kmokpom kar. Ii, her muk ruk arhe E Nut tmur el muk kam mi ktua vle ngang En mruo orom o keknen ruk o totur. Koma ngarkie ngang Ngor Teit to E Nut mang nguk te, En kam ring ya mang nguk, va En kmeharom mularo vurkul kmongeik kat.

lKolosi 3:12

Muk muta vle te, E Nut karo mia mruo ruk En te mrua ktar mrua re pum muk he mur kael muk kam vle ngang En mruo orom mularo keknen ruk o totur. Va En nam vu kaelongtok mang nguk kat. He ekam ko E Nut teharom muk ruk muma vle tok kam vle te, o mia ruk o gunngae, va mguak pi orom o keknen ruk kam mrung o mia, va kam smia rere kar o mia, va kam mrua krus orom muk mruo, va kam ho mi ktua vle te, a sim re po mia, va kam lua kaeloong mang o vrong tgoluk mar kam marer kam pis. Ii, mgua gia pi orom o keknen ruk endruk gi enang ko mum gia pi orom mularo it ruk ko vanam muk tok kat.

lKolosi 3:15

Va mularo vurkul ngak kaisis mo kmuk vgum Endo E Nut Thim Orom Ka Msasaen, ko her e Kristus arhe nam kaen a vrek longeik ngang o mia. Mguaka vle tok, ekam ko E Nut tvaeng nguk kam kaum ka vle orom a vrek atgiang gi enang tok arhe ekam ko langto langto mnam muk ta vle te, e Yesus ka ngaomevek to atgiang ket mhe langto langto orom muk. Ii, va mguaka vle tok he kanprim E Nut mang o vrong tgoluk tgus kat.

1Tesalonika 1:1

Dok e Pol, va e Silas kre Timoti, ennginduk nginma kaum kaeha kar dok nginta vle mo kmok kat. Ko kaittiegom kua hor ta ngang nguk ruk e Yesus ka ngaomevek to ko mTesalonika, muk ruk mut kor mnam muk mang Ngor Teit E Nut va Ngoldaip e Yesus Kristus he kmokpom kar. Ngoma ngarkie ngang ngin, min kam ring ya mang nguk, va min kmeharom mularo vurkul kmongeik kat.

1Tesalonika 1:3

Ii, ngoma kanprim E Nut mang nguk ekam ko ngoma pat mang mularo reha ruk mularo papat ruk kmor mnam muk mang E Nut ngam kaoppom muk kmeharom mar. Va ngoma kanprim E Nut mang nguk kat ekam ko ngoma pat mang mula keknen to kam sovet kam prongyek ka psek kmeha ngang o mia, endo ko mula keknen to kmelongtok mang ngar nam kaoppom muk kmeha ngang ngar enang tok. Va ngoma kanprim E Nut mang nguk kat ekam ko ngoma pat mang mula keknen to kam matnge vgum o vnek kat, endo ko mula keknen to kam nho mkor Ngoldaip to e Yesus Kristus kmen a ktalhok ngang nguk nam kaoppom muk kam matnge vgum mar tok kat. Ii, ngoma pat mang nguk tok, he kle kanprim E Nut mang nguk tok arhe.

1Tesalonika 1:4

Ii, koornopeik ruk E Nut tkaelongtok mang nguk, ngoma kanprim E Nut mang nguk tok, ekam ko kua mnor mang nguk te, E Nut ther mi re pum muk kam vle ngang En mruo.

1Tesalonika 4:7

Ii, mgua mrua nho mang mularo pkor mruo tok, ekam ko mor ruk ngot kor mnam mor mang e Yesus he kmokpom kar, E Nut tlo vaeng ngor ngok kim En, he nang mor kam vle orom o mgun kuo mang ngor e. Nove, ta kle va kvaeng ngor kam kser nguaro kerkeknen petgim mor, he nang mor kam vle ngang En mruo orom nguaro ngorsang ruk o totur.

1Tesalonika 5:28

Yu! He kua ngarkie ngang Ngoldaip e Yesus Kristus kam plong ring ya mang nguk mekam mekam.

2Tesalonika 1:2

He ngota ngarkie ngang Ngor Teit E Nut va Ngoldaip e Yesus Kristus te, min kam ring ya mang nguk, va min kmeharom mularo vurkul kmongeik kat.

2Tesalonika 3:16

Yu! Va tete kua ngarkie ngang Ngoldaip to nam kaeharom o mia ngaro vurkul kmongeik mang nguk te, En mruo kmeharom mularo vurkul kmongeik mekam mekam kun pgegom o vrong tgoluk tgus ruk ngama kirpagis kim muk. Va koma ngarkie ngang En kat te, En kam vle ko kim muk mekam mekam kat.

2Tesalonika 3:18

Va koma ngarkie ngang Ngoldaip e Yesus Kristus te, En kam ring ya mang nguk tgus.

1Timoti 6:2

Va muk ruk mulmialaol ngat kor mnam mar mang e Yesus he kmokpom kar, gi enang muk mruo ko mut kor mnam muk mang e Yesus he kmokpom kar tok kat, mguak or kam pat re te, mut kais kam grung orom mulmialaol, he lo vua nho orom mar, gi ekam ko mar ngta vle te, muornopeik ruk ngat kor mnam mar mang e Yesus he kmokpom kar enang nguk tok kat. Nove, mgua kle va ho sim kut kaeha vat ngang ngar ge, kir kim mularo reha ruk mum kaeharom mar ngang endruk ngat lo kor mnam mar mang e Yesus he lua mokpom kar. Ekam ko mulmialaol ruk muma turang ngar orom mularo reha ruk tok, her mar muornopeik ruk ngat kor mnam mar mang e Yesus he kmokpom kar tok kat arhe. Ko E Nut tkaelongtok mang ngar kat. Timoti, her o papat ruk arhe ngiak patter endruk tgus ngma kpom o reha ngang ngalmialaol ormar he kaurur kim mar kmeharom mar.

2Timoti 4:22

Timoti, kua ngarkie ngang Ngoldaip mang in te, En kam vle kar yin mekam mekam. Va kua ngarkie mang yin kar ilenar tgus kat te, En kam ring ya mang nguk tgus ko tok mekam mekam kat.

E Pilimon 1:25

Yu! Pilimon, her gi tok he. Ngoldaip e Yesus Kristus na ring ya mang yin kar ilenar tgus.

E Pilimon 1:3

Koma ngarkie ngang Ngor Teit E Nut kar Ngoldaip e Yesus Kristus mang nguk tgus te, min kam ring ya mang nguk, va min kmeharom mularo vurkul kmongeik kat.

E Yems 1:1

Vae, dok e Yems, dok to kom kaeha ngang E Nut va Ngoldaip e Yesus Kristus. Ko kaittiegom kua hor ta ngang nguk ruk o Yuda mularo usiel ruk loktiek hori orom alomin, muk ruk mut her senkir he kmovavaik mnam o vrong rhek he ka vle ko kmar. Ko kaen kua mamrung ngang nguk tete.

1Pita 1:15

Nove, mguak kle va ka ksir pum mularo kerkeknen ruk endruk, he nang muk kam kle ka vle ngang E Nut mruo orom mularo keknen tgus ruk o totur, endruk mguak kaeharom mar. Ii, mguaka vle tok, ekam ko E Nut to tvaeng nguk kmor mnam muk mang En he kmokpom kar, En nma vle orom o keknen ruk o totur hak tok kat.

1Yoanes 3:1

He mu nho margem Ngor Teit na, ko En ther khenam he te, tngae vu kaelongtok mang ngor. Ekam tok En nma kvam mor te, kles ruk mor. Va nop, lmien te, kles ruk mor ha. Vanangko o mia ruk mo mmie, ngata vutko he lua vokom ka mnor mor te, kles ruk mor e. Nove, ekam ko mar mruo ngat lua mnor mang E Nut. Nove!

2Yoanes 1:3

Ii, he koma ngarkie mang ngor ngang Ngor Teit to E Nut kar Khal e Yesus To E Nut Thim Orom Ka Msasaen te, min kam ring ya mang ngor, va min kam mrung ngor, va min kmeharom nguaro vurkul kmongeik kat. Ii, koma ngarkie ngang ngin te, min kmeharom tok, gi enang ko ngom kaikkiem E Nut karo rhek ruk o minar kmelongtok mang o mia.

O Ngaelmir 2:1

“Ngiak kaittiek ngang a engyel to tkol kua ngaomevek to ko mEpeses ka gu kam havaeng ngar tgus te: Dok to kua kpom o ketor ruk aktiek hori orom alomin kun mnam kua miktiek he kngongae kun pgegom o krie ruk aktiek hori orom alomin, endruk orom o mmok ruk aktiek hori orom alomin, kua havaeng nguk orom kuaro rhek ri te,

O Ngaelmir 2:12

“Va ngiak kaittiek ngang a engyel to tkol kua ngaomevek to ko mPegamam ka gu kam havaeng ngar tgus te: Dok to ko kpom a kom to kalo ngaiting tgus nginta kha kua havaeng nguk orom kuaro rhek ri te:

O Ngaelmir 2:18

“Va ngiak kaittiek ngang a engyel to tkol kua ngaomevek to ko mTaitaira ka gu kam havaeng ngar tgus te: E Nut Khal to dok orom kualo keik ruk nginta vle enang a paei to ta vurvur klik mnam min va kualo nhar ruk nginta nho enang a kre to ngma mon te, a bras, ko ngint kael enang a kre to a bras ko ngat kael kun mnam a paei kam mamat.

O Ngaelmir 2:29

He muk ruk mut her lol E Nunu A Totur karo rhek ri ta rere ngang E Nut kakro ngaomevek ormar, mgua sim kael rela ekam karo rhek ri kam sim kut kaikkiem mar.”

O Ngaelmir 2:8

“Va ngiak kaittiek ngang a engyel to tkol kua ngaomevek to ko mSmerna ka gu kam havaeng ngar tgus kat te: Va her dok to Ko Ktar Vle va dok to Ngora Vle Knaek hak. Va her dok ta kat arhe, tennik ko her yor to le khop kam kta vle kat. Kua havaeng nguk orom kuaro rhek ri te,

O Ngaelmir 22:21

Yu! Ngoldaip e Yesus nak ring ya mang E Nut karo mia tgus! Lmien!

O Ngaelmir 3:14

“Va ngiak kaittiek ngang a engyel to tkol kua ngaomevek to ko mLaodesia ka gu kam havaeng ngar tgus te: La Minar to dok, va kuaro rhek ri kua rere orom mar ngaro kleim kat, o mia kam kpom mar te, nop, mar o mi rhek ruk o minar kat. Kua tavgo ta vle kuo mang o tgoluk tgus ruk E Nut tkueng ngar.

O Ngaelmir 3:22

Muk ruk mut her lol E Nunu A Totur karo rhek ri ta rere ngang E Nut kakro ngaomevek ormar, mgua sim kael rela ekam karo rhek ri kam sim kut kaikkiem mar.”

O Ngaelmir 3:7

“Va ngiak kaittiek ngang a engyel to tkol kua ngaomevek to ko mPiladelpia ka gu kam havaeng ngar tgus te: Dok to arhe dok to kuaro rhek ngta mien. Va dok to ko her pal mnam e Devit ka ngausie kat, E Nut tmur el dok petgim o vrong mia tgus he kaen a serppak langto ngang dok. He dok koma koregot kim o mia tgus ruk E Nut ka tavgo ta vle kuo mang ngar orom a serppak to endo. Va endruk kua koregot kim mar, nong a mhel tang kat to tis kam kat kaelegot kim mar kat e. Va endruk ko kaelegot kim mar, nong a mhel tang kat to tis kam kta koregot kim mar kat e.