Luke 16:9 - Southern Rakhine

⁹ ယပြီးကေ ကိုယ်တော်က တပည့်တော်တိကို မိန့်ဆိုခဟာက “မတ်ရို့ကို ငါပြောမယ်။ အသင်ရို့စုဆောင်းထားရေ မတရားမှုမကင်းရေလောကီစည်းစိမ်တိကို သုံးပနာ မိတ်ဆွေတိရအောင် လုပ်ကတ်ကေလဲ ယင်းလောကီစည်းစိမ်တိ ကုန်လားခရေခါ မတ်ရို့ကို နိစ္စထာဝရအိမ်တော်က ကြိုဆိုလက်ခံလိမ့်မယ်။

Luke 16:9 Iomraidhean Croise

Luke 11:41

ယင်းကြောင့် မတ်ရို့မာဟိဟာတိကိုရာ ဆင်းရဲသားတိကိုပီးကမ်းကေ မတ်ရို့ဟာ ဘုရားရှင်ရဲ့ရှေ့မှောက်မှာ သန့်ရှင်းစင်ကြယ်ကတ်လိမ့်မေ။

Luke 12:33

မတ်ရို့မာဟိသမျှ ပစ္စည်းဥစ္စာတိကို ရောင်းချပနာ ဆင်းရဲသားတိကို ပီးကမ်းကတ်ပါ။ မတ်ရို့အတွက် မဆွီးမဟောင်းတတ်တေ အိတ်တိကိုလုပ်ပနာ မတ်ရို့ရဲ့ ပစ္စည်းဥစ္စာရတနာတိကို သူခိုးတိမရောက်နိုင်၊ ပိုးကောင်တိမဖျက်ဆီးနိုင်ရေ ရွှေမြို့တော်က ဘဏ္ဍာတိုက်ထဲမာ သိမ်းဆည်းကတ်ပါ။

Luke 14:14

သူရို့မာ မတ်ကို ပြန်လို့ကျေးဇူးမဆပ်နိုင်ကတ်ဟာကြောင့် မတ်ဟာ မင်္ဂလာဟိလိမ့်မေ။ ဖြောင့်မတ်တဲ့လူတိ သီဟာကနီ အသက်ပြန်ရှင်လာရေခါမာ ဘုရားရှင်က မတ်ကို ကောင်းကျိုးမင်္ဂလာတိနဲ့ ပြည့်စုံစီလိမ့်မယ်” လို့မိန့်တော်မူခရေ။

Luke 16:11

အသင်ရို့ဟာ ဒေပိုင်မမြဲရေ လောကီစည်းစိမ်တိကိုတောင် သစ္စာမဟိကတ်ကေ ရွှေမြို့တော်ရဲ့ စစ်မှန်ရေစည်းစိမ်တိကို အသင်ရို့ပါးမှာ အသူက ယုံယုံကြည်ကြည် အပ်ဖို့ရောင်။

Luke 16:13

တစ်ယောက်အစီခံလည်း သခင်နှစ်ယောက်ပါးမာ တစ်ပြိုင်တည်း သစ္စာမခံနိုင်။ ဇာဖြစ်လို့ဆိုကေ သူဟာ တစ်ယောက်ကိုမုန်းပနာ အရာတစ်ယောက်ကိုချိုက်လိမ့်မေ။ မဟုတ်ကေ တစ်ယောက်ကို သစ္စာဟိကေ ကျန်တစ်ယောက်ကို မထီမဲ့မြင်လုပ်လိမ့်မေ။ ယင်းအတိုင်းယာ အသင်ရို့ဟာ ဘုရားရှင်နဲ့ လောကီစည်းစိမ်တိကို တစ်ပြိုင်တည်းအစီခံလို့မရနိုင်” လို့မိန့်တော်မူခရေ။

Luke 16:4

ဒေအလုပ်က အထုတ်ခံရပြီးခါ လူတိက သူရို့အိမ်မာ ငါ့ကိုလက်ခံကြိုဆိုကတ်အောင် ငါဇာလုပ်ရဖို့ဆိုဟာကို သိယာ’ လို့စဉ်းစားခရေ။