2Timoti 3:4 - E Nut Ka Meer Mang Ka Mokpom To A Gunngar

⁴ Ii, va ngara hortgi mang nglenar mruo, va ngara kolaspa kmeharom o kerkeknen, va ngar mrua per orom mar mruo. Ii, enang tok, ngar gia svil hak kmeharom o keknen ruk kam gi mrua kaensireim mar mruo ormar, vanang kle korim o keknen ruk kmensireim E Nut ormar.

2Timoti 3:4 Iomraidhean Croise

O Aposel Ngaro Reha 19:36

Ii, he ekam ko nong a mhel tang to tlo is kam kokheng ngor mang o papat ri, va mguak smia vle na. He mu or kam kta kolaspa kmeharom a kerkeknen tang kat ngang enngindi.

lRom 11:20

Pu lmien tok, vanangko E Nut ta kohet o Yuda ruk endruk, ekam ko ngat lo kor mnam mar mang e Yesus he kmokpom kar. Vanang muk ruk o vrong rhek, E Nut tle kpupam muk kam par mnam ka ho to endo, ekam ko her muk ruk arhe mut mi kor mnam muk mang En he kmokpom kar. He ekam tok, mguak or kam mrua hover muk mruo e. Parem ko, mguak kle va kgorang E Nut ha,

lRom 16:18

Ekam ko o mia ruk endruk ngam lo mi kaeha ngang Ngoldaip, Endo E Nut Thim Orom Ka Msasaen e. Nove, ngam kle va kaeha ngang ngar mruo kam mur kaikkiem ngaro pkor ngaro svil mruo te, o mia kam mon ngalmialaol orom mar. Ii, ko ngam vua rere he ka ppiak kam kanprim o mia ruk ngaro papat ruk ngat lo vua laut mang E Nut kam her gi ktua mas orom mar kam vraik orom ngaro papat petgim e Yesus enang tok.

1Timoti 3:6

Va ngiak or kmel a mhel to ta vle te, a mhel to tgi gun kor mnam en mang e Yesus he kmokpom kar kat e, matok en na kle mrua per orom en mruo, he E Nut ner le kmon a kapnes ngang, gi enang e Seten ko E Nut tmon a kapnes ngang en tok kat.

1Timoti 5:6

Vanang o tahek akuruk, endruk ngma vle pum a sirei kim lurokol, mar ngam sia vle pum a sirei kuo mang ngar, he her gia vle enang o yoror enang tok.

1Timoti 6:17

Va mang endruk ngaro vu tgoluk mo mmie tete, Timoti, ngiak re lserppak ngang ngar kat te, ngak or kam mrua hover mar mruo pum ngaro vu tgoluk. Va ngak or kam nho mkor ngaro gol ngo pneik ruk nga ho lo is hak kam plong vle ngnik ngnik kam turang ngar e. Ngak kle va ka nho mkor E Nut kam turang ngar ha, ko her En arhe tkueng o tgoluk tgus kmenik ngang ngor kmensireim mor orom mar, ko En nama vle kia vul orom mar.

E Yut 1:19

Va her o mia ruk endruk ngama kommen muk tete arhe ko ngam mrua ngam mar mruo ekam ngaro pkor ngaro sing ko E Nunu A Totur nam lo kael rengmat kun mnam mar e.

E Yut 1:4

Ii, mguak sir lserppak tok, ekam ko o mia akuruk ngma ppiak kmor mnam mar mang e Yesus, ngat her vaik kun ma mmek mnam muk he. Va her o mia ruk endruk arhe, o propet ngta ktar kpavap mang ngar tennik he, ko ngat ittiegom E Nut karo rhek mang ngar te, E Nut nera monik kim a yor ngang ngar. Ii, o mia ruk endruk ngam lua totu pum E Nut e. Nove, ngam kle gia klel orom E Nut ka keknen to kam ring ya mang o mia ko ngma pat re te, ngat kais kam sovet kam ngam mar mruo ekam ngaro pkor ngaro svil kam mo vret mar mruo he ka tmar kim ngaro pkor ngaro sing enang tok, he nang E Nut na her sim kut kael a tok kim ngaro kerkeknen ruk endruk orom ka keknen to kam ring ya mang ngar tok ge. Mare, va Ngoldaip e Yesus, ko en tuk A Ho Vu Ngaurar Hak, va o mia ruk endruk ngma klai mang En kat te, En nong Endo E Nut Thim Orom Ka Msasaen e.