Luke 7:39 - Southern Rakhine

³⁹ ယေခါ ကိုယ်တော်ကို ဖိတ်ထားရေ ဖာရိရှဲမြင်ရေအခါ “ဒေလူဟာ ပရောဖက်မှန်ရေဆိုကေ သူ့ကို လာထိရေမမါ့ဟာ ပဇောင်ပိုင်မမါ့မျိုး ဖြိုက်တေဆိုဟာကို သိသင့်ရေ။ အဇာဖြိုက်လို့ဆိုကေ ယင်းမမါ့ဟာ အပြစ်ဒုစရိုက်များတဲ့မမါ့ ဖြိုက်တေ” လို့စိတ်ထဲမာ စိုင်းစားနီခရေ။

Luke 7:39 Iomraidhean Croise

Luke 12:17

သူက ‘ငါ့ရဲ့အသီးတိ့ကို ထားစရာနီရာမဟိရေအတွက် အဇာပိုင်လုပ်ရဖို့ရောင်’ လို့ စိုင်းစားနီခရေ။

Luke 15:2

ယင်းခါ ဖာရိရှဲတိနဲ့ ကျမ်းတတ်ဆရာတိက “ဒေလူဟာ အပြစ်ဒုစရိုက်သားတိနဲ့ အပါင်းအသင်းလုပ်နီဟာမကလို့ တတူတူတောင် စားလို့သောက်လို့ နီလိုက်သိမ်းရေ” လို့ဝေဖန်ပနာ အပြစ်တင်ကတ်တေ။

Luke 16:3

ယေခါ ယင်းသူကလည်း ‘ငါ ပဇောင်ပိုင်လုပ်ရဖို့ရောင်။ သူဌေးက ငါ့ကို အလုပ်ကနီ ထုတ်လိုက်ယာ။ ငါဟာ မြီတူးဖို့လည်း အားမဟိ၊ တောင်းစားဖို့လည်း ရှက်တယ်။

Luke 18:4

အချိန်တိကြာရေအထိ တရားသူကြီးဟာ အလေးမထားခကေလည်း နောက်ဆုံးမာ ယင်းတရားသူကြီးက ‘ငါဟာ ဘုရားကိုလည်း မကြောက်ပိုင်၊ လူတိကိုလည်း အလေးမထားတတ်ကေလည်း

Luke 3:8

အသင်ရို့နောင်တရကြောင်းကို အလုပ်နဲ့ သက်သီပြကတ်။ အသင်ရို့ကိုယ်အသင်ရို့ ‘အာဗြဟံရဲ့မျိုးဆက်ဖြိုက်လို့ ဘုရားရှင်က ငါရို့ကိုအပြစ်ပီးဖို့မဟုတ်’ ဆိုပနာ ပြောမနီကတ်ကေ့။ အသင်ရို့ကို ငါပြောမေ၊ ဘုရားရှင်က ဒေကျောက်ခဲတိကိုတောင် အာဗြဟံရဲ့ မျိုးဆက်တိအဖြိုက် ဖန်ဆင်းနိုင်ရေ။

Luke 7:16

ယင်းခါ လူတိဟာလည်း အထိတ်တလန့်နဲ့ အံ့ဩလားခကတ်ပနာ “ငါ့ရို့မှာ မြင့်မြတ်တဲ့ပရောဖက်တစ်ပါး ပေါ်ထွန်းလာခယာ။ ဘုရားရှင်က သူ့ရဲ့လူမျိုးတိကို ကူညီဖို့ ရောက်လာရာ” လို့ဘုရားရှင်ကို ချီးမွမ်းကတ်တေ။

Luke 7:37

ယင်းမြို့မာ အပြစ်ဒုစရိုက်များတဲ့မမါ့တစ်ယောက် ဟိခရေ။ ယင်းမမါ့ဟာ ဖာရိရှဲအိမ်မာ ကိုယ်တော် ညဖက်ထမင်းစားနီဟာကို ကြားသိရဟာကြောင့် သူမဟာ အကြီးကျယ်ဈီးကြီးရေ ဆီမွှီးတစ်ပုလင်းကိုယူပနာ ယင်းနီရာကိုလာခရေ။

Luke 7:38

ယပြီးကေ ယင်းမမါ့ဟာ ကိုယ်တော်ရဲ့အနောက်ကိုလာပြီးကေ ရပ်ပနာငိုရင်းနဲ့ သူမရဲ့မျက်ရည်တိဟာ ကိုယ်တော်ရဲ့ ခြီထောက်ကို စွတ်လားဟာကြောင့် သူမရဲ့ဆံပင်တိနဲ့ သုတ်ပီးလိုက်တေ။ ယေပနာ ကိုယ်တော်ရဲ့ ခြီတော်အစုံကို နမ်းလိုက်ပြီးကေ ဆီမွှီးနဲ့ လိမ်းပီးခရေ။

Luke 7:40

ကိုယ်တော်က ယင်းဖာရိရှဲကို “ရှိမုန်၊ အသင့်ကို ငါပြောစရာတစ်ခုဟိရေ” လို့မိန့်တော်မူလိုက်တေခါ ရှိမုန်က “ပြောပါ၊ ဆရာ” လို့လျှောက်လိုက်တေ။