1Korin 3:3 - E Nut Ka Meer Mang Ka Mokpom To A Gunngar

³ Ko mularo papat ngama vle mang o keknen ruk ngam kottek mnam a mmie. Ko mularo keknen ruk kam mo esik mo nguk mruo, va kam mokrur mo nguk mruo ngat mia khenam muk mruo ma mmok te, mum gi kaikkiem o kerkeknen ruk ngam kottek mnam a mmie ta. Mare, mum gia kolkol ekam o gi vrong mia ruk mnam a mmie orom mularo kerkeknen ruk endruk tok.

1Korin 3:3 Iomraidhean Croise

lRom 13:13

Ii, mguak kle va sim kaeharom o keknen ruk lyar, gi enang ko muma vle ko ma mmok kim a kolkha. Nang mu or kam kat kaeharom a kerkeknen to kmiviem a ye to a serpgar he kveve to le kaum kar mulenar kam mo vret muk. Ii, va mu or kam sovet kam mrua ngam muk mruo mang lraip lurokol kat. Va mu or kam vu kaesik ngang mulenar he kngam o rhek kuo mang ngar kat. Va mu or kam mrua mommen muk mruo enang tok.

1Korin 1:10

Koornopeik ruk mut kor mnam muk mang e Yesus Kristus he kmokpom kar, ko kaurur kim muk orom Ngoldaip ka munik te, mguaka kta kaum mang a pat atgiang to kmor mnam muk mang e Yesus. He enangthe mup kaum mang a pat atgiang to kmor mnam muk mang e Yesus tok, va mguer lo kat kais kam kta mrua mommen muk mruo. Nang mguer kle kais kam kle mi ktua kaum ka vle orom a pat atgiang kmor mnam muk mang en tok kngae ka ngmeang hak, ko mgua kaum kael a pat to endo ktar ko pum mularo kerok kmor mnam muk mang e Yesus orom tok.

1Korin 1:11

Ii, koornopeik, ko kaurur kim muk tok ekam ko, ko her kol a re langto mang nguk ko mkor akuruk mnam e Kloe ka valngan te, o mokrur ngate ksei kun pgegom muk.

1Korin 11:18

He tete, ngora ktar ka psom muk mang a kerkeknen to ko her kol a re mang nguk mang ko o mia ngta havae mang nguk te, mum mrua mommen muk mruo mnam o kolkhek ruk muk ruk E Nut ka ngaomevek muma kaum ka vle kam totu pum En. Va ko vur kor mnam dok mang a re to endo ge.

1Korin 3:4

Ii, ko ekam ko muma mokrur mo nguk kam havae te, “Dok kom kaikkiem e Pol,” va langto nam kle ktua havae te, “Dok kom kaikkiem e Apolos,” va mum mrua khenam muk mruo ma mmok gi enang tok arhe te, mum gia kolkol ekam o gi vrong mia ruk mnam a mmie orom a kerkeknen to tok.

2Korin 12:20

Ii, kua svil kmenserpagam muk tok, ekam ko kua gor te, pathe nok ngor kaol he ka ptang nguk he kvokong nguk ko nok mularo keknen ngara vle enang ko klua svil mar kam vle tok vor. Va kua gor kat te, pathe nok mguer lua svil mang kua keknen to kmenpasiker muk kat, ko nera vle enang ko mut lua svil dok kam vle kar muk tok kat. Ii, ko kua gor te, mularo keknen ngara khenam muk ma mmok ko muma mus mo nguk he kmo maen o rhek mo nguk, va kerpapat mo nguk, va kam lo hus kam vrek kiin, va kmo likim muk, va kmo kekner muk, va kmo rere pmuk, va kerngnek kam mrua hover muk mruo, va gi vrong kut kaolol kmikkiem mularo mur svil mruo kat kam motavruru orom mar.

lGalesia 5:15

Vanangko, tete muma vle enang o pendol ruk ngma plong mo elat mar va mo im mar mruo. Vanang mguak ngangreal ngang nguk, matok mguer mrua rum kim mula mokpom to endo mo nguk mruo tok.

E Taitus 3:3

Ngia sim kael pat kim mar kam vle kar o mia tok her gi ko tesgun mor kat, ngom her gia vle enang o mia ruk endruk, ko nop o papat ngang ngor mang E Nut kat e. Ko ngom hera kerngnek vgum En he mrua ngam mor mruo ekam nguaro gi pkor ngaro gi vrong ker svil ruk ngat rergep kun mnam mor ko ngom hera svil kam tmar kim mar mekam mekam. Ii, va tesgun ngom her gia vle enangthe e Seten ta krong nguaro vrongtok ormar enang tok. Va tesgun nguaro ngorsang ngma vle mekam mekam pum o kerkeknen akuruk kat, endruk kmesik kam kering o mia, va kam nho lkarhut ngang o mia orom a vrek kinkiin, va kam mo elat mor kat.

E Yems 3:16

Ko, ani mhel to nma vle orom ka kerkeknen to kam vu kaesik pum klenar ngaro reha va endo kam ring mnam en mang ka munik kam laut tok, va mguera vokom o kerkeknen ngo matneik tgus kun mnam tok kat, ko a mhel to endo karo papat ngat gia motavruru.

1Pita 4:2

He ekam ko a mhel ther mi kut ksir pum karo kerkeknen ruk tok, va a mhel to endo nam lo kta ngam en mruo ekam ka vok karo svil kat e, endruk ngam kaenen en kam tmar kim mar ko nma vle mo mmie vop. Nove, ta kle ka khenam te, nam kle va kngam en mruo ekam E Nut kmeharom E Nut ka svil ha.