E Mak 12:8 - E Nut Ka Meer Mang Ka Mokpom To A Gunngar

⁸ To ngat hera kapom he kpor kngam a yoror to ngat hera kokol ka mnes he kngam ngku mnok petgim a loot.”

E Mak 12:8 Iomraidhean Croise

E Matyu 21:33

E Yesus ta rum ka koka to endo, to kle kta koka kat te, “Yu! mguak vongnek kim a koka langta kat na. A mmie kteit langto ta kavang ka loot. Ta kurhennek krum to kngam a pal kam paneng a loot kam ttek, va kngam a rambel langto kam toot mang a loot kat. To tkael sarek mnam ngang o mia kam kavang ngaro usiel ruk o grep, nang en thera ngae mnam a mhe langto ko yok.

E Matyu 21:39

Ngat mo havaeng ngar tok, to ngta kleng singni mnam to kait ngku mnok he kngam petgim a loot to endo, to her kaim kngam a yoror.”

E Mak 12:7

Vanangko endruk ngta tutuur mnam ka loot ngta mo havaeng ngar mruo te, ‘O, her khal msim to kam kol kteit ka mmie ta arhe. Ngor tarkanang he im, nang mor kam le kol a mmie ta.’

E Mak 12:9

E Yesus ta rum ka koka to endo, to kle ka mnganang endruk laol te, “To muta pat te, a mmie kteit na kanker endruk ngat tutuur kun mnam ka loot? Te ner kle kngae kpis krum kim mar tgus hak, nang kle kael sarek mnam ngang o mia akor ko yok vat, ngola?”

E Luk 20:15

To ngat kait ngku mnok he kngam petgim a loot to endo, to her kaim kngam a yoror.” E Yesus trum ka koka to endo, to kle ka mnganang endruk laol te, “To muta pat te, a mmie kteit nak kanker endruk ngat tutuur kun mnam ka loot?