Luke 8:24 - Southern Rakhine

²⁴ ယေခါ တပည့်တော်တိဟာ ကိုယ်တော်ပါးကိုလားပနာ ကိုယ်တော်ကို နှိုးလိုက်ကတ်ပြီး‌ကေ “ဆရာ၊ ဆရာ၊ ကျွန်နော်ရို့ သီကတ်ဖို့ပါယာ” လို့လျှောက်တင်ကတ်တေ။ ကိုယ်တော်ဟာ ထလာပနာ လီပြင်းမုန်တိုင်းနဲ့လှိုင်းလုံးကြီးတိကို အမိန့်ပီးလိုက်တေအခါ လီပြင်းမုန်တိုင်းဟာ ချက်ချင်းရပ်လားပြီးကေ အားလုံးငြိမ်ကျလားခရေ။

Luke 8:24 Iomraidhean Croise

Luke 4:35

ယေခါ ကိုယ်တော်က မကောင်းဆိုးဝါးကို “တိန်းလို့နီ၊ သူ့ပါးက ထွက်လား” လို့အမိန့်ပီးလိုက်တေ။ ယပြီးဟာနဲ့ မကောင်းဆိုးဝါးဟာ ယင်းလူကို လူတိအလယ်မာ မြီကြီးထက်ကို လှဲချလိုက်ပနာ သူ့ကို မနာမကြင်စီဘဲနဲ့ ထွက်လားခရေ။

Luke 4:39

ယင်းကြောင့် ကိုယ်တော်ဟာ ယင်းမမါ့နားကိုလားပနာ အဖျားရောဂါကို ပျောက်ကင်းစီဖို့အတွက် အမိန့်ပီးတော်မူရေ။ ယင်းမမါ့ဟာ အဖျားရောဂါပျောက်ကင်းလားပြီးကေ ချက်ချင်းထလို့ သူရို့ကို အစားအသောက်တိ ပြင်ဆင်ပီးခရေ။

Luke 5:5

ရှိမုန်ကလည်း “ဆရာ၊ ကျနော်ရို့ တညဉ့်လုံး ပင်ပင်ပန်းပန်းကြိုးစားပြီးကေ ငါးဖမ်းခတာလဲ ကျွန်တော်ရို့ ငါးတစ်ကောင်လဲမရခပါ။ ယေတာလဲ ဆရာက လုပ်ခိုင်းတဲ့အတွက်ကြောင့် ပိုက်ကို ထပ်လို့ချလိုက်ပါမေ” လို့ဖြေလိုက်တေ။

Luke 8:25

ယပြီးကေ ကိုယ်တော်က တပည့်တော်တိကို “မတ်ရို့ရဲ့ယုံကြည်မှုက အဇာမာရောင်” လို့မိန့်တော်မူလိုက်တေ။ ယကေလဲ သူရို့ဟာ အံ့ဩတုန်လှုပ်ပနာ “ဒေလူဟာ အသူရောင်။ လှိုင်းနဲ့လီကို အမိန့်ပီးလိုက်တဲ့အခါ လှိုင်းနဲ့လီကတောင် သူ့ရဲ့အမိန့်ကို နာခံကတ်တေကား” လို့အချင်းချင်း ပြောနီကတ်တေ။