Luke 2:27 - Southern Rakhine

²⁷ မာရိနဲ့ယောသပ်ရို့ဟာ ပညတ်တော်အရ အပ်နှံပူဇော်ရေကိစ္စကိုလုပ်ဖို့ ဗိမာန်တော်ဝင်းထဲသို့ အချေယေရှုကိုခေါ်ဆောင်လာခရေအချိန်မာ ဉာဏ်အလင်းတော်ဟာ ရှုမောင်ကို ဗိမာန်တော်ဝင်းအထဲသို့ ဝင်ရောက်စီဖို့လမ်းပြခရေ။

Luke 2:27 Iomraidhean Croise

Luke 2:22

မောရှေရဲ့ပညတ်ကျမ်းမာ ဖော်ပြထားရေအတိုင်း သန့်စင်ခြင်းမင်္ဂလာdကို ဆောင်ရွက်ရရေနိန့်ရက်တိ ပြီးလားရေအခါ ယောသပ်နဲ့မာရိဟာ အစိတ်ကေချေယေရှုကို ဘုရားရှင်ပါးမာအပ်နှံဖို့ ဂျေရုဆလင်မြို့ကို ခေါ်ဆောင်လာခကတ်တေ။

Luke 2:28

ယင်းခါ ရှုမောင်ဟာ အချေယေရှုကို သူရဲ့လက်ထဲမာ ရွက်ပနာ ဘုရားရှင်ရဲ့ဂုဏ်တော်ကို ဒေပိုင်ချီးမွမ်းခရေ။

Luke 2:41

နှစ်စဉ်နှစ်တိုင်း မာရိနဲ့ယောသပ်ရို့ဟာ ပသခါပွဲတော်eကျင်းပဖို့အတွက် ဂျေရုဆလင်မြို့ကို လားတတ်ကတ်တေ။

Luke 2:48

မာရိနဲ့ယောသပ်ရို့လည်း အချေယေရှုကိုတွိ့ရေအခါ သူရို့ဟာ ကောင်းအံ့ဩပနာ မာရိက “သားချေ၊ အဇာဖြိုက်လို့ ငါ့ရို့ကို ဒေပိုင်လုပ်ရဟာရောင်။ ငါနဲ့နင့်အဖဟာ စိုးရိမ်ပနာလိုက်ရှာနီကတ်တေ” လို့ပြောလိုက်တေ။

Luke 2:51

ယပြီးဟာနဲ့ အချေယေရှုဟာ ယောသပ်၊မာရိရို့နဲ့အတူ နာဇရက်မြို့ကို ပြန်လိုက်လားပြီးကေ သူရို့ရဲ့စကားကိုနားထောင်ပနာ နီခရေ။ ယေတာလဲ မာရိက ဖြိုက်ပျက်ခတဲ့အကြောင်းအရာတိကို သူမရဲ့စိတ်နှလုံးထဲမာ တွေးနီခရေ။

Luke 4:1

ယပြီးကေ ကိုယ်တော်ယေရှုဟာ ဉာဏ်အလင်းတော်နဲ့ အတူဟိတော်မူပြီးကေ ဂျော်ဒန်မြစ်ကပြန်လာပနာ ဉာဏ်အလင်းတော်ရဲ့ ဦးဆောင်မှုနဲ့ တောကန္တာရထဲကို လားခရေ။