E Mak 9:34 - E Nut Ka Meer Mang Ka Mokpom To A Gunngar

³⁴ Ta mnganang ngar tok, vanang ngat gia vongnek kim, ekam ko ngata mus ekam a ngaelaut he kmo kir kmar mang edim mnam mar ruk E Nut ka tavgo ta komor mar ka munik ta laut mang klenar.

E Mak 9:34 Iomraidhean Croise

E Matyu 16:7

To kalngunes ngat kaelha kam mo mnganang ngar mruo he kre te, “Ngola, nok pathe ta re tok ekam ko ngot kikiangae kam lol o ol akor vor?”

E Mak 9:50

Ii, ko a hormnek nma mgae orom ka karvuk mekam mekam. Vanang enangthe ka karvuk npa hortgi he knop, va ngir kais kam kta kaenserpagam nngia, en kam kta karvuk kat? He enang tok, muk kat, mularo keknen ngak kaeharom mularo ngorsang mo kmuk tgus kam ya va kmisis kun pgegom muk kat.”

lRom 12:10

Mguak kaelongtok mang muornopeik kam smia mokpom kar mar ko mar muornopeik ruk ngat pal mnam E Nut ka ngausie ka pun. Va mguak kle khover mar ktotu pmar kir kim muk mruo.

1Pita 5:3

Va mguak or kam sopong E Nut karo mia ruk karo sipsip, endruk E Nut tel mar ko maktiegom muk. Vanang mguak kle va ka krus orom muk mruo kam khenam muk ma mmok ngang ngar kam ktar mang o keknen ruk lyar ngang ngar, he nang mar kam vokom mar tok, to le kolkol ekmuk ormar.

3Yoanes 1:9

Mare. Ko her ittiegom kuaro rhek akuruk kun mnam kua hor langto yok ngang nguk ruk E Nut ka ngaomevek to ko tok. Vanangko la mur hover to e Diotrepes, endo nama sovet kam kansgum en mruo kam mur kaelel en mruo kam ktong E Nut kles ruk muk ko tok, ta kle va lo kael dok mang kuaro rhek ruk endruk e. Nove. Ta kle va krere kim mar ha.