E Mak 12:29 - E Nut Ka Meer Mang Ka Mokpom To A Gunngar29 Va e Yesus tkoripang te, “A pos to a ngaenpaeir he kir kim klenar tgus, enda ti te: ‘Muk lIsrael mguaka ngnek na, Ngoldaip to E Nut, En arhe mgua gia totu pum En tuk. Faic an caibideil |
Ko E Nut to her gi En atgiang tuk to nera kaimim kim o rhek ruk mang o Yuda ngaro kerkeknen kam srim mar kam mon mar la mmok ko pum kalo keik ekam ko ngat kor mnam mar mang e Yesus he kmokpom kar. Va gi enang tok, her En to kat arhe ner kaimim kim o rhek ruk mang o vrong rhek ngaro kerkeknen tok kat kam srim mar kam mon mar la mmok ko pum kalo keik her gi vgum ko ngat kor mnam mang e Yesus he kmokpom kar gi enang tok kat. He enang tok, E Nut ka keknen to kmel o mia kam vle la mmok ko pum kalo keik, ka pun to agitgiang tuk kat te, o mia kmor mnam mar mang e Yesus he kmokpom kar.
He kmikkiem a papat to endo tok, kua svil kam havaeng nguk mang a keknen to kmem o vothol ruk o mia ngata ktar nngiar ngang o vrong kool ormar, ko kua svil kam havaeng nguk te: Mor ruk ngot kor mnam mor mang e Yesus he kmokpom kar ngot smia mnor mang o vrong kool te, mar nong ngaro serppak ngang ngar, mor kam ktal kim mar e. Va ngot lo kais kam totu pum mar mo mmie kat e. Ko E gi Nut tuk Endo ngurak totu pum En.
He enang tok, mu vokom na, kmikkiem E Nut ka ngaeha to kmen o pos ruk endruk tok, E Nut ka engyel tkol E Nut ka gu va a mhel langto tkol o mia ngaro ngnorok kat he enang tok alo mhel alomin ri ngint kol nginlo lua nginalo gu enang tok kmen o pos ruk endruk. Vanangko kmikkiem E Nut ka ngaeha to kmen ka tnangal, En mruo ther el ko En atgiang to teharom.
Va a re to ko kaurur kmin mang tete, yin kmikkiem, ka treil msim ta vle te, yin kam kla orom a keknen to kmelongtok mang o mia orom a keknen to mularo vurkul kam mrer ko pum E Nut kalo keik, va orom a keknen to mularo papat kam mmok, ko nong a kerkeknen tang mnam muk hak he muk kam mrua koon pum muk mang, va orom a keknen to muk kam smia mien kmor mnam muk mang e Yesus kat.
Ii, va muk ruk muma serppak te, mularo gi papat ruk kmor mnam muk mang E Nut ngat her kok mi kais tuk, he nang E Nut kam susulgim muk vgum mar, va muk ge. Mut her gia kor mnam muk mang E Nut orom mularo papat tuk, vanangko kua havaeng nguk te, si o kool va ngat kor mnam mar mang E Nut orom ngaro gi papat tuk enang tok kat, vanangko mar ngma khi kim E Nut mang a kapnes to ner kaen ngang ngar ge.
Va her E Nut to Endo tuk kat arhe, Endo ngruak hover ka munik ko her E Nut mruo tuk to tsusulgim mor. Ii, he ekam tok, o mia tgus ngak kanprim E Nut kam hover ka munik te, her E Nut to arhe Endo orom kla mmok, Endo La Vu Ngaurar Hak, Endo La Vu Serpgar, va Endo ka tavgo nma vle kuo mang o mia. Ii, ngruak kanprim E Nut tok, her vgum ka ngaeha to teharom ngang ngor orom Ngoldaip to e Yesus Kristus. Ngruak kanprim tok, ko E Nut nam hera vle tok tennik ktar mang ko tlo kueng a mmie vop, va tete, va nera vle tok ngnik ngnik kat. Lmien.