Luke 2:38 - Southern Rakhine

³⁸ ယင်းအချိန်မာ သူမဟာ ဗိမာန်တော်ထဲကို ရောက်လာပြီးကေ ဘုရားရှင်ကို စလို့ချီးမွမ်းရေ။ ဂျေရုဆလင်မြို့မာဟိတဲ့လူတိနဲ့ ကျန်တဲ့အစ္စရေးလူမျိုးတိကို ကယ်တင်ဖို့အတွက် ကယ်တင်ရှင်မေရှိယကို စောင့်မျှော်နီခကတ်တဲ့လူတိုင်းကို ဒေအချေယေရှုအကြောင်းကို ပြောကြားလိုက်တေ။

Luke 2:38 Iomraidhean Croise

Luke 2:25

ယင်းအချိန်မာ ဂျေရုဆလင်မြို့မာနီထိုင်ရေ ရှုမောင်လို့ခေါ်ရေ လူတစ်ယောက်ဟိပါရေ။ သူဟာ ဘုရားရှင်ကို ရိုသေကိုင်းရှိုင်းပနာ ဖြောင့်မတ်တဲ့လူ ဖြိုက်တေ။ သူဟာ ဘုရားရှင်က အစ္စရေးလူမျိုးတိကို ခွန်အားပီးပနာ ကယ်တင်ပီးဖို့ ဘုရားရှင်ရဲ့ ကယ်တင်ရှင်မေရှိယကို စောင့်နီရေလူလည်းဖြိုက်ဟာကြောင့် ဉာဏ်အလင်းတော်ဟာ သူ့ပါးကို သက်ရောက်ခရေ။

Luke 2:36

ယင်းနီရာမာ အာရှာမျိုးနွယ်ဝင် ဖနွေလရဲ့သမီးဖြိုက်တေ ပရောဖက်အန္နလည်းဟိနီခရေ။ သူမဟာ အိမ်ထောင်ကျခပနာ လင်သယ်နဲ့တတူ ခုနှစ်နှစ်ကြာပေါင်းသင်းနီထိုင်ခရေ။ ယေပနာ သူမရဲ့လင်ဟာ သီလားခရေ။ အဂု သူမဟာမုဆိုးမတစ်ယောက်ဖြိုက်ပနာ အသက်လည်း ရှစ်ဆယ့်လေးနှစ်ဟိရာဖြိုက်လို့ ကောင်းအိုနီရာဖြိုက်တေ။

Luke 23:51

သူဟာ ကိုယ်တော်ယေရှုကို သတ်ဖို့ကြံစည်ကတ်တေ အခြားလွှတ်တော်အဖွဲ့ဝင်တိရဲ့ ဆုံးဖြတ်ချက်နဲ့ လုပ်ဆောင်ချက်တိကို သဘောမတူခ။ ယင်းအပြင် ဒေကမ္ဘာကို ဘုရားရှင်ရဲ့သာသနာတော် ရောက်လာဖို့ အမှန်မျှော်လင့်တဲ့ လူလည်းဖြိုက်တေ။

Luke 24:21

သူဟာ ကျွန်နော်ရို့ အစ္စရေးလူမျိုးအပေါင်းကို ကျွန်နော်ရို့ရန်သူတိလက်ထဲကနီ ကယ်တင်တော်မူဖို့ မေရှိယအရှင်ဖြိုက်ဖို့လို့ ကျွန်နော်ရို့ မျှော်လင့်ထားခကတ်တာလဲ အဂု ယင်းအဖြိုက်ပျက်တိဖြိုက်ခဟာ သုံးရက်တောင် ကြာခယာ။