E Mak 16:11 - E Nut Ka Meer Mang Ka Mokpom To A Gunngar

¹¹ Ngta ngan karo rhek ko thavaeng ngar mang e Yesus te, thop he, he en mruo tmur vokom, vanang ngat lo kor mnam mar mang karo rhek e.

E Mak 16:11 Iomraidhean Croise

E Matyu 28:17

Ngta gerap ngoguo kia vul knop, va kvokom e Yesus ko ta vrua vle malhagenmok mang ngar vop, to ngat hera tubulkek kam totu pum. Vanang akuruk mnam mar ngata lopumtang pum vop.

E Mak 9:19

E Yesus ta ngnek tok, to kle ka kner kalngunes te, “Muk ruk o mia nga main to tete, mum vua vrengem E Nut karo papat he kekenhor mang dok hak. Kua kapngan kim muk he, ko kua vle mo kmuk lhok he, vanang mut lo vur kaeha vop orom kua serppak to ko en ngang nguk.” Ta kner mar tok, to le kreng ngar te, “Mu marer plalam a kalyie to endo ngte kim dok na.”

E Luk 24:11

O aposel ngta ngan ngaro rhek ruk tok, vanangko ngat lo kor mnam mar mang lraip ruk endruk ngaro rhek e, ekam ko ngata pat re te, ngaro rhek ngat kaeti lveve. [

E Luk 24:41

Vanangko mar ngat lo kael ngaro pat lserppak kmor mnam mar mang en vop, ekam ko ngate sei kam mrua sor kmar va ko a sirei ta ngorom mar kat. Va ekam ko ngata lopumtang pum vop, e Yesus ta mnganang ngar te, “Yu! He mut lo el o ol akor kmemik ge?”

E Yoanes 20:25

Ta pis knaek, to klenar ngata ngorom kam havaeng te, “Ngot vokom Ngoldaip he.” Vanangko e Tomas nma kser mar kam reng ngar te, “Enangthe kop vokong kalo trur ko mnam kalo ktiek ko ngat krong orom o ot, va kop tum kua smeik kun mnam kalo trur ruk ennginduk va kop klang kua ktiek kun mnam karo kapkrao to te tok, kopa mnor te, lmien. Vanang enangthe nop, va klo is hak kmor mnam dok mang en e.”