Luke 3:8 - Southern Rakhine

⁸ အသင်ရို့နောင်တရကြောင်းကို အလုပ်နဲ့ သက်သီပြကတ်။ အသင်ရို့ကိုယ်အသင်ရို့ ‘အာဗြဟံရဲ့မျိုးဆက်ဖြိုက်လို့ ဘုရားရှင်က ငါရို့ကိုအပြစ်ပီးဖို့မဟုတ်’ ဆိုပနာ ပြောမနီကတ်ကေ့။ အသင်ရို့ကို ငါပြောမေ၊ ဘုရားရှင်က ဒေကျောက်ခဲတိကိုတောင် အာဗြဟံရဲ့ မျိုးဆက်တိအဖြိုက် ဖန်ဆင်းနိုင်ရေ။

Luke 3:8 Iomraidhean Croise

Luke 13:25

အိမ်ရှင်က ထလာပနာတံခါး ပိတ်လိုက်ကေ မတ်ရို့ ဟာ အပြင်မာမတ်တပ်ရပ်ပနာ ‘အရှင်၊ တံခါး ဖွင့်ပီးပါ’ လို့ပြောကတ်ရလိမ့်မယ်။ ယေတာလဲ အိမ်ရှင်က ‘မတ်ရို့ အဇာအရပ်ကလာမှန်းတောင် ငါမသိ’ လို့ပြန်ပြောလိမ့်မယ်။

Luke 13:26

ယင်းခါ အသင်ရို့က ‘ကျွန်နော်ရို့ဟာ အရှင်နဲ့တတူတူ စားသောက်ဖူးပါရေ။ အရှင်ဟာ ကျွန်နော်ရို့နီထိုင်ရေ မြို့တိရွာတိရဲ့လမ်းတိမာလည်း ကျွန်တော်ရို့ကို ဟောပြောသွန်သင်ဖူးခပါရေ’ လို့ပြောပြကေလည်း

Luke 14:9

အမှန်လို့ ယင်းလူရောက်လာရေအခါမာ မတ်ရို့ကိုဖိတ်ထားရေလူက ‘ရောက်လာရေဒေအာဂန္တုအတွက် မတ်နေရာကိုပီးလိုက်’ လို့ လာပြောကေ မတ်ဟာအရှက်ရပနာ အနိမ့်ဆုံးနီရာမာ လားထိုင်ရလိမ့်မယ်။

Luke 19:40

ကိုယ်တော်ကလည်း “မတ်ရို့ကိုငါပြောမေ။ အမှန်လို့ လူတိကို မအော်ကတ်ဖို့ပြောလိုက်ကေ ကျောက်ခဲတိက ထပနာအော်ကတ်လိမ့်မယ်” လို့မိန့်တော်မူလိုက်တေ။

Luke 19:9

ကိုယ်တော်က ဇက္ခဲကို “မတ်ဟာလည်း အာဗြဟံရဲ့ မျိုးဆက်ဖြိုက်တေအတွက် ဒေနိန့်ကစလို့ မတ်နဲ့မတ်ရဲ့မိသားစုတစ်စုလုံးကို ဘုရားရှင်ကယ်တင်တော်မူယာ။

Luke 5:21

ယေခါ ဖာရိရှဲတိနဲ့ကျမ်းတတ်ဆရာတိက “ဘုရားရှင်ကို စော်ကားပြောနီရေ ဒေလူဟာ အသူရောင်။ ဘုရားရှင်ကလွဲလို့ တစ်ယောက်ကလဲ အပြစ်တိကို ခွင့်လွှတ်ပီးဟာတိ မလုပ်နိုင်” လို့တွေးနီကတ်တေ။