E Mak 3:5 - E Nut Ka Meer Mang Ka Mokpom To A Gunngar

⁵ To kalo keik ngint kaem o mia tgus ko ka vrek te sei kam kiin hak ngang ngar. Ii, tkaesik tok va kle ka mrung ngar kat vgum ko ngaro papat ngat mi ktua kaendel pum E Nut karo rhek kngam mar ge. To thera havaeng a mhel to te, “Yin he, tuom ila ktiek na.” Va a mhel to endo ta tuom ka ktiek va te, ka ktiek ther gi ya hak ngatngae.

E Mak 3:5 Iomraidhean Croise

E Matyu 12:13

Thavae tok, to kreng a mhel to ka ktiek tyor te, “Yin he, tuom ila ktiek na.” A mhel to endo tre kam tuom ka ktiek va te, ka ktiek ther gi ya hak ngatngae, gi lya hak enang ka ktiek langto tok kat.

E Mak 3:4

Thavae tok, to her kle ka mnganang o mia te, “Kmikkiem mor o Yuda nguaro pos, ani ngaeha to ta sir kmeharom ma Sabat, endo kmennegiang a mhel, en kam yor, i o endo kam turang en kmeharom kam ya?” Ta mnganang ngar tok, vanangko ngat lo koripang e. Ngat gia korsang kvongnek.

E Luk 13:15

To Ngoldaip ta kle ka kner en he kpupam o mia tgus kam re te, “Muk mularo naprai alomin, ko langto langto mnam muk na lua hong ka bulmakau i o ka dongki pum ka ngausie kat gi ko nam totokim kun ma hengor he ka ktong kngorom kam ngae vur kaivie mnam o Sabat gi?

E Luk 17:14

To e Yesus ta nho kvokom mar to her gia reng ngar te, “Mgua hera ngae he, he mrua khenam mularo vok ngang o pris.” To gi ko ekam a ngaelaut ko ngata ngae, ngaro yor ngat hera nop kuo mang ngar he, to ngat her gia mmok ngatngae ko pum E Nut kalo keik.

E Luk 6:10

Thavae tok, to ka lo keik ngint kaem o mia tgus to thortgi he kreng a mhel to endo te, “Yin he, tuom ila ktiek ngte na.” Tre gia tuom ka ktiek va te, ka ktiek ther gi ya hak ngatngae.

E Yoanes 9:7

Ta hemhem kalo keik to kreng te, “Ngiak ngae he kaelel ilalo keik kuo mnam a ngaenker to e Siloam.” (A ngaenker ka munik ta ka pun ta vle te, “Meng.”) E Yesus ta meng kmelel kalo keik tok, to a mhel ta, tgia ngae kaelel kalo keik to her gi kaeknik gia nho ngatngae, to hera ngae ngok mrek.

lRom 11:25

Koornopeik ruk mut kor mnam muk mang e Yesus he kmokpom kar, tesgun E Nut nam lua paam o mia ngaro rela mang a papat to mang kam lol o vrong rhek kam vle te, karo mia mruo kat e. Vanang tete ngora polger a papat to endo ngang nguk, muk kam mmok mang, he nang muk kam lo mrua kansgum muk kam hover mularo munik mruo. Ko a papat to enda ta vle te, E Nut tgi vur el ka yaik ngang o Yuda ruk lIsrael vur lhok, he ka mnang ngar kam mur kael rela petgim karo rhek. Ii, tgi vur kut el ka yaik ngang ngar vur lhok tok, mar kam vle tok kam ngae kut kais ko En mruo nak pupam o vrong rhek ruk En mruo tmur kut el mar, mar kam par mnam ka ho to orom karo mia mruo na. He ekam tok, o vrong rhek ngar mi kut kais kam ngamkhor kar o Yuda kam vle te, E Nut karo mia mruo tok kat, kmikkiem gi enang ko E Nut tmi kut el mar, mar kam ngamkhor kar mar kam mi kut kais enang tok.

2Korin 3:14

Vanangko endruk ngma ngan E Nut karo pos vgum e Moses mnam a venloot to endo, ngaro vurkul ngam lua khi vgum mar ko e Seten nma ngam slommok kim mar. Kua mien, ko tennik kam ngae kais mang tete vop, lIsrael ngam sia him e Moses karo pos ruk mang E Nut ka mokpom to tesgun, vanangko ngma vle enangthe ngma ppung mang ngaro kerok orom a yet to a slommok vop he lua vokom kam mnor mang Endo E Nut Thim Orom Ka Msasaen. Ngma vle ma slommok enang tok vop, ko ngat lo pet a yet to endo vop, ekam ko a gi mhel ko en atgiang tuk, tlo kais kam pet a yet to e. Vanang enangthe ngap gi kor mnam mar mang Endo E Nut Thim Orom Ka Msasaen he mokpom kar, to endo yek, E Nunu A Totur na kais kam pepet o it petgim ngaro kerok.

lEpeses 4:18

Ii, ko ngaro papat ngta slok hak, va ngma vle malhagenmok mang E Nut to nam kaen a ktalhok to kam plong vle ko kim En ngnik ngnik ngang o mia. Ii, ngma vle malhagenmok mang E Nut tok, her vgum ngaro lpetuk ruk ko o papat ngat ho mi ktua tu hak kim mar vgum ko ngam mi kut kael rela petgim E Nut he.

lEpeses 4:26

Ii, va mguak kaesik ngang o mia, va mguak or kmeharom a kerkeknen ngang ngar kat. Va mguak or kam hoger o resik kat e. Mguak kle va krum o gi vrong resik mnam a kolkha to endo ge, ktar mang a kolkha kam vaik kim muk.

lEpeses 4:30

Va mguak or kam kta kaeharom a kerkeknen tang ko mum kaoppom E Nunu A Totur kam mrua mrung en mruo vgum mar tok. Ko E Nunu A Totur to E Nut tel ka tnangal kun mnam muk orom ta vle ti te, ka tnangal to endo ka gi kaunun. Ii, va E Nunu A Totur nera vle te, E Nut ka tnangal ka gi kaunun kam khenam ka tnangal ma mmok kam ngae kais mang a kolkha to E Nut ner mia kaottam ka tnangal to endo kmel ekam mor.

lHibru 3:10

He her vgum ko ngma kendom ngang dok tok arhe, yek ko vu el a ngaesik alaut hak ngang o mia nga main to endo he khavae mang ngar te, her mar nga main to endo ngam gi vrong vraik orom ngaro papat petgim dok mekam mekam he lua momnor mang kuaro keknen kat arhe.

lHibru 3:17

Va E Nut ka ngaesik ta vle ngang oni mia ruk mnam o pnes alo mhelom alomin kat? Nok pathe mar muores ruk tok kat arhe, endruk ngam kaeharom o kerkeknen he gi mrua yayor ngpang ngar ko ma gi kalputmok kat ge ngola?

lHibru 5:9

Ii, E Nut ther gi kut tarkanang ka ngaeha orom e Yesus mo mmie vgum o vokngnes ruk endruk, to endo yek, en ta vle ngang ngor ruk ngot kor mnam mor mang en te, en endo mor kam kol a ktalhok to kam plong vle ko kim E Nut ngnik ngnik mkor, ko her en arhe to nak susulgim mor ekam ko ngota ngan vgum en he kmokpom kar.

O Ngaelmir 6:16

Ii, ngta vle tok va kukueng o vlik, te, “Mguak kuviet kuon mang ngor he, he ktuvgom mor kim Endo kuon mang ka ngorsang va kim Endo ta vle enang A Sipsip To A Sital ko ner ho mi kut kaesik ngang ngor.