Luke 6:25 - Southern Rakhine

²⁵ အဂုခါ ဝဝလင်လင် စားသောက်နီထိုင်ရတဲ့သင်ရို့ဟာ ဒုက္ခရောက်ကတ်ဖို့သိမ်း။ အဇာဖြိုက်လို့ဆိုကေ အသင်ရို့ဟာ ဆာလောင်ငတ်မွတ်ဟာကို ခံရဖို့ဟာကြောင့်ဖြိုက်တေ။ အဂုခါ ရယ်မောနီရေအသင်ရို့ဟာ ဒုက္ခရောက်ကတ်ဖို့သိမ်း။ အဇာဖြိုက်လို့ဆိုကေ အသင်ရို့ဟာ ဝမ်းနည်းပက်လက်နဲ့ ငိုကတ်ရဖို့ဖြိုက်တေ။

Luke 6:25 Iomraidhean Croise

Luke 12:20

ယေတာလဲ ဘုရားရှင်က ယင်းလူကို ‘ရူးမိုက်တေလူ၊ ဒေနိန့် ညည့်ခါ အသင်သီရဖို့။ အသင်စုဆောင်းထားရေ ပစ္စည်းဥစ္စာတိဟာ အရာလူတိလက်ထဲကိုရောက်လားလိမ့်မယ်’ လို့မိန့်တော်မူခရေ။

Luke 13:28

ယင်းအခါမာ အာဗြဟံd၊ ဣဇက်၊ ယာကုပ်နဲ့ အရာပရောဖက်တိကို ဘုရားရှင်ရဲ့သာသနာတော်ထဲမာ တွိ့ရပြီးကေ မတ်ရို့ကျကေ အပြင်ကို နှင်ထုတ်ခံရဟာကြောင့် မတ်ရို့ဟာ ဝမ်းနည်းပနာ အံကြိတ်ပြီးကေငိုကတ်ရလိမ့်မယ်။

Luke 6:24

နောက်ထပ် ကိုယ်တော်က “ယေတာလဲ သူဌေးတိ၊ အသင်ရို့ရဲ့ဘဝကို သက်သက်သာသာနဲ့ နီထိုင်ခရဟာဖြိုက်လို့ အသင်ရို့ဟာ ဒုက္ခရောက်ကတ်ဖို့သိမ်း။

Luke 6:26

လူတိက အသင်ရို့အကြောင်းကို ချီးမွမ်းပြောဆိုကတ်ကေလည်း အသင်ရို့ ဒုက္ခနဲ့ကြုံကတ်ရလိမ့်မယ်။ အဇာဖြိုက်လို့ဆိုကေ အသင်ရို့ရဲ့အဖိုးအဖီးတိကလည်း အယောင်ဆောင်ပရောဖက်တိကို ယင်းနည်းအတိုင်း ချီးမွမ်းပြောဆိုခကတ်လို့ ဖြိုက်တေ” လို့မိန့်တော်မူရေ။

Luke 8:53

လူတိဟာ ယင်းမမါ့ချေသီလားဟာကို သိထားကတ်ယာဖြိုက်လို့ ကိုယ်တော်ကို လှောင်ရယ်ခကတ်တေ။