Luke 16:15 - Southern Rakhine

¹⁵ ယေတာလဲ ကိုယ်တော်က သူရို့ကို “အသင်ရို့ဟာ လူတိရှေ့မာ ကိုယ့်ဟာကိုယ်ဖြောင့်မတ်တေလို့ ဟန်ဆောင်တတ်ကတ်တေ။ ယေတာလဲ ဘုရားရှင်ဟာ အသင်ရို့ရဲ့စိတ်နှလုံးကိုသိတော်မူရေ။ လူတိ အမြတ်တနိုးတန်ဖိုးထားနီကတ်တေ လောကီစည်းစိမ်တိဟာ ဘုရားရှင်အတွက် မနှစ်မြို့စရာတိဖြိုက်တေ။

Luke 16:15 Iomraidhean Croise

Luke 10:29

ယေတာလဲသို့ ကျမ်းတတ်ဆရာက ကိုယ့်ဟာကိုယ် မှန်ကန်ကြောင်းပြချင်ဟာကြောင့် ကိုယ်တော်ကို “ယင်းပိုင်ဆိုကေ ကျွန်နော့်ရဲ့အိမ်နားပါးချင်း ဆိုဟာ အသူရို့ပါရောင်” လို့မီးလျှောက်လိုက်တေ။

Luke 11:39

ယင်းခါ ကိုယ်တော်က ဖာရိရှဲတိကို “မတ်ရို့ဖာရိရှဲတိဟာ ပန်းကန်ခွက်ယောက်တိရဲ့ပြင်ဘက်ကိုယာ ဆေးကြောသန့်စင်ကတ်ပနာ မတ်ရို့ရဲ့အတွင်းစိတ်တိမာ လောဘတိ၊ မကောင်းတဲ့အရာတိနဲ့ပြည့်နီရေ။

Luke 18:11

ဖာရိရှဲဟာ တစ်ယောက်တည်း မတ်တပ်ရပ်ပနာ ‘အို ဘုရားရှင်၊ တပည့်တော်ဟာ အရာလူတိပိုင်မျိုး လုယူတတ်တဲ့လူ၊ မရိုးမသားလုပ်တဲ့လူ၊ အိမ်ထောင်ရေး ဖောက်ပြန်တဲ့လူလည်းမဟုတ်တဲ့အပြင် ဟိုနားကအခွန်ကောက်တေလူပိုင်မျိုး မဟုတ်တဲ့အတွက် ဘုရားရှင်ကို ကျေးဇူးတင်ပါရေ။

Luke 18:14

အသင်ရို့ကို ငါပြောမေ။ ယင်းလူနှစ်ယောက် အိမ်ပြန်ရောက်တေခါ ဘုရားရှင်ရဲ့ ခွင့်လွှတ်မှုကို ရရေလူဟာ ဖာရိရှဲမဟုတ်ဘဲ အခွန်ကောက်တေလူရာဖြိုက်တေ။ အဇာဖြိုက်လို့ဆိုကေ ကိုယ့်ဟာကို အထင်ကြီး‌ရေလူတိဟာ နှိမ့်ချခံရတတ်ပနာ ကိုယ့်ဟာကိုယ် နှိမ့်ချရေလူတိဟာ ချီးမြှောက်ခံရလိမ့်မယ်” လို့မိန့်တော်မူခရေ။

Luke 18:21

ယင်းလူကလည်း “ကျွန်နော် အချေခါကပင် ယင်းပညတ်တော်တိအားလုံးကို လိုက်နာခပါရေ” လို့လျှောက်တင်လိုက်တေ။

Luke 18:9

ယပြီးဟာနဲ့ ကိုယ့်ဟာကိုယ် ဖြောင့်မတ်တေလို့ ယူဆတတ်ပနာ အရာလူတိကို နှိမ့်ချတတ်တေလူတိကို ကိုယ်တော်က ပုံဥပမာတစ်ခုနဲ့မိန့်ဆိုဟာက

Luke 20:20

ယင်းဟာကြောင့် သူရို့ဟာ ကိုယ်တော်ကိုစောင့်ကြည့်ပနာ စကားတိထဲမှာ အပြစ်ရှာပြီးကေ ကိုယ်တော်ကို ဘုရင်ခံလက်ထဲကို ဖမ်းပနာအပ်နိုင်အောင် သူတော်ကောင်းယောင်ဆောင်ထားရေသူလျှိုတိကို စီလွှတ်ခကတ်တေ။

Luke 20:47

မုဆိုးမတိရဲ့ အိမ်တိကို အဓမ္မသိမ်းယူကတ်ပနာ ဆုတောင်းရေခါလည်း ဟန်ဆောင်ပနာ အရှည်ကြီး ဆုတောင်းကတ်တေ။ ဘုရားရှင်ဟာ ယင်းလူတိကို ပြင်းပြင်းထန်ထန် အပြစ်ပီးတော်မူလိမ့်မယ်” လို့မိန့်တော်မူခရေ။