E Mak 8:15 - E Nut Ka Meer Mang Ka Mokpom To A Gunngar

¹⁵ To e Yesus ta koka kmel a pagor ngang ngar te, “Mgua sim ktua papat he kngangreal ngang nguk hak mang e Herot kar o Parisiau ngaro papat ruk ngma kerruru ormar ko ngma ker patter o mia ormar. Ko ngaro papat ruk endruk ngta vle enang ke ngaor to a yis ko nma himhim orom a bret kam ho khibul hak.”

E Mak 8:15 Iomraidhean Croise

E Matyu 14:1

To mnam o kolkhek ruk endruk lRom ngalaip kalkayie to e Herot ta nho mang lGalili va ta ngnek mang a re to mang e Yesus ka munik.

E Matyu 14:3

E Herot ta mrua pat te, e Yesus, nok en e Yoanes to tkat hop petgim ka nnak tok vor, ekam ko tiok her e Herot mruo arhe to ta ktar en a volou mang e Yoanes. Ten a voluo mang tok, ko tiok e Yoanes nam sia kser e Herot mang knopia to e Pilip ktavlom, e Herodias ko e Herot ta vret petgim e Pilip he kle klei orom. Va e Yoanes nma palsie kim e Herot mang e Herodias kam havaeng te, “Nguaro pos ngat lua ngatkal mang in kam lei orom inan e Herodias tok e.” He ekam ko e Yoanes nma palsie kim tok, e Herot ten a volou mang tok arhe, o mia kam kpom e Yoanes kaussiem he kaenpasiker kun pa hengor. E Herot ka papat ta serppak kmim e Yoanes kngam a yoror, vanangko ta gorang o mia pum, ko o mia tgus ngat el e Yoanes te, en a propet langto.

E Matyu 14:6

To mnam a kolkha langto e Herot ta kunngir kim a kolkha to knan tkol. Va kun mnam a kolkha to endo e Herodias ka kvek tkaerep ko pum o mia ngaro kerok he e Herot tngae sei kam sirei mang hak.

E Matyu 16:6

Ngat vaar ka vle, to e Yesus thavaeng ngar te, “Mgua sim ktua papat he kngangreal ngang nguk hak mang o Parisiau va o Sadyusi ko ngta vle enang ke ngaor to a yis ko nma himhim orom a bret kam ho gia hibul hak.”

E Mak 12:13

Kam ngae, to o Yuda ngalmialaol ngta meng o Parisiau kar o mia akuruk kun mnam a valngan to mkor e Herot ngok kim e Yesus kmenen mkor, en kam mrua ru pum karo mur rhek mruo.

E Mak 8:14

Ngata pis kvaar to kngae, vanangko kalngunes ngat kikiangae kam lol o ol. A gi bret to a gutnar atgiang tuk e, ngat el kun ma langail.

E Mak 8:16

To kalngunes ngat kaelha kam mo mnganang ngar mruo he kre te, “Ngola, ta re ti, ekam ko ngot kikiangae kam lol o ol akor vor?”

E Luk 12:15

To ta hoger karo rhek kam reng ngar te, “Mgua le va sim kut mur kaelel kuo mang nguk he sim ktua toot mang nguk mruo, muk kam lua knun mang o gi vrong tgoluk. Ko a mhel tlo kais kam kol a ktalhok to kam plong vle ko kim E Nut ngnik ngnik vgum karo vu tgoluk e.”

1Timoti 5:21

Ii, tete kua re lserppak kam re kvat E Nut kre Yesus To E Nut Thim Orom Ka Msasaen va karo engyel ruk E Nut tre pum mar kam havaeng yin lsir ko pum ngaro kerok te, ngiak sim kaikkiem kuaro rhek ri, nang or kam gia khen a mhel langto kam psom tok, vanang ka mnang langto ko en kaela to yin. Ngiaka psom o mia tgus enang tok arhe.

1Timoti 6:13

Ii, e Yesus To E Nut Thim Orom Ka Msasaen, en tmur havae mang en mruo mnam a kolkha to ta sir ko pum e Pontus Pailet kalo keik kmimim kim o rhek mang kat. Va E Nut to tkueng o vrong tgoluk tgus kam ktal kim En mruo, va kua rere he kvat nginalo munik kam re lserppak ngang in ko kim nginalo keik kat te,

2Timoti 2:14

Timoti, ngiak or kam tu kmel pat kim o mia mekam mekam mang o papat ruk endruk. Va ngiak kle kaengorang ngar ko pum E Nut kalo keik mang o keknen ri kat te, ngak or kam mo maen o rhek mang o gi vrong rhek ngo vgondik, ko a keknen to endo, nong ka kleim ngang hak ko pum E Nut kalo keik e. Nove, a keknen to endo nam kle va gia kering o mia ruk ngam kael ngaro rela kam nganik.