Luke 8:29 - Southern Rakhine

²⁹ ယင်းပိုင်လျှောက်ထားရေဆိုဟာက ကိုယ်တော်ဟာ မကောင်းဆိုးဝါးကို ယင်းလူပါးက ထွက်လားဖို့ အမိန့်ပီးလိုက်ဟာကြောင့် ဖြိုက်တေ။ မကောင်းဆိုးဝါးဟာ ယင်းလူကို နိန့်တိုင်း ဒုက္ခပီးရေ။ ယင်းလူရဲ့ ခြီတိလက်တိကို သံကြိုးတိနဲ့ချိုင်လို့ ဖမ်းပနာစောင့်ကြည့်ထားကတ်တာလဲ သူဟာ သံကြိုးတိကို ဖြတ်ပစ်ပနာ လူတိနဲ့ဝီးရေအရပ်သို့ မကောင်းဆိုးဝါးရဲ့ခေါ်ဆောင်ဟာကို ခံရရေ။

Luke 8:29 Iomraidhean Croise

Luke 8:28

ယင်းလူဟာ ကိုယ်တော်ကို မြင်ရေအခါ ရှေ့မာဒူးထောက်လိုက်ပြီးကေ အသံအကျယ်ကြီးနဲ့ “အမြင့်မြတ်ဆုံးဘုရားရှင်ရဲ့သားတော်ယေရှု၊ ကျွန်နော့်ကို အဇာလုပ်ချင်ပါရောင်၊ ကျွန်နော့်ကို မနှိပ်စက်ဖို့ ကိုယ်တော်ကို တောင်းပန်ပါရေ” လို့လျှောက်တင်လိုက်တေ။

Luke 8:30

ကိုယ်တော်က သူ့ကို “အသင့်နာမေ ပဇောင်ခေါ်ရောင်” လို့မီးရေအခါ ယင်းလူက “လေဂေါင်b ဖြိုက်ပါရေ” လို့ပြန်လျှောက်ခရေ။ အဇာဖြိုက်လို့ဆိုကေ သူ့ပါးမာ မကောင်းဆိုးဝါးအများကြီး ဝင်ပူးနီဟာကြောင့် ဖြိုက်တေ။

Luke 9:39

သူ့ကို မကောင်းဆိုးဝါးဟာ မကြာမကြာ ဝင်ပူးဟာကြောင့် သူဟာ အလန့်တကြားနဲ့အော်နီတတ်တေ။ ယပြီးကေ သူ့တစ်ခန္ဓာကိုယ်လုံး တုန်နီပနာ ပါးစပ်ထဲကလည်း အမြှုပ်တိ ထွက်လာတတ်ပါရေ။ ယင်းမကောင်းဆိုးဝါးဟာ သူ့ကို ကောင်းနာကျင်စီပြီးကေ သူ့ပါးက ထွက်လားရေလို့တောင် ကောင်းမဟိပါ။

Luke 9:42

ယင်းအချေလာနီတုံးမှာ မကောင်းဆိုးဝါးဟာ သူ့ကို မြီပြင်မာ လှဲချလိုက်ပြီးကေ တစ်ကိုယ်လုံးတုန်လှုပ်စီရေ။ ယေတာလဲ ကိုယ်တော်ဟာ မကောင်းဆိုးဝါးကို ဆုံးမပနာ အချေပါးကထွက်လားဖို့ အမိန့်ပီးလိုက်တေ။ ယပြီးကေ ကိုယ်တော်ဟာ အချေကိုကျန်းမာစီပြီးကေ သူ့အဖပါးကို ပြန်အပ်လိုက်တေ။