Ii, kua vrek tmi ktua hop ekam ko ko her ktar kanprim muk ngang e Taitus te, mguer mrua khenam muk mruo tok. He ekam tok, kuaro rhek ruk kua kanprim muk orom mar ngang, ngat lo kaeknik ngang dok kngam a leep kuon mang dok e. Vanang kmikkiem enang ko kuaro rhek tgus ruk kom her plong khavaeng nguk orom mar ngta mien, va kuaro rhek ruk ko her kanprim muk ngang e Taitus orom mar, ngat aottam he kpis lmien ormuk tok arhe.
2Korin 9:3 - E Nut Ka Meer Mang Ka Mokpom To A Gunngar3 Ii, ko si mnor mang nguk tok, vanangko ko kle kmeng ngoornopeik ri ngok kmuk ge, mar kam turang nguk kam tarkanang a ngaeha to kam kaum orom o krek, nang kuaro rhek ruk koma kanprim muk ngang lMasadonia ormar nga mi kut kael mit he lo gia vavle e. Ii, va ko her meng ngar kat ko kua svil te, muk kam tarkanang a ngaeha ta, he mula nngiar to orom mularo krek ruk muta kaum orom mar, mar kam her gia vle kpaneng dok he, gi enangko ko her mur re kam kanprim muk ko kim mar tok he. Faic an caibideil |
2Korin 9:3
7 Iomraidhean Croise
He ekam tok, dok ko ho mi ktua serppak mang nguk te, mguer kta mokpom kar dok ge, va kaelongtok mang dok kat. He koma karmail mang nguk he kanprim muk ko kim o mia akuruk yok kat. He ekam tok, o papat ruk mang nguk tok ngat ho mi kut kaenkrovgem dok hak. Va si o vnek ngam sia pagis kim dok va kome ksei kam sirei mang nguk hak ge, kir kim mar.
Yu, he E Nut ka ngaeha to ten ngang nguk, endo kam nngiar ngang o mia, e Taitus telha pum tiok he, kun pgegom muk. Va ko her kaurur kim en tete kmenserpagam muk kam tarkanang E Nut ka ngaeha to endo orom mula ngaeha to kam ktar kaum orom mutaro krek kun mnam muk mruo na. Ii, muk lKorin mut her elha pum E Nut ka ngaeha to endo tiok he, vanang tete mguak tarkanang he ka vle enang lMasadonia tok kat.
Sanasan