E Mak 15:47 - E Nut Ka Meer Mang Ka Mokpom To A Gunngar

⁴⁷ Vanang e Maria to nkong mMagdala kar kyok e Maria to e Yoses knan nginta vle he kvokom e Yesus ka nnak ko ngat vokom e Yosep ko tel e Yesus ka mnes kun mnam!

E Mak 15:47 Iomraidhean Croise

E Matyu 27:56

Lraip ruk ngta sisir ko tok, mar e Maria to nkong mMagdala, kar kyok to e Yems kre e Yosep ngin nan, va e Sebedi kles ngar nan.

E Matyu 27:61

Vanang e Maria to nkong mMagdala kar kyok ngint korsang he ka nho rkieng ka nnak.

E Matyu 28:1

To hop enang ngmo ko a Sabat tnop, ko a kolkha tre kam plek, e Maria to nkong mMagdala kar kyok ngint hop khalki tie mo kao he kngae kam vokom e Yesus ka nnak.

E Mak 15:40

Vanang lraip akuruk kat, endruk ngata mokpom kar e Yesus ko mGalili he kaikkiem kmelha kaeha vgum ko tok, mar ngta vrua sisir ko vur hagenmok mang he ka vle kvokom mar orom. Lraip ruk, ngta sisir ko tok, mar e Maria to nkong mMagdala kar kyok e Maria to e Yoses to a molpou va knopia to ta knaek mang e Yems ngin nan. Va e Salome ta vle ko tok kat kar lraip kavurgem ruk ngat kaikkiem e Yesus oguo mYerusalem.

E Mak 15:46

To e Yosep ta ngae kaenkim a yet to ka keik tvua grap he kngae kharpeet e Yesus ka mnes kuo va ho, to le kokomor orom. To thera kokol kngorom to kael kun mnam ka nnak to ngat gi gnua hong mnam a kre he lo el a mhel ka mnes tang kun mnam vop. Tkael knop, to hera vulham a kre to klalaut ko va kre ka nho ka gu kmelegot orom.

E Mak 16:1

To a Sabat ther nop ko a kolkha ther vaik he, to e Maria to nkong mMagdala kar kyok e Maria to e Yems knan va e Salome mar tgus ngta kaum kngae he kaenkim o ku, mar kam ngae he kpungnim e Yesus ka mnes orom mar.

E Luk 23:55

E Yosep tel ka mnes ko tok, va lraip ruk ngat ottek mGalili he kaikkiem e Yesus, ngat kaikkiem e Yosep he kvokom e Yesus ka nnak va ngat sim ktua keketar e Yosep pum ko tel ka mnes ko tok.