Luke 9:5 - Southern Rakhine

⁵ အမှန်လို့ သူရို့က မတ်ရို့ကို မကြိုဆိုကတ်ဆိုကေ သူရို့မြို့ကထွက်လာရေအခါ သူရို့ကို သတိပီးရေအနီနဲ့ မတ်ရို့ခြီထောက်ကဖုန်မှုန့်တိကို ခါချပခကတ်”a လို့မိန့်မှာလိုက်တေ။

Luke 9:5 Iomraidhean Croise

Luke 10:16

ယပြီးဟာနဲ့ ကိုယ်တော်က တပည့်တော်တိကို “အသင်ရို့စကားကို နားထောင်ရေလူဟာ ငါ့စကားကို နားထောင်ရေလူဖြိုက်တေ။ အသင်ရို့ကို လက်မခံလူတိဟာ ငါ့ကိုလက်မခံရေလူဖြိုက်ပနာ ငါ့ကိုလက်မခံတဲ့လူဟာ ငါ့ကိုစီလွှတ်လိုက်တဲ့လူကိုလည်း လက်မခံရေလူတိဖြိုက်တေ‌” လို့မိန့်ခရေ။

Luke 5:14

ယေပနာ ကိုယ်တော်က သူ့ကို ဒေပိုင်မျိုးရောဂါပျောက်ခရေအကြောင်းကို တစ်ယောက်ကိုလေ့မပြောဖို့ မိန့်မှာလိုက်ပြီးကေ “ပုရောဟိတ်ပါးကိုလားပနာ အသင့်ရောဂါ ပျောက်ကင်းလားကြောင်းကို စစ်ဆေးခွင့်ပီးလိုက်ပါ။ ပြီးကေ အသင်ရဲ့ရောဂါပျောက်လားဟာအတွက် မောရှေပညတ်ကျမ်းမှာ ဖော်ပြထားရေအတိုင်း ပူဇော်တဲ့အမှုကို လားလို့လုပ်ခီပါ။ ယေမှရာ လူတိက အသင့်ရောဂါပျောက်လားရာဆိုဟာကို သိကတ်လိမ့်မေ” လို့မိန့်တော်မူလိုက်တေ။

Luke 9:4

မတ်ရို့ကိုကြိုဆိုရေ အဇာအိမ်မာမဆို ယင်းနီရာက မပြန်မချင်း ယင်းအိမ်မာရာ တည်းခိုကတ်ပါ။

Luke 9:48

ယပြီးကေ ကိုယ်တော်က သူ့ရဲ့တပည့်တော်တိကို “ငါ့အတွက်နဲ့ ဒေအစိတ်ကေချေကို လက်ခံရေလူဟာ ငါ့ကိုလက်ခံရေလူဖြိုက်တေ။ ယပြီးကေ ငါ့ကိုလက်ခံရေလူဟာလည်း ငါ့ကို စီလွှတ်တော်မူလိုက်တဲ့အဖဘုရားရှင်ကို လက်ခံရေလူဖြိုက်တေ။ အဇာဖြိုက်လို့ဆိုကေ မတ်ရို့ထဲမာ ကိုယ့်ဟာကို အနှိမ့်ချဆုံးလူဟာ အကြီးမြတ်ဆုံးလူဖြိုက်တေ” လို့မိန့်တော်မူလိုက်တေ။