Luke 19:7 - Southern Rakhine

⁷ ယင်းအဖြိုက်ပျက်တိကို မြင်‌ရေလူတိက “ကိုယ်တော်ဟာ အပြစ်ဒုစရိုက်သမားအိမ်ကို တည်းဖို့လားခရာ” လို့အပြစ်တင်ဝေဖန်ကတ်တေ။

Luke 19:7 Iomraidhean Croise

Luke 15:2

ယင်းခါ ဖာရိရှဲတိနဲ့ ကျမ်းတတ်ဆရာတိက “ဒေလူဟာ အပြစ်ဒုစရိုက်သားတိနဲ့ အပါင်းအသင်းလုပ်နီဟာမကလို့ တတူတူတောင် စားလို့သောက်လို့ နီလိုက်သိမ်းရေ” လို့ဝေဖန်ပနာ အပြစ်တင်ကတ်တေ။

Luke 19:6

ယင်းဟာနဲ့ ဇက္ခဲဟာ အပင်ထက်က အယင်ဆင်းလာပနာ ကိုယ်တော်ယေရှုကို အားရဝမ်းသာ ကြိုဆိုရေ။

Luke 19:8

ယပြီးဟာနဲ့ ဇက္ခဲက မတ်တပ်ရပ်ပနာ ကိုယ်တော်ကို “အရှင်၊ အရှင်၊ ကျေးဇူးပြုလို့ နားထောင်ပါ။ ကျွန်နော်ပိုင်ဆိုင်ရေပစ္စည်းဥစ္စာရဲ့တစ်ဝက်ကို မဟိဆင်းရဲသားတိကို ခွဲပီးပါဖို့။ လူတိပါးက မတရားတောင်းထားတဲ့ အခွန်ခပေသာတိကိုလည်း လေးဆပိုပနာ ပြန်ပီးလိုက်ပါမေ” လို့လျှောက်ထားရေ။

Luke 5:30

ဖာရိရှဲတိနဲ့ သူရို့ထဲကကျမ်းတတ်ဆရာတိက ကိုယ်တော်ရဲ့တပည့်တော်တိကို “အသင်ရို့ဟာ ဒေအခွန်ကောက်တိ၊ အပြစ်ဒုစရိုက်သားတိနဲ့တတူ အဇာဖြိုက်လို့ စားသောက်နီကတ်ရောင်” လို့ဝေဖန်ပြောဆိုကတ်တေ။

Luke 7:34

ယင်းပိုင်မျိုး လူ့သားတော်က စားသောက်နီပြန်ကေဖြိုက်ဖြိုက်၊ လားလာနီကေဖြိုက်ဖြိုက် အသင်ရို့က ‘ဒေလူကို ကြည့်ပါ။ သူဟာ အစားမက်ရေလူဖြိုက်ပနာ အခွန်ကောက်တေလူတိ၊ အပြစ်ဒုစရိုက်သားတိနဲ့ အပေါင်းအသင်းဖွဲ့ပနာ စားသောက်နီရေ’ လို့ပြောကတ်တေ။

Luke 7:39

ယေခါ ကိုယ်တော်ကို ဖိတ်ထားရေ ဖာရိရှဲမြင်ရေအခါ “ဒေလူဟာ ပရောဖက်မှန်ရေဆိုကေ သူ့ကို လာထိရေမမါ့ဟာ ပဇောင်ပိုင်မမါ့မျိုး ဖြိုက်တေဆိုဟာကို သိသင့်ရေ။ အဇာဖြိုက်လို့ဆိုကေ ယင်းမမါ့ဟာ အပြစ်ဒုစရိုက်များတဲ့မမါ့ ဖြိုက်တေ” လို့စိတ်ထဲမာ စိုင်းစားနီခရေ။