Matthew 26:25 - Fangkenio Kkewe Faawu

²⁵ Judas iwe e afangmaei noa Jesus a kepastae, “Sinsei, saapw ngaang?” Jesus a paniuwaeni pwe, “Een minimwu wo aepesa minna.”

Matthew 26:25 Iomraidhean Croise

Matthew 23:7

repwan aerhaengi aar aeremas repwe aewenimmwaar me aesirowuur me noan imwaen chuwaai, me aar aeremas repwe faingiir pwe ‘Sinsei’.

Matthew 23:8

Nge aaemi oawsoapw ffai pwe ‘Sinsei’, pwe erhai rhag aaemi Sinsei, nge oanongaemi nge oaw pwipwi.

Matthew 26:14

Iwe erhai me neeiir rhooan kkayeo kkewe seig me riiurhai, iwe itan Judas Iscariot, a noa reen soamwoonin patere kkewe

Matthew 26:49

Judas a faaeraeg wenewen ngaeni Jesus nge a aengaeni pwe, “Sirow woamw, Sinsei,” iwe a faeisongei.

Matthew 26:64

Jesus a paniuwaeni pwe, “Een minne wo iura. Nge ipwe aengaenigaemi: saengi igina oawpwene giuneei Naiun Aeremas epwe mooat peig mwaaenen iwe e oarosaen Mamaaw, nge epwe ittiw me weei naaeng wooan toapw.”

Matthew 27:11

Iwe Jesus a iu me mmwaen governor we nge a aeiyegiy Jesus pwe, “Een minne aar king re Jews?” Jesus a paniuwaeni pwe, “Een minimwu wo aepesa.”

Luke 22:70

Ra maegin iura pwe, “Ina nge een minne Naiun Deus?” Nge a paniuwaeniir, “Aaemi minimwu oaw iura pwe ngaang.”

John 18:37

Iwe Pilate a aeiineow pwe, “Iwe een erhai king?” Jesus a paniuwaeni pwe, “Een minne wo iura pwe ngaang erhai king. Faaen aaei supw me aaei noa itto noan faeinaengiy ina faaen ngaeni rhag eew aegiaeg, ipwe itto aepesa minna wenewen. Ese tiwegin iyo na e tipaeni wenewen, nge epwe rongorong ngaeniaei.”

John 4:31

Noan oatonaan nge rhooan kkayeo kkewe re iyaeffaenipirhe ngaeni Jesus pwe, “Sinsei, angi egiufet meeta!”