E Mak 12:6 - E Nut Ka Meer Mang Ka Mokpom To A Gunngar

⁶ To a her gi tgiang to tgia vle vop, endo khal msim vat. En khal to nam vu kaelongtok mang. Tpat re te, ‘Ngara totu pum ko hal msim ta.’ To ko pekam mar tgus, ta trong orom khal msim to endo kam meng ngok kmar.

E Mak 12:6 Iomraidhean Croise

E Matyu 1:23

“Vae, a vlom langto lurokol ngat lo ehang vop, ner kael ka nam he kol a sie to a ngokol va o mia ngara kilegem te, e Emanuel”. To kam hortgem ka munik to enda ka pun ta vle te, “E Nut ta kmor he.”

E Matyu 11:27

Tngarkie tok knop, to le kreng a mumu te, “E Nut tel ka serppak tgus ko maktiegom dok, nang nong a mhel tang ta mnor mang E Nut Khal e, gi E Titou tuk. Va nong tang ta mnor mang E Titou kat e, gi Khal mruo tuk, kar endruk kua re pmar kam khenam En ngang ngar.”

E Matyu 17:5

E Pita ta rere kngae vop, va te vgum a varhek to la mallegar ko tpis va ka ngoumi ta komor mar. Va ngta ngan a ktui ko tkottek kuon mnam a varhek to endo he kre te, “Ko hal ta arhe, kom vu kaelongtok mang va ko sei kam higiang. He mgua smia ngan vgum!”

E Matyu 26:63

Vanangko e Yesus tlua svil kmoripang e, ther gia sir lvongnek. To o pris ruk laol ngalaip ta tger e Yesus kam kta mnganang te, “Kua havaeng in orom E Nut to nma plong vle ngnik ngnik ka munik te, yin kam re lmien kam havaeng ngor te, lmien mang in te, E Nut Khal, Endo E Nut Thim Orom Ka Msasaen her yindo arhe i nop gi?”

E Matyu 3:17

Tvokom tok, va vgum E Nut ka ktui ko tkottek kuon ma volkha he kre te, “Ko hal to yin. Kom vu kaelongtok mang in va ko sei kam higiang in.”

E Mak 1:11

To E Nut ka ktui tkottek kuon ma volkha he kre te, “Ko hal to yin. Kom vu kaelongtok mang in, va ko sei kam higiang in.”

E Mak 12:5

To ta kta meng kalkayie langto vat ngok kmar. Va enda, ngat por kngam a yoror. Ngat eharom tok ngang kalngunes akuruk kat ko mar kavurgem ko tmeng ngar ngok kmar enang tok kat. Va akuruk ngat kaim mar va akuruk ngta por mar kngam mar o yoror.

E Mak 12:7

Vanangko endruk ngta tutuur mnam ka loot ngta mo havaeng ngar mruo te, ‘O, her khal msim to kam kol kteit ka mmie ta arhe. Ngor tarkanang he im, nang mor kam le kol a mmie ta.’

E Mak 9:7

E Pita ta rere vop, va vgum a varhek ko tpis va ka ngoumi ta komor mar. Va ngta ngan a ktui ko tkottek kuon mnam a varhek to endo he kre te, “Ko hal ta arhe, kom vu kaelongtok mang en. He mgua smia ngan vgum!”

E Luk 3:22

he E Nunu A Totur to tmur ellik mang a giu ta grung he kar kuon mang. To E Nut ka ktui tkottek kun kuon ma volkha he kre te, “Ko hal to yin. Kom vu kaelongtok mang in va ko sei kam higiang in.”

E Luk 9:35

To ngta ngan a ktui ko tottek kun mnam a varhek he kre te, “Ko hal ta arhe, her Enda Ko Mur Re Pum, he mgua smia ngan vgum!”

E Yoanes 1:14

Ii, Endo ngat kilegem te, E Nut Ka Re, en tmur ellik orom enang a mhel, he kael ka ngorsang mo pgeik kmor. Ngota vokong he keketar karo keknen ruk lyar hak, ko en E Nut Khal to ke tro to tottek kuo kim Kteit. Va ngota vokom te, en a ho minar hak va en nam ho mia ring ya mang o mia tgus kat.

E Yoanes 1:18

Va nong a mhel tang hak to tvur vokom E Nut e. Gi khal to ke tro mruo, endo tsim kut vle kaenang E Nut va tsim kut vle ko vanam, her en tuk arhe tmur khenam E Nut ngang ngor orom ka keknen to kam ring ya mang o mia va orom karo papat ruk o minar.

E Yoanes 1:34

Ko mur vokong gi enang tok, to her le smia mnor mang yek. He enang tok, kua le khavaeng nguk kat te, “A mhel to enda, her en E Nut Khal msim to arhe.”

E Yoanes 1:49

To e Nataniel ta senkrip to le kreng te, “Pattermia, her yindo arhe E Nut Khal msim to in. Endo mor lIsrael ngua Taven msim.”

E Yoanes 3:35

Ii, E Nut nam kaelongtok mang Khal mruo va her E Nut to tel o tgoluk tgus ko maktiegom En kat arhe.

E Yoanes 5:23

Ii, tel a ngaeha to endo maktiegom Khal tok, he nang o mia tgus kam totu pum Khal, gi enang ko ngma totu pum Kteit to E Nut tok kat. He ekam tok, endo nam lua totu pum E Nut Khal, a mhel to endo tmia khenam en mruo ma mmok te, en nam lua totu pum E Nut tok kat arhe.

lHibru 1:6

Ii, va E Nut ta khenam Khal ma mmok te, ta laut kir kim o engyel tgus orom karo rhek ruk tenik ngang o engyel tiok he, mnam a venloot to E Nut tmeng Khal to a molpou kam pis mo mmie. Ko thavaeng ngar te, “Muk o engyel tgus ruk dok E Nut ko kueng nguk, her en arhe mguak tubulkek ku penharom he ktotu pum.”

1Yoanes 4:9

To E Nut mruo tmur khenam ka keknen to kmelongtok mang o mia ma mmok he tel mit kun pgegom o mia nngia he? E Nut ta khenam te, nam kaelongtok mang o mia ko tmeng Khal msim to ke tro kam pis kar mo mmie he kliepum mor kam yor, he nang mor kam kle kol a ktalhok to kam plong vle ko kim En ngnik ngnik vgum en tok. Ii, to E Nut ka keknen to kmelongtok mang o mia ka her mimit to arhe E Nut mruo ta khenam ngang ngor orom Khal msim. Vanang nong mor ruk ngota ktar elongtok mang En e, nove. Parem ko, her E Nut to arhe ta ktar pakvom kmelongtok mang ngor ko tpet la vnek kuon mang ngor kam mur en Khal mruo kam yor mang ngor, yek Khal kam ngam menglol mnam E Nut ka vrek, he nang E Nut kam lol nguaro kerkeknen ruk ngom kaeharom mar patgiang ngaiting he kikiangae mang ngar hak.

3Yoanes 1:1

Vae, a hor ta tottek ekam dok to a hipun to koma nho mang E Nut kakro ngaomevek. Gaius, yindo im kor mnam in mang o rhek ruk o minar mang e Yesus, kua kambis to yin, kom kaelongtok mang in.