Luke 23:22 - Southern Rakhine

²² ယေခါ ပိလတ်ဘုရင်ခံက “သူဟာ အဇာပိုင်အပြစ်မျိုး ကျူးလွန်မိခလို့ရောင်။ သူ့ကို သီဒဏ်ပီးရလောက်တေအပြစ် ရှာမရ။ ယင်းကြောင့် သူ့ကို ဆုံးမပနာ လွှတ်ပီးလိုက်မေ” လို့တတိယတစ်ခါ ထပ်လို့ပြောလိုက်တေ။

Luke 23:22 Iomraidhean Croise

Luke 23:14

သူရို့က “အေလူဟာ လူတိကို လိမ်လည်ပြီးကေ ဆူပူမှုတိ လုပ်နီဟာကြောင့် ငါ့ပါးကို ခေါ်လာခကတ်တေ။ ယေတာလဲ ငါဟာ အသင်ရို့ ရှေ့မာပင် သူ့ကို စစ်ဆေးခတာလဲသို့ အသင်ရို့စွပ်စွဲဟာပိုင်မျိုး အပြစ်တိ ကျူးလွန်ထားဟာကို မတွိ့ရ။

Luke 23:16

ယင်းဟာကြောင့် သူ့ကိုကြိမ်ဒဏ်ပီးပနာ လွှတ်လိုက်မေ” လို့ဆိုရေ။

Luke 23:20

ပိလတ်ဘုရင်ခံဟာ ကိုယ်တော်ယေရှုကို လွှတ်ပီးချင်ဟာကြောင့် လူထုနဲ့ ဘာသာရေးခေါင်းဆောင်တိကို နောက်တစ်ခေါက်ထပ်မီးပြန်ရေ။

Luke 23:21

ယေတာလဲ သူရို့က “သူ့ကိုလက်ဝါးကပ်တိုင်မာ တင်ပြီးကေ သတ်လိုက်ပါ။ သူ့ကိုလက်ဝါးကပ်တိုင်မာ တင်ပြီးကေ သတ်လိုက်ပါ” လို့ဆက်လို့တောင်းဆိုကတ်တေ။

Luke 23:23

ယေတာလဲ လူထုပရိတ်သတ်တိကလည်း ကိုယ်တော်ယေရှုကို လက်ဝါးကပ်တိုင်ထက်မာ တင်လို့သတ်ပါလို့ အကျယ်ကြီးအော်နီကတ်တေ။ နောက်ဆုံးမာ သူရို့ရဲ့အသံကျယ်ကြီးဟာ အောင်နိုင်လားခရေ။

Luke 23:4

ပိလတ်ဘုရင်ခံက ဂျူးပုရောဟိတ်အကြီးအကဲတိနဲ့ လူတိဘက်ကို လှည့်ပနာ “ဒေလူမှာ အပြစ်တစ်စုံတစ်ရာဟိဟာကို ငါမတွိ့ရ” လို့ပြောလိုက်တာလဲ