Luke 18:34 - Southern Rakhine

³⁴ ယေတာလဲ တပည့်တော်တိဟာ ကိုယ်တော်မိန့်ဆိုရေ စကားရဲ့ အဓိပ္ပါယ်တိကို နားမလည်ခကတ်။ အဇာဖြိုက်လို့ဆိုကေ ကိုယ်တော်က ယင်းအကြောင်းအရာတိကို သူ့ရို့ပါးက ဖုံးကွယ်ထားဟာကြောင့် တစ်ခုချေတောင် နားလည်သဘောမပေါက်နိုင်ဟာဖြိုက်တေ။

Luke 18:34 Iomraidhean Croise

Luke 18:33

ယပြီးဟာနဲ့ သူရို့ဟာ ကိုယ်တော်ကို ကြိမ်လုံးနဲ့သတ်ပုတ်ပြီးကေ သီအောင်သတ်ပလိုက်ကတ်ဖို့။ ယေတာလဲသို့ သုံးရက်မြောက်တေနိန့်မာ သူ့အသက် ပြန်ရှင်ဖို့” လို့မိန့်တော်မူခရေ။

Luke 2:50

ယကေလဲ သူရို့ဟာ အချေယေရှုပြောတဲ့အဓိပ္ပါယ်ကို နားမလည်ခကတ်။

Luke 24:25

ယင်းခါ ကိုယ်တော်က သူရို့ကို “မိုက်မဲတဲ့လူတိ၊ မတ်ရို့ အဇာဖြိုက်လို့ နားမလည်နိုင်ကတ်ရောင်။ ပရောဖက်တိရဲ့ မိန့်မှာချက်တိကို ယုံကြည်ဖို့အတွက်ကို အဇာဖြိုက်လို့ နှောင့်နှေးနီကတ်ရောင်။

Luke 24:45

ယပြီးကေ ကိုယ်တော်ဟာ ကျမ်းစာကို နားလည်အောင် တပည့်တော်တိကို ရှင်းပြတော်မူရေ။

Luke 9:45

ယေတာလဲ ယင်းစကားရဲ့အဓိပ္ပါယ်ကို နားမလည်နိုင်အောင် ဖုံးကွယ်ထားဟာကြောင့် တပည့်တော်တိဟာ နားမလည်နိုင် ဖြိုက်နီကတ်တေ။ ယေတာလဲ ကိုယ်တော်ကို ပြန်မီးဖို့လည်းကြောက်နီကတ်တေ။