E Mak 2:8 - E Nut Ka Meer Mang Ka Mokpom To A Gunngar

⁸ E Yesus ther gia mnor mang ngar ngatngae ko ngata mngan pum en enang tok, to ta kle ka mnganang ngar te, “Mularo vurkul ngata horrotgi pum dok kman, he muta mngan pum kua serppak to kam lol o mia ngaro kerkeknen patgiang ngaiting he kikiangae mang ngar tok?

E Mak 2:8 Iomraidhean Croise

E Matyu 12:15

E Yesus ta mnor mang nga papat ko ta vle tok, to ther gi vur kaol kparem a mhe to endo he kngae ko yok. Kam ngae, to a mumu ta veet ekam kat he e Yesus tkaeharom o yor tgus kun mnam mar.

E Matyu 16:7

To kalngunes ngat kaelha kam mo mnganang ngar mruo he kre te, “Ngola, nok pathe ta re tok ekam ko ngot kikiangae kam lol o ol akor vor?”

E Matyu 9:4

Nangko e Yesus ther tar ngaro papat ko ngat vua rere porom mar enang tok, to ta kle ka mnganang ngar te, “Kman ko mularo vurkul ngma tagur pum o kerpapat ruk endruk he ka mngan pum kua serppak to kam lol o mia ngaro kerkeknen patgiang ngaiting he kikiangae mang ngar tok?

E Mak 2:7

“Hai-e! Kman ko a mhel to enda ta re ti? Ta kerrereng E Nut ka munik tok arhe! Ko ta mrua tattap orom en mruo te, en E mi Nut msim orom karo rhek ruk tok. Ii, ko gi E Nut tuk to tis kam lol o mia ngaro kerkeknen patgiang ngaiting he kikiangae mang ngar, nang nong o gi vrong mia e, nop hak!”

E Mak 2:9

Ani ngaeha to ta koppet kam khenam ma mmok? A ngaeha to kam gia reng a mhel ta te, ‘Ko lol ilaro kerkeknen patgiang ngaiting,’ i o endo kam mi kaeharom a mhel ta, he en kam hop kol ka hep he kngae ko pum mularo kerok.

E Mak 7:21

Ii, ta vle tok arhe, ko o kerkeknen ruk kun mnam a mhel ka ngaung, her endruk arhe ngam kottek ko a mhel nam kaeharom mar. Ii, endruk endri te: kmel o papat kmeharom o kerkeknen, kam vret o mia, kmuruvik, kam pormia, kam kpoot mang a lei,

E Luk 24:38

To ta kner mar te, “Mguak or kam kta lopumtang pmok va kgorang dok e,

E Luk 5:22

E Yesus ta tar mar ko ngat vua rere porom mar kam mngan pum en enang tok, to ta kle ka mnganang ngar te, “Mularo vurkul ngta horrotgi pum dok kman? Va kman ko muta mngan pum kua serppak to kam lol o mia ngaro kerkeknen patgiang ngaiting he kikiangae mang ngar tok?

E Luk 6:8

Vanangko e Yesus ta ktar mnor he mang ngaro papat, to ta reng a mhel to ka miktiek tyor te, “Hop he aol ngte he sir ko vanam dok na, he o mia tgus kam vokong in.” To ta ngan vgum e Yesus to hera hop sir.

E Yoanes 21:17

To e Yesus ta kta mnganang kngam ngkorlotge kat te, “Saimon, e Yoanes khal to yin, va te, ima svil mang dok gi?” E Pita ta mrua mrung en mruo ko e Yesus ta mnganang kngam ngkorlotge te, “Ima svil mang dok?” To ta reng te, “Koldaip, ima nho papaam o tgoluk tgus, he ya mnor he te, koma svil miik.” Va e Yesus tkoripang te, “Yu, ekam tok, ngiaka nho mang kuaro mia ruk ngat kaenang o sipsip, he ka klang ngar mlol ruk kuakro rhek.

E Yoanes 6:64

Vanangko akuruk mnam muk mut lo kor mnam muk mang ngar gi.” Vanang e Yesus ta reng ngar tok, ekam ko ktar mang ko tlo vaeng kalngunes vop ta ktar her mnor mang ngar he te, edrim mnam mar, ngar lo kor mnam mar mang he lua mokpom kar, va edim mnam mar lsir ner le mrua hortgi mang.

O Aposel Ngaro Reha 5:3

Ii, e Ananais teharom tok, to e Pita ta kekner te, “Ananais kman ko ya ngatkal orom e Seten, en kam viging in tok, yin kam ppiak ngang E Nunu A Totur orom ila papat to endo? Kman ko ya ppiak ngang tok, he gi vrua kaelpas orom ke mhe ngang yin mruo mnam o krek, nang le kaen ka mhe maktiegom mor o aposel va enangthe o krek ruk tgus?

O Aposel Ngaro Reha 8:22

Ko kua mnor mang in te, o keknen ruk kam vua kerngan o rhek ngat rergep kun mnam yin he kmatmat yin. He kmikkiem enang tok, ila vrek tsovet kam kiin ekam ko yi lo kol a serppak ta. Ii, ya mokpom kre Yesus he kmellot kar ila kerkeknen ta kat. Ngiak kaitgung ila kerkeknen to endo na, ekam ko tho mi kut kernonho hak, to le kngarkie ngang Ngoldaip, va nok en nera kol ila kerkeknen to endo patgiang ngaiting vor, enang ko yel a papat to endo kun mnam in tok.”

lHibru 4:13

Ii, va nop ke vur tomhel tang hak, ko E Nut tkueng tis kam tvok ko pum kalo keik kat e. Ii, o mia tgus ngara sir ko pum E Nut kalo keik kam mrua havae mang ngar mruo. Va tete kat o vrong keknen tgus ngom kaeharom mar, ngma vle ma mmok ko pum E Nut kalo keik tok kat. Ii, nong a tomhel tang hak to tkais kam tvok ko pum kalo keik e.

O Ngaelmir 2:23

Ii, ngora monik kim a yor ngang e Yesebel kalngunes ruk endruk kam rum kim mar hak. He vgum a kapnes to endo tok, kuakro ngaomevek tgus ngara mnor mang dok te, her dok ta arhe, dok to kom kommen o mia tgus kam mnor mang ngaro vurkul va ngaro papat. Ii, va ngor koripang ngang langto langto mnam muk kmikkiem ka ngaeha langto langto gi enang tok arhe.