E Mak 5:7 - E Nut Ka Meer Mang Ka Mokpom To A Gunngar

^7-9 To e Yesus ta ktar ka mnganang te, “Ila munik erieto?” Va a koot langto kun mnam tkoripang te, “Ngua munik ‘e Ngaomevek’ ko mor o kool ruk a ngaomevek to orom mor ngot viging a mhel to enda.” E Yesus ta ngnek tok, to thera reng a koot to endo te, “Mu ottek kun mnam a mhel to enda.” Ngta ngnek ko e Yesus ta reng ngar tok, to a koot ta rere klik hak he kreng e Yesus te, “Yesus, Yin E Nut To Tho Mi Laut Hak Khal to yin. He mor o kool ngot lua mtom yin kam pis ktoop kmor mo e. Ngot kaurur kmin te, yin kmel ila tnangal ngang ngor ko pum E Nut kalo keik te, yin kmor kmen a kapnes ngang ngor he kering ngor.”

E Mak 5:7 Iomraidhean Croise

E Matyu 16:16

Va e Saimon Pita tkoripang te, “Her E Nut to nma plong vle ngnik ngnik Khal to yin arhe, Endo E Nut Thim Orom Ka Msasaen.”

E Matyu 26:63

Vanangko e Yesus tlua svil kmoripang e, ther gia sir lvongnek. To o pris ruk laol ngalaip ta tger e Yesus kam kta mnganang te, “Kua havaeng in orom E Nut to nma plong vle ngnik ngnik ka munik te, yin kam re lmien kam havaeng ngor te, lmien mang in te, E Nut Khal, Endo E Nut Thim Orom Ka Msasaen her yindo arhe i nop gi?”

E Matyu 4:3

To endo yek, e Seten to nam kaenen mkor o mia kmeharom o kerkeknen tkaelha kmegom e Yesus kam kendom ngang kam reng te, “Enang ko E Nut Khal msim to yin, va yin he, reng o krek ri, he nga hortgi el mar o bret, yin kmemik.”

E Matyu 8:29

Nginta pis ko kim, va vgum a koot langto kun mnam langto mnam min ko ta rere klik te, “E Nut Khal Msim to yin he ngot lua mtom yin kam pis ktoop kim mor mo e. Va kman ko ya kaeloong mnam a kolkha to E Nut tmur el kmen a kapnes ngang ngor ruk o kool he kpis moti kam kering ngor tete?”

E Mak 1:24

Ta vle to a koot ta gervik klik kim e Yesus te, “Yin a mhel to endo kua mnor miik. Yin e Yesus to nkong mNasaret. Yindo E Nut Tmur Re Pum Yin. He mor o kool ngot lua mtom yin kam pis he ktoop kmor mo e. Ya pis moti kam rum kim mor, i nop gi?”

E Mak 14:61

Vanangko e Yesus tlua svil kmekon ngang e, ther gi sir kvongnek kim. To o pris ruk laol ngalaip ta tger e Yesus kam kta mngan kat te, “Lmien mang in te, Endo E Nut Thim Orom Ka Msasaen her yindo arhe, i o nop gi? Va E Nut To Nma Ngamyammok Mang O Mia, Khal to yin, i o nop?”

E Mak 3:11

Vanang o kool ruk ngat viging o mia, ngama vokom e Yesus to le gia tubulkek ku penharom he kvui te, “Her E Nut Khal to yin arhe.”

E Mak 5:6

Tvokom e Yesus ko ta sir vur hagenmok mang to her gia sap pis ksir ko kim to ktubulkek ku penharom.

E Luk 1:32

En ner ho mia laut hak va E Nut nera kvam en te, E Nut To A Ho Lautar Hak Khal Msim, va ekam tok, Ngoldaip to E Nut ner kael en kam kpom a ngaekam to mkor kaes to a hipun to e Devit ngang, en kam laut va ka nho mang o mia.

E Luk 4:34

“Ai! Yin a mhel to endo kua mnor miik, yin e Yesus to nkong mNasaret. Yindo E Nut Tmur Re Pum Yin. He mor o kool ngot lua mtom yin kam pis he ktoop kmor mo e. Ya pis moti kam rum kim mor, i nop gi?” A koot ta vuvui klik tok,

E Luk 6:35

He ekam tok, mguak or kam vle enang ngar tok e. Vanang muk, si orom mularo imuo vat, va mguak kle kya pmar he ka tting ngang ngar kmel a tol ko kmuk, nang or kam kta papat mang ngar kmoripang ngar ngang nguk kat e. Mguak kaeha tok, kmikkiem enang ko E Nut nma ya pum endruk ngma kulpang va gia prik. Va nma ya pum endruk ngat kernonho kat. Mguaka mrung o mia kat kmenang mu Teit ko En nma mrung o gi vrong mia tgus kat. Va enangthe mupa vle tok, va E Nut ner kaen a keik to tho mi laut hak ngang nguk va mguera vle te, Endo A Ho Lautar Hak kles ruk muk enang tok.”

E Yoanes 20:31

Vanangko gi o rhek ruk endri ko her ittiegom mar moti, ko ittiegom mar, he nang muk kam le kor mnam muk mang e Yesus te, Endo E Nut Thim Orom Ka Msasaen her en arhe, E Nut Khal to en, he nang muk kam mokpom kar. Va ko ittiegom mar moti ngang nguk, E Nut kmen a ktalhok to kam plong vle ngnik ngnik ko kim En ngang nguk her vgum e Yesus ka munik, kmikkiem enang ko mup kor mnam muk mang en he kmokpom kar.

O Aposel Ngaro Reha 16:17

A vlom to enda tkaelha kam knaek ekam mor kre Pol, he le kvui kngae ormor ngang o mia te, “Vae, o mia ruk endri her mar ruk arhe E Nut To Tho Mi Laut Hak kalngunes ruk mar. He ngama havaeng nguk mang a ngaelaut to mguak kaikkiem, nang E Nut kam sulgim muk he kaen a ktalhok to kam plong vle ko kim En ngnik ngnik ngang nguk.”

O Aposel Ngaro Reha 19:13

Vanangko mnam o kolkhek ruk endruk o Yuda akuruk ngma punpa he kemmeng a gi vrong serppak to orom o gi vrong tarmek mnam o mia ruk o kool ngat im mar kam kerer mar. Endruk endri, e Skeva to o Yuda nga pris ruk laol kles ruk lurokol endruk aktiek hori orom alomin. To ngma vokom e Pol ko nam kaeharom o mia ruk o kool ngat im mar kam kerer mar orom e Yesus ka munik. To mar kat ngat le kngae ekam e Pol kam sia khanang ngar kam kemmeng a serppak to orom e Yesus ka munik mnam endruk o kool ngat im mar kat ko ngma re te, “Yindo a koot, kua kemmeng E Yesus to e Pol nma polger o rhek mang ka mman kun mnam yin kam havaeng yin kmottek kun mnam a mhel ta!”

O Aposel Ngaro Reha 8:36

Ta keknen ngang knop, to nginta ngae to kpis ko mnam a ye langto, to a Itiopia ta treng e Pilip te, “Vokom na! A ye to ho, nok yi kais kam parrum dok ma ku orom E Nut ka munik ngola?” [

lRom 16:20

Mare, mguak kaeharom tok kngae, ko E Nut to nam kaeharom o mia ngaro vurkul kmongeik, ketasuo En kam karkar mang e Seten he kokoher ka lpek hak kmel en ku meorom mularo nharok. Ii, va kua ngarkie ngang Ngoldaip e Yesus, en kam ring ya mang nguk.

lHibru 2:14

To kmikkiem enang ko o mia ruk endruk ngma vle orom ngaro pkor va ngaro gidiel, va e Yesus kat tpis mo mmie enang a mi mhel tok kat, orom ka mi vok va ka mi gidiel kat, en kam mi ktua kol a vle to mkor o mia ruk mo mmie. E Yesus ta vle tok, he nang en kam mi ktua yor mang o mia. He her vgum ka yor to endo, tho mi kut kir kim e Seten to o yoror ngar teit ka serppak

lHibru 7:1

E Melkisedek to kua rere mang, en lSalem nga taven, va en a pris to nam kaeha mang ngar ngang E Nut To A Ho Vu Laut Hak. Ii, va her endo ta puknim e Ebrehem ko va ngaelaut arhe ko e Ebrehem teknik mnam a ngaus ko tkir kim o taven akuruk he e Melkisedek ta ngamyammok mang.

E Yems 2:19

Ii, va muk ruk muma serppak te, mularo gi papat ruk kmor mnam muk mang E Nut ngat her kok mi kais tuk, he nang E Nut kam susulgim muk vgum mar, va muk ge. Mut her gia kor mnam muk mang E Nut orom mularo papat tuk, vanangko kua havaeng nguk te, si o kool va ngat kor mnam mar mang E Nut orom ngaro gi papat tuk enang tok kat, vanangko mar ngma khi kim E Nut mang a kapnes to ner kaen ngang ngar ge.

2Pita 2:4

Ii, E Nut ner lo konit orom nga kapnes hak, ko mu vokom na, o ker engyel ruk ngat eharom o kerkeknen tennik, E Nut tlo mnang tang mnam mar hak kam lo kaen a kapnes ngang kat e. Nove! Ther kle va kaenpasiker mar tgus ko mnam a hengor to ogu mLol ku kia paei to a vleir. A mhe to endo, a mhe to a slommok alautar nma vle mnam, he ngar le ka vle ko tok kais mnam a kolkha to E Nut nera momngan kar mar kmen nga kapnes ngang ngar.

E Yut 1:6

Va si o engyel kat, va tennik ngat mur kansgum mar mruo to kle mur hong ngar mruo petgim ngaro serppak ruk E Nut tmi kut enik ngang ngar. To ngat kle kngorpok petgim ngaro mhetor ruk ngma nho mang ngar orom ngaro serppak ruk endruk. He ekam tok, Ngoldaip ta kleng ngaro singni va ngaro nharok orom o sen to le kngam mar kun ma hengor to ta slok, mar kam vle ko tok ngnik ngnik. Ii, ta mnang ngar kam vle enang tok kam ngae kais ma kolkha to alautar, endo E Nut kam monik kim a kapnes ngang ngar kam vle tok ngnik ngnik kat.

O Ngaelmir 12:12

He ekam tok, muk ruk muma vle kuon ma volkha mguak sirei. Vanang suvrum muk ruk muma vle ku mmie va endruk ku ma mou ko her ko tok arhe e Seten ther pis kim muk he. Va tho mi kut kaesik hak ekam ko en mruo ta mnor te, ka venloot to kam vle ko tok tlo vu hok, yek E Nut ner kael ka kapnes ngang.”