Luke 5:30 - Southern Rakhine

³⁰ ဖာရိရှဲတိနဲ့ သူရို့ထဲကကျမ်းတတ်ဆရာတိက ကိုယ်တော်ရဲ့တပည့်တော်တိကို “အသင်ရို့ဟာ ဒေအခွန်ကောက်တိ၊ အပြစ်ဒုစရိုက်သားတိနဲ့တတူ အဇာဖြိုက်လို့ စားသောက်နီကတ်ရောင်” လို့ဝေဖန်ပြောဆိုကတ်တေ။

Luke 5:30 Iomraidhean Croise

Luke 18:11

ဖာရိရှဲဟာ တစ်ယောက်တည်း မတ်တပ်ရပ်ပနာ ‘အို ဘုရားရှင်၊ တပည့်တော်ဟာ အရာလူတိပိုင်မျိုး လုယူတတ်တဲ့လူ၊ မရိုးမသားလုပ်တဲ့လူ၊ အိမ်ထောင်ရေး ဖောက်ပြန်တဲ့လူလည်းမဟုတ်တဲ့အပြင် ဟိုနားကအခွန်ကောက်တေလူပိုင်မျိုး မဟုတ်တဲ့အတွက် ဘုရားရှင်ကို ကျေးဇူးတင်ပါရေ။

Luke 19:7

ယင်းအဖြိုက်ပျက်တိကို မြင်‌ရေလူတိက “ကိုယ်တော်ဟာ အပြစ်ဒုစရိုက်သမားအိမ်ကို တည်းဖို့လားခရာ” လို့အပြစ်တင်ဝေဖန်ကတ်တေ။

Luke 5:17

တစ်ရက်နိန့်ခါ ကိုယ်တော်ယေရှု ဟောပြောသွန်သင်နီတုန်း ဂါလိလဲပြည်နဲ့ယုဒပြည်မာဟိရေရွာတိနဲ့ ဂျေရုဆလင်မြို့ကနီ လာကတ်တဲ့ ဖာရိရှဲdတချို့နဲ့ ကျမ်းတတ်ဆရာတချို့ဟာလည်း ယင်းနီရာနားမာ ထိုင်လို့ဟိကတ်တေ။ ဘုရားရှင်ဟာ လူတိရဲ့အနာရောဂါတိကို ပျောက်ကင်းစီဖို့အတွက် ကိုယ်တော်ယေရှုပါးမာ တန်ခိုးတော်ကို ပီးထားတော်မူခရေ။

Luke 5:21

ယေခါ ဖာရိရှဲတိနဲ့ကျမ်းတတ်ဆရာတိက “ဘုရားရှင်ကို စော်ကားပြောနီရေ ဒေလူဟာ အသူရောင်။ ဘုရားရှင်ကလွဲလို့ တစ်ယောက်ကလဲ အပြစ်တိကို ခွင့်လွှတ်ပီးဟာတိ မလုပ်နိုင်” လို့တွေးနီကတ်တေ။

Luke 7:34

ယင်းပိုင်မျိုး လူ့သားတော်က စားသောက်နီပြန်ကေဖြိုက်ဖြိုက်၊ လားလာနီကေဖြိုက်ဖြိုက် အသင်ရို့က ‘ဒေလူကို ကြည့်ပါ။ သူဟာ အစားမက်ရေလူဖြိုက်ပနာ အခွန်ကောက်တေလူတိ၊ အပြစ်ဒုစရိုက်သားတိနဲ့ အပေါင်းအသင်းဖွဲ့ပနာ စားသောက်နီရေ’ လို့ပြောကတ်တေ။

Luke 7:39

ယေခါ ကိုယ်တော်ကို ဖိတ်ထားရေ ဖာရိရှဲမြင်ရေအခါ “ဒေလူဟာ ပရောဖက်မှန်ရေဆိုကေ သူ့ကို လာထိရေမမါ့ဟာ ပဇောင်ပိုင်မမါ့မျိုး ဖြိုက်တေဆိုဟာကို သိသင့်ရေ။ အဇာဖြိုက်လို့ဆိုကေ ယင်းမမါ့ဟာ အပြစ်ဒုစရိုက်များတဲ့မမါ့ ဖြိုက်တေ” လို့စိတ်ထဲမာ စိုင်းစားနီခရေ။