2Korin 4:1 - E Nut Ka Meer Mang Ka Mokpom To A Gunngar

¹ He ekam ko E Nut ta mrung dok he ksulgim dok va kael a ngaeha to kam havaeng o mia mang ka mokpom to a gunngar ko maktiegom dok, va kom lua kokkol hak kam patter o mia lsir ma mmok mang e Yesus e.

2Korin 4:1 Iomraidhean Croise

E Luk 18:1

To e Yesus tkothoi ngang kalngunes kam patter mar mang a keknen to kam ngarkie mekam mekam, he nang lua kapngan kim E Nut kmorim ngaro papat ruk mang.

1Korin 3:5

Vanang e Apolos kar e Pol, min alo ni mhel ruk e? Min, alo gi mhel ruk ngint gia vle te, E Nut kalo kalyie ruk ngint gi kaeha ngang nguk, gi enang ko Ngoldaip tmur kut en o reha ngang karo mia mruo kam kut kaeha orom mar tok. Va mut kor mnam muk mang e Yesus he kmokpom kar vgum ngina ngaeha to endo ngang nguk tok arhe.

1Korin 7:25

Va mang mula mngan to mang lraivles ruk lurokol ngat lo ehang ngar vop: Kua svil kmoripang nguk te, nop o rhek mkor dok e, ko ngat ottek ko kim Ngoldaip, kam havaeng nguk ormar kat e. Vanangko dok a aposel langto mruo, dok to Ngoldaip ta mrung dok he kvokom dok te, ko mi kut kais kam kol a ngaeha ta, ko kais kam havaeng nguk orom kuaro papat mruo. Kua havaeng nguk te,

2Korin 3:12

Mare, he ekam ko koma nho mkor E Nut kmimim kim o rhek mang nguaro kerkeknen kmeharom mor kam vle la mmok ko pum kalo keik, va kom lua kokkol hak kam rere lserppak ma mmok mang E Nut ka mokpom to a gunngar to endo e.

2Korin 3:6

Mare, her E Nut arhe endo tovor ngaur mang dok ko ta tavger dok kam kol ka gu. He enang tok, ther mi kut eharom dok kam mi ktuis kam havaeng o mia mang ka mokpom to a gunngar, nang nong mang ka mokpom to tesgun e. Ko a mokpom to a gunngar to endo, E Nut ther el orom E Nunu A Totur. Vanang endo tesgun, E Nut tel orom karo pos. Ii, endruk ngta mokpom kar E Nut orom karo pos ruk tel ka mokpom to tesgun orom mar, o pos ruk endruk ngma monik kim a yor ngang ngar he ngar lo kais kam kol a ktalhok to kam plong vle ko kim En ngnik ngnik vgum mar tok e. Vanang endruk ngat kle kmokpom kar E Nut orom ka mokpom to a gunngar, endo E Nut tel orom E Nunu A Totur, her E Nunu A Totur to ner kle va kaen a ktalhok to kam plong vle ko kim E Nut ngnik ngnik ngang ngar arhe.

2Korin 4:16

Ii, kom gia lol o vnek kuo mang kua vok ta. Va kua vok to na gia yor he ka ngti na sia loloong, vanangko E Nut nam kle khortgem kua vrek mnam a kolkha langto langto kam pis a gunngar. He ekam tok, kom lua kokkol hak kam havaeng o mia mang a knovvur e.

2Korin 5:18

Mare, a ngaeha to kam kta kueng a mhel ka ngorsang tok, tottek gi ekam E Nut tuk tok arhe, Endo tmur kat eharom mor kam kta monho kar En kam kta mokpom kar En kat orom Endo Thim Orom Ka Msasaen. Ii, va her E Nut msim to kat arhe, Endo tmur en ka ngaeha ngang ngor, endo kmen ka re mruo ngang o mia, he nang mar kam kta monho kar En kam kta mokpom kar En kat.

lGalesia 6:9

He ekam tok, mu or kam kapngan kmeharom o reha ruk lyar ngang o mia tete, ekam ko koknaik mnam a kolkha to E Nut tmur el ngang ngor, ngruera kol a ktalhok to endo gi. Ii, mguak gi kaenang a mhel to nam lua kapngan kmeharom karo reha ruk mnam ka loot ko ta paneng kam ttek, en kam lluol mnam.

lEpeses 3:13

He ekam tok, kua mnganang nguk kam lo mrua kser muk petgim e Yesus vgum ko ngat kaenpasiker dok pum kua ngaeha to kam havaeng nguk mang e Yesus. Ii, ko kua ngaenpasiker moti tete ta vle her mi kut mang nguk kmel muk ma hor mang e Yesus, muk kam mmok mang tok arhe.

lPilipai 4:13

He ekam tok, oni ruk oni ruk nga sia pis kim dok va dok ko kais kam matnge vgum mar ko Ngoldaip nam kaenserpgam dok.

2Tesalonika 3:13

Vanang muk ruk koornopeik, mguak or hak kam kapngan kim a ngaeha to kmeharom o keknen ruk ngta sir ko pum E Nut kalo keik.

1Timoti 1:13

Si tesgun, ktar mang ko E Nut tlo re pum dok kam kol a ngaeha to endo vop, kom sei kam kerrereng En mruo va kol a regesal mang karo mia kat, ko tesgun koma sovet kam koskalil orom mar, vanangko E Nut ta le ktua mrung dok ge. Ii, ko her kamliker ti, ekam ko klo kor mnam dok mang e Yesus he lua mokpom kar vop, he ngae lo mrua paptang dok mruo pum en hak.

lHibru 12:3

Ii, her e Yesus arhe endo tmatnge vgum o nganngannes ruk endruk ko vgum o mia ruk ngam eharom o kerkeknen ngang ko ngat sir malngaeng tok. He ekam tok, mgua smia ngangam kim muk mang en tok, he nang muk kam lua kapngan kmor mnam muk mang E Nut, nang lo mrua ksir petgim.

1Pita 2:10

Ii, ko tesgun mut lo kol E Nut ka mamrung vop kam vle te, karo mia mruo. Vanangko tete, mut her kol E Nut ka mamrung he, he mia vle te, E Nut karo mia mruo orom muk he.

O Ngaelmir 2:3

Ii, mum lo korim a ngaeha to kmegom mar e. Nove, mum kle va her gia matnge vgum o vnek ruk ngma pagis kim muk ekam dok, he lua kapngan kmeharom a ngaeha to endo.