Luke 19:27 - Southern Rakhine

²⁷ အဂု ငါဘုရင်အဖြိုက်အုပ်ချုပ်ဟာကို အလိုမဟိကတ်တေရန်သူတိကို ခေါ်လာခကတ်။ သူရို့ကိုငါ့ရှေ့မှောက်မှာ ကွပ်မျက်လိုက်ကတ်’ လို့အမိန့်ပီးလိုက်တေ” ဆိုပနာမိန့်ဆိုလိုက်တေ။

Luke 19:27 Iomraidhean Croise

Luke 19:14

ယေတာလဲ ယင်းတိုင်းပြည်ကလူတချို့က ယင်းအိမ်ရှေ့မင်းသားကို မုန်းကတ်ဟာကြောင့် ဘုရင်ကြီးပါးကို သံတမန်တိစီလွှတ်ပနာ ‘ဒေလူကို ဘုရင်အဖြိုက်ကျွန်နော်ရို့အလိုမဟိပါ’ လို့လားပြောစီရေ။

Luke 20:16

ခြံပိုင်ရှင်ဟာ ကိုယ်တိုင်လာပနာ ခြံငှားတိကို သတ်ပစ်လာလိမ့်မယ်။ ပြီးကေ စပျိုက်ခြံကို အရာလူတစ်ယောက်လက်ထဲကို ပီးအပ်လိုက်လိမ့်မယ်” လို့မိန့်တော်မူခရေ။ ယင်းအကြောင်းအရာတိကို ကြားရရေလူတိက “ဒေပိုင်ကိစ္စတိ ဖြိုက်မလာပါစီကေ့” လို့ပြောကတ်တေ။

Luke 21:22

အဇာဖြိုက်လို့ဆိုကေ ယင်းနိန့်ရက်ကာလတိဟာ ကျမ်းစာမှာ ရေးထားတဲ့အတိုင်း ပြစ်ဒဏ်စီရင်ဖို့ အကြောင်းအရာတိ ပြည့်စုံဖို့ နိန့်ရက်တိဖြိုက်တေ။

Luke 21:24

တချို့လူဟာ ဓါးနဲ့ အသတ်ခံရပနာ အရာလူတိကျကေ သုံ့ပန်းအဖြိုက် တိုင်းတစ်ပါးကို ဖမ်းခေါ်လားဟာကို ခံရလိမ့်မယ်။ ဂျုးလူမျိုးမဟုတ်တဲ့လူတိဟာ ဂျေရုဆလင်မြို့ကို သိမ်းပိုက်ပြီးကေ ဘုရားရှင်က သူရို့ကိုခွင့်ပြုထားတဲ့အချိန်မကုန်ခင်အထိ ယင်းမြို့ကလူတိကို ဖိနှိပ်ချုပ်ချယ်ကတ်လိမ့်မယ်” လို့မိန့်တော်မူရေ။