Luke 5:5 - Southern Rakhine

⁵ ရှိမုန်ကလည်း “ဆရာ၊ ကျနော်ရို့ တညဉ့်လုံး ပင်ပင်ပန်းပန်းကြိုးစားပြီးကေ ငါးဖမ်းခတာလဲ ကျွန်တော်ရို့ ငါးတစ်ကောင်လဲမရခပါ။ ယေတာလဲ ဆရာက လုပ်ခိုင်းတဲ့အတွက်ကြောင့် ပိုက်ကို ထပ်လို့ချလိုက်ပါမေ” လို့ဖြေလိုက်တေ။

Luke 5:5 Iomraidhean Croise

Luke 17:13

သူရို့ဟာ ကိုယ်တော်ရဲ့အဝီးမာရပ်ပြီးကေ အသံအကျယ်ကြီးနဲ့ “ကိုယ်တော်ယေရှု၊ ကျွန်နော်ရို့ကို သနားတော်မူပါ” လို့လျှောက်ကတ်တေ။

Luke 8:24

ယေခါ တပည့်တော်တိဟာ ကိုယ်တော်ပါးကိုလားပနာ ကိုယ်တော်ကို နှိုးလိုက်ကတ်ပြီး‌ကေ “ဆရာ၊ ဆရာ၊ ကျွန်နော်ရို့ သီကတ်ဖို့ပါယာ” လို့လျှောက်တင်ကတ်တေ။ ကိုယ်တော်ဟာ ထလာပနာ လီပြင်းမုန်တိုင်းနဲ့လှိုင်းလုံးကြီးတိကို အမိန့်ပီးလိုက်တေအခါ လီပြင်းမုန်တိုင်းဟာ ချက်ချင်းရပ်လားပြီးကေ အားလုံးငြိမ်ကျလားခရေ။

Luke 8:45

ယေခါ ကိုယ်တော်က “ငါ့ကို အသူတို့လိုက်ဟာရောင်” လို့မီးလိုက်တေခါ လူတိက သူရို့မတို့ကြောင်းငြင်းဆန်ကတ်ပြီးကေ ပေတရုက “ဆရာ၊ လူအများကြီးက ကိုယ်တော်ရဲ့ဘေးပတ်ပတ်လည်မာ တိုးနီကတ်ပါရေ” လို့လျှောက်တင်လိုက်တေ။

Luke 9:33

ယပြီးကေ မောရှေနဲ့ ဧလိယရို့ ပြန်လားဖို့ပြင်နီခါ ပေတရုက ကိုယ်တော်ကို “ဆရာ၊ ကျွန်နော်ရို့ ဒေနီရာမာဟိနီရဟာ ကောင်းကောင်းပါရေ။ ကျွန်နော်ရို့ ဆရာအတွက်တဲတစ်ဆောင်၊ ဧလိယအတွက်တဲတစ်ဆောင်နဲ့ မောရှေအတွက်တဲတစ်ဆောင် စုစုပေါင်းတဲသုံးဆောင်ကို ဆောက်ပီးပါမေ” လို့သူ့ဟာသူတောင် အဇာပြောလို့ပြောမှန်းမသိဘဲ လျှောက်ထားလိုက်တေ။

Luke 9:49

ယပြီးကေ ယောဟန်က “ကိုယ်တော်၊ ကိုယ်တော်ရဲ့နာမတော်ကိုသုံးပနာ လူတိပါးက မကောင်းဆိုးဝါးကို နှင်ထုတ်နီရေလူတစ်ယောက်ကို ကျွန်နော်ရို့တွိ့ခပါရေ။ ယင်းလူဟာ ကျွန်နော်ရို့နဲ့တတူတူ လိုက်ပါလာဟာမဟုတ်လို့ သူ့ကို ယင်းပိုင်မလုပ်ဖို့ တားခပါရေ” လို့လျှောက်လိုက်တေ။