Luke 18:22 - Southern Rakhine

²² ယင်းပိုင်လျှောက်တင်ဟာကို ကြားရေအခါ ကိုယ်တော်က “အသင့်မာလုပ်စရာ တစ်ခုကျန်နီသိမ်းရေ။ အသင်ပိုင်ဆိုင်သမျှပစ္စည်းဥစ္စာတိအားလုံးကို ရောင်းလိုက်ပြီးကေ ရတဲ့ပေသာတိကိုဆင်းရဲသားတိကို လှူလိုက်ပါ။ ယင်းပိုင်ဆိုမှ အသင်ဟာ ရွှေမြို့တော်မာ ချမ်းသာကြွယ်ဝမှုတိ ရလိမ့်မယ်။ ပြီးကေ ငါ့တပည့်အဖြိုက်နဲ့ ငါ့နောက်ကို လိုက်ခ” လို့မိန့်တော်မူခရေ။

Luke 18:22 Iomraidhean Croise

Luke 10:42

အမှန်လိုအပ်ရေအရာဟာ တစ်ခုရာဟိရေ။ မာရိဟာ ယင်းအရာကို ရွီးချယ်ထားပြီးယာကြောင့် ယင်းဟာကို သူမပါးက ဖယ်ပလိုက်လို့ မရယာ” လို့မိန့်တော်မူလိုက်တေ။

Luke 12:33

မတ်ရို့မာဟိသမျှ ပစ္စည်းဥစ္စာတိကို ရောင်းချပနာ ဆင်းရဲသားတိကို ပီးကမ်းကတ်ပါ။ မတ်ရို့အတွက် မဆွီးမဟောင်းတတ်တေ အိတ်တိကိုလုပ်ပနာ မတ်ရို့ရဲ့ ပစ္စည်းဥစ္စာရတနာတိကို သူခိုးတိမရောက်နိုင်၊ ပိုးကောင်တိမဖျက်ဆီးနိုင်ရေ ရွှေမြို့တော်က ဘဏ္ဍာတိုက်ထဲမာ သိမ်းဆည်းကတ်ပါ။

Luke 16:9

ယပြီးကေ ကိုယ်တော်က တပည့်တော်တိကို မိန့်ဆိုခဟာက “မတ်ရို့ကို ငါပြောမယ်။ အသင်ရို့စုဆောင်းထားရေ မတရားမှုမကင်းရေလောကီစည်းစိမ်တိကို သုံးပနာ မိတ်ဆွေတိရအောင် လုပ်ကတ်ကေလဲ ယင်းလောကီစည်းစိမ်တိ ကုန်လားခရေခါ မတ်ရို့ကို နိစ္စထာဝရအိမ်တော်က ကြိုဆိုလက်ခံလိမ့်မယ်။

Luke 18:21

ယင်းလူကလည်း “ကျွန်နော် အချေခါကပင် ယင်းပညတ်တော်တိအားလုံးကို လိုက်နာခပါရေ” လို့လျှောက်တင်လိုက်တေ။

Luke 18:23

ယင်းဂျူးလူမျိုးအကြီးအကဲဟာ အကြီးကျယ်ချမ်းသာရေလူဖြိုက်ဟာကြောင့် ကိုယ်တော်ရဲ့စကားကိုကြားရေခါ ကကောင်းစိတ်ပျက်ဝမ်းနည်းလားရေ။

Luke 9:23

ယပြီးဟာနဲ့ ကိုယ်တော်က လူပရိတ်သတ်တိကို “ငါ့ရဲ့ နောက်လိုက်တပည့်ဖြိုက်ချင်တဲ့လူတိုင်းဟာ ကိုယ့်ကိုယ်ကျိုးကိုစွန့်ပနာ ကိုယ့်လက်ဝါးကပ်တိုင်ကို ကိုယ်တိုင်ထမ်းcပြီးကေ နိန့်စဉ်ရက်ဆက် ငါ့နောက်ကို လိုက်နိုင်ရဖို့။