E Mak 3:29 - E Nut Ka Meer Mang Ka Mokpom To A Gunngar

²⁹ Vanangko ner ho lo kais hak kam lol ngaro kerkeknen ruk kam kerrereng E Nunu A Totur patgiang ngaiting he kikiangae mang ngar hak e. Ko E Nut ner mia mon mar orom ngaro kerkeknen ruk endruk, he ngaro kerkeknen nga vnek nera vle ngnik ngnik kuo mang ngar hak.”

E Mak 3:29 Iomraidhean Croise

E Matyu 25:46

Ii, o mia ruk ko mnam ka ksienga, E Nut nera likim mar petgim mar kam vle ngok mnam a mhe to ngar kerkol vgum o kapnes ruk lvankue hak, mar kam vle kuo mang ngar ngnik ngnik. Vanang endruk ngat sim kut kaikkiem E Nut karo pos he ka vle ko vanam ka miktiek, E Nut ner kle kaen a ktalhok to kam plong vle ko kim En ngnik ngnik ngang ngar.”

E Matyu 9:3

E Yesus ta re tok, va vgum akuruk mnam o pattermia kmo pos ko ngata rere kun pgegom mar mruo te, “Hai-e, en ta kerrereng E Nut ka munik enang tok arhe!”

E Mak 12:40

Va ngma kauyang o tahek he klikim mar kun mnam ngaro rektor mruo, nang kle klol o rektor ruk endruk ngang ngar mruo vat. Va ngam ngorom a hoger ngaro ngarkie khogerik ko pum o mia ngaro kerok, he nang klenar kam gia vokom mar tok to le kanprim mar. Ii, o mia ruk ngat kaenang o pattermia kmo pos tok, her endruk E Nut ner ho mi ktua monik kim o ho kapnes ruk lho vankue hak ngang ngar arhe kir kim o kapnes tgus hak.”

E Mak 3:30

E Yesus tkoripang ngar tok, ekam ko ngata kerrereng en te, “Nma kemmeng a koot langto ka serppak kam paeim o mia orom.”

E Luk 12:10

Va o mia tgus ruk ngta rere vgum A Mhel To Nkong Man Ma Volkha to dok, E Nut tkais kam mia lol ngaro rhek patgiang ngaiting. Vanang a ni mhel to ta kerrereng E Nunu A Totur, E Nut ner mia kpom karo rhek he lua lol patgiang ngaiting he lua kikiangae mang ngar hak.

2Tesalonika 1:9

Ii, E Nut ner kaenpasiker mar kmen a ho kapnes a ho lautar hak ngang ngar kam kering ngaro pkor kam ngae kngorom kngorom he. Ii, ko ner ho mia likim mar tgus hak petgim Ngoldaip mruo, mar kam lua vle ko kim En ngnik ngnik hak, he ho lo kta vokom ka serppak to a vu ngaurar hak kat e.

E Yut 1:13

Va ngam gi vrong ngongae ngogut ngoguo ko kim o mia akuruk kam sovet kam ngam leep mang ngar orom ngaro kerkeknen he gia vle gi enang o vlung kat ko ngma ngae ngogut ngoguo he karir kael o gusgus. Va ngma vle enang o ketor ruk ngam gi vrong vuut kun kuo kia gan ngpang ngar kat. Ko her mar ruk arhe, E Nut thera ktar el nga ngaekam to kun mnam a hengor to tho mi kut slok hak ngang ngar, mar kam plong vle mnam ngnik ngnik.

E Yut 1:7

Ii, o engyel ri ngat vu kaenang lSodom, lGomora va o rengmat ruk kanmok mang ngar ko ngat mrua ngam mar mruo ekam ngaro pkor ngaro svil ruk kam mo vret mar mruo, va kmeharom o vrong kerkeknen akuruk ngat kernonho hak. He ekam tok, her endruk kam ker kol vgum a kapnes to kam vle kun mnam a paei to a vleir arhe, he nang mar kam keknen ngang ngor ruk tete kam lua kolkol ekmar.