Luke 7:7 - Southern Rakhine

⁷ ယင်းအပြင် ကျွန်နော်ဟာလည်း ကိုယ်တော်ပါးကို လာတွိ့ဖို့မထိုက်တန်လို့ထင်ပါရေ။ အရှင် အမိန့်ပီးလိုက်ဟာလောက်နဲ့ ကျွန်နော့်ရဲ့အစီခံဟာ ကျန်းမာလာပါလိမ့်မယ်။

Luke 7:7 Iomraidhean Croise

Luke 4:36

လူတိအားလုံးဟာ အံ့ဩလားကတ်ပနာ “ဒေဟာက ပဇောင်စကားမျိုးရောင်။ ဒေလူက တန်ခိုးအာဏာနဲ့ မကောင်းဆိုးဝါးတိကို ထွက်လာဖို့ အမိန့်ပီးလိုက်ဟာနဲ့ သူရို့ဟာ ထွက်လာရရေကား” လို့အချင်းချင်းပြောနီကတ်တေ။

Luke 5:13

ယေခါ ကိုယ်တော်ဟာ သူ့လက်ကိုဆန့်ပနာ ယင်းလူကို ထိလိုက်ပြီးကေ “ငါအလိုဟိရေ။ ပျောက်ကင်းစီ” လို့မိန့်တော်မူလိုက်ရေ။ ယပြီးဟာနဲ့ချက်ချင်း ယင်းလူရဲ့အနာကြီးရောဂါဟာ ကောင်းလားခရေ။

Luke 7:6

ယင်းဟာကြောင့် ကိုယ်တော်ယေရှုဟာ သူရို့နဲ့တတူ လိုက်ပါတော်မူပနာ တပ်မှူးအိမ်နဲ့ ကောင်းမဝီး‌ရေနီရာကို ရောက်လာရေအခါ တပ်မှူးဟာ သူ့မိတ်ဆွေတချို့ကိုလွှတ်လိုက်ပနာ ကိုယ်တော်ကို “အရှင်၊ ကျွန်နော့်အိမ်ကို အရှင်ကြွလာဟာ ကျွန်နော်နဲ့ မထိုက်တန်တဲ့အတွက် အပင်ပန်းခံပနာ ကြွလာတော်မမူပါကေ့။

Luke 7:8

ယင်းပိုင်ပြောရဟာက ကျွန်နော်ကိုယ်တိုင်လည်း အထက်အရာရှိရဲ့ လက်အောက်မှာ ဟိပိုင်မျိုး ကျွန်နော့်လက်အောက်မာလည်း တပ်သားတိမကန်ဟိပါရေ။ ကျွန်နော်က တပ်သားတစ်ယောက်ကို ‘လား’ လို့ပြောကေ သူဟာ လားရပနာ၊ ‘လာ’ လို့အမိန့်ပီးလိုက်ကေ သူဟာ လာရပါရေ။ ကျွန်နော့်အစီခံတိကို ‘ဒေဟာလုပ်’ လို့ပြောကေ သူရို့မာ လုပ်ရပါရေ” လို့လျှောက်တင်ခိုင်းလိုက်တေ။