Luke 8:14 - Southern Rakhine

¹⁴ ဆူးခြုံပင်ထဲကို ကျလားခရေ မျိုးစိတိဆိုဟာ ဘုရားရှင်ရဲ့နှုတ်ကပတ်တော်တိကို ကြားနာကတ်ရတာလည်းသို့ ဘဝမာ စိုးရိမ်ပူပန်မှုတိ၊ ချမ်းသာကြွယ်ဝမှုတိ၊ ကာမဂုဏ်ခံစားမှုတိက ဖုံးလွှမ်းထားဟာကြောင့် ဘုရားရှင်ရဲ့ နှုတ်ကပတ်တော်အတိုင်း မနီထိုင်တဲ့လူတိကို ဆိုလိုရေ။

Luke 8:14 Iomraidhean Croise

Luke 16:13

တစ်ယောက်အစီခံလည်း သခင်နှစ်ယောက်ပါးမာ တစ်ပြိုင်တည်း သစ္စာမခံနိုင်။ ဇာဖြစ်လို့ဆိုကေ သူဟာ တစ်ယောက်ကိုမုန်းပနာ အရာတစ်ယောက်ကိုချိုက်လိမ့်မေ။ မဟုတ်ကေ တစ်ယောက်ကို သစ္စာဟိကေ ကျန်တစ်ယောက်ကို မထီမဲ့မြင်လုပ်လိမ့်မေ။ ယင်းအတိုင်းယာ အသင်ရို့ဟာ ဘုရားရှင်နဲ့ လောကီစည်းစိမ်တိကို တစ်ပြိုင်တည်းအစီခံလို့မရနိုင်” လို့မိန့်တော်မူခရေ။

Luke 21:34

နောက်ထပ် ကိုယ်တော်က “ယင်းကြောင့် အလွန်အကျူးစားလိုက်သောက်လိုက်၊ ဘဝအတွက်ပူပန်လိုက်နဲ့ အသင်ရို့ရဲ့ အချိန်တိ မကုန်လားစီဖို့အတွက် သတိနဲ့ဆင်ခြင်ကတ်။ ယင်းပိုင်ရာ အချိန်ဖြုန်းနီကေ နောက်ဆုံးနိန့်ရက်တိဟာ အသင်ရို့ပါးကို ထောင်ချောက်ပိုင်မျိုး အမှုမဲ့ အမှတ်မဲ့ ရောက်လာလိမ့်မယ်။

Luke 8:13

ကျောက်ခံမြီထက်ကို ကျလားခရေမျိုးစိတ်ဆိုဟာ ဘုရားရှင်ရဲ့ နှုတ်ကပတ်တော်တိကို နာယူရရေအခါ အားရဝမ်းသာနဲ့လက်ခံတဲ့လူတိကို ဆိုလိုပါရေ။ ယကေလဲ သူရို့က အမြစ်မစွဲတဲ့အပင်တိပိုင် အချိန်တအောင့်ချေလောက်ရာ ယုံကြည်လက်ခံဟာကြောင့် သူရို့မာ ခက်ခဲကြမ်းတမ်းမှုတိနဲ့ ကြုံလာရရေအခါ သူရို့ရဲ့ယုံကြည်မှုတိဟာ ချက်ချင်း ရပ်တန့်လားကတ်တေလူတိကို ဆိုလိုရေ။

Luke 8:15

ယေတာလဲ မြေဆီလွှာကောင်းရေနီရာကို ကျလားရေမျိုးစိဆိုဟာက ဘုရားရှင်ရဲ့ နှုတ်ကပတ်တော်တိကို နာယူပြီးရေအခါမာ သူရို့ရဲ့ကောင်းမွန်ရေစိတ်နှလုံးထဲမှာ စွဲစွဲမြဲမြဲသိမ်းထားပနာ ဘုရားရှင်ရဲ့နှုတ်ကပတ်တော်တိကို လိုက်နာတဲ့လူတိကိုဆိုလိုရေ” လို့မိန့်တော်မူပါရေ။

Luke 8:7

တချို့မျိုးစိတိကကျကေ ဆူးခြုံပင်တိကြားထဲကိုကျလားခပနာ ဆူးခြုံပင်တိနဲ့တတူအပင်ပေါက်လာဟာကြောင့် ဆူးခြုံပင်တိက ကာဆီးပိတ်ဆို့ဟာကို ခံရရေ။