Luke 7:12 - Southern Rakhine

¹² မြို့ဝင်ပေါက်နားကိုရောက်တေခါမာ လူသီအလောင်းတစ်လောင်းကို သင်္ဂြိုဟ်ဖို့အတွက် လူတစ်စုက အလောင်းစင်နဲ့ ထမ်းပနာ မြို့ပြင်ကို ထုတ်လာကတ်တေ။ သီနီရေလူဟာ မုဆိုးမတစ်ယောက်ရဲ့ တစ်ဦးတည်းသောသားဖြိုက်ပနာ မြို့သူမြို့သားတိကလည်း ယင်းမမါ့နဲ့အတူတူ လိုက်ပို့လာကတ်တေ။

Luke 7:12 Iomraidhean Croise

Luke 7:11

နောက်တစ်နိန့်မာ ကိုယ်တော်ဟာ သူ့ရဲ့တပည့်တော်တိနဲ့အတူတူ နာဣနလို့ခေါ်ရေမြို့ကို ကြွရေအခါ လူပရိတ်သတ်တိလည်း ကိုယ်တော်ရဲ့နောက်ကနီ လိုက်ပါလာကတ်တေ။

Luke 7:13

ကိုယ်တော်က ယင်းမုဆိုးမကို မြင်ရေအခါ ယင်းမမါ့ကို ကောင်းသနားလားပြီးကေ သူမကို “မငိုပါကေ့” လို့မိန့်တော်မူလိုက်တေ။

Luke 8:42

အဇာဖြိုက်လို့ဆိုကေ ဆယ့်နှစ်နှစ်အရွယ်ဟိရေ သူ့ရဲ့တစ်ဦးတည်းသောသမီးဟာ သီလုမျောပါးဖြိုက်နီဟာကြောင့် ဖြိုက်တေ။ ယင်းအိမ်ကို ကိုယ်တော်ကြွလာရေအခါ လူထုပရိတ်သတ်အများကြီးဟာ ကိုယ်တော်ကို ဝိုင်းအုံပြီးကေ တိုးကျိတ်လို့လိုက်လာကတ်တေ။

Luke 8:52

လူတိုင်းက ယင်းမမါ့ချေသီလားခဟာကြောင့် ယူကျုံးမရ ဝမ်းနည်းပက်လက်နဲ့ငိုနီကတ်တေ။ ယေတာလဲသို့ ကိုယ်တော်က “မငိုကတ်ကေ့။ ဒေမမါ့ချေကား မသီသိမ်း။ အိပ်မောကျနီဟာယာဖြိုက်တေ” လို့မိန့်တော်မူရေ။