Luke 9:44 - Southern Rakhine

⁴⁴ ကိုယ်တော်က “မတ်ရို့ ငါပြောဟာကို အာရုံစိုက်လို့နားထောင်ကတ်။ လူ့သားတော်ဟာ သူ့ရန်သူတိရဲ့လက်ထဲကို အအပ်ခံရဖို့ယာ” လို့မိန့်တော်မူခရေ။

Luke 9:44 Iomraidhean Croise

Luke 18:31

ယပြီးဟာနဲ့ ကိုယ်တော်က တပည့်တော်ဆယ့်နှစ်ယောက်စလုံးကို အနားကိုလာခိုင်းပနာ “နားထောင်ကတ်။ အဂု ငါရို့ဟာ ဂျေရုဆလင်မြို့ကို လားတဲ့လမ်းမာ ရောက်နီကတ်တေ။ ပရောဖက်တိက လူ့သားတော်နဲ့ပတ်သက်ပနာ ရေးသားထားခဟာတိဟာ ယင်းမာဖြိုက်လာဖို့ရာ။

Luke 2:19

ယကေလဲ မာရိက အကြောင်းအရာတိအားလုံးကို သူမရဲ့စိတ်နှလုံးထဲမာ မှတ်ထားပြီးကေ ယင်းအရာတိကို ထပ်ခါထပ်ခါတွေးနီခရေ။

Luke 2:51

ယပြီးဟာနဲ့ အချေယေရှုဟာ ယောသပ်၊မာရိရို့နဲ့အတူ နာဇရက်မြို့ကို ပြန်လိုက်လားပြီးကေ သူရို့ရဲ့စကားကိုနားထောင်ပနာ နီခရေ။ ယေတာလဲ မာရိက ဖြိုက်ပျက်ခတဲ့အကြောင်းအရာတိကို သူမရဲ့စိတ်နှလုံးထဲမာ တွေးနီခရေ။

Luke 24:44

ယပြီးကေ ကိုယ်တော်က “မောရှေရဲ့ပညတ်ကျမ်း၊ ပရောဖက်တိရဲ့ ကျမ်းတိနဲ့၊ ဆာလံကျမ်းတိမာ ငါ့အကြောင်းကို ဖော်ပြထားရေအတိုင်း အမှန် ဖြိုက်လာလိမ့်မယ်လို့ မတ်ရို့ကို ပြောပြခရေအကြောင်းတိဟာ ဒေအဖြိုက်ပျက်တိ ဖြိုက်တေ” လို့မိန့်တော်မူခရေ။

Luke 9:22

ယပြီးကေ ကိုယ်တော်က တပည့်တော်တိကို “လူ့သားတော်ဟာ ဒုက္ခဝေဒနာတိကို ခံစားရပြီးကေ ဂျူးလူမျိုးအကြီးအကဲတိ၊ ပုရောဟိတ်အကြီးအကဲတိနဲ့ ကျမ်းတတ်ဆရာတိရဲ့ ငြင်းပယ်ဟာကိုခံရလိမ့်မယ်။ သူဟာ အသီအသတ်ခံရဖို့ဖြိုက်ပြီးကေ သုံးရက်မြောက်တေနိန့်မာ အသက်ပြန်ရှင်လာလိမ့်မယ်” လို့မိန့်တော်မူခရေ။