Luke 15:28 - Southern Rakhine

²⁸ ယင်းခါ သားအကြီးဟာ အကြီးကျယ်မာန်ပါပနာ အိမ်ထဲကို မဝင်ဘဲနီဟာကြောင့် အဖက အပြင်ကိုထွက်လာပနာ ဖျောင်းဖျရေ။

Luke 15:28 Iomraidhean Croise

Luke 13:34

ယပြီးကေ ကိုယ်တော်က “အို ဂျေရုဆလင်မြို့သားတိ၊ ဂျေရုဆလင်မြို့သားတိ၊ ငါဟာ အသင်ရို့အတွက် အလွန်တရာဝမ်းနည်းပူဆွေးရရေ။ အသင်ရို့မြို့သူမြို့သားတိဟာ ပရောဖက်တိကို အကြိမ်ကြိမ်သတ်ခကတ်တေ။ အသင်ရို့ပါးကို ဘုရားရှင်ကစီလွှတ်တေ စေတမန်တိကို ကျောက်ခဲနဲ့ပေါက်ခရေ။ ကြက်မဟာ သူ့ကြက်ချေတိကို အတောင်အောက်မာ အုပ်ပနာ စောင့်ရှောက်ထားဟာပိုင်မျိုး ငါဟာလည်း အသင့်ရဲ့ မြို့သူမြို့သားတိကို ရင်အုပ်မကွာစောင့်ရှောက်ချင်လို့ အကြိမ်ကြိမ်ကြိုးစားခတာလဲ အသင်ရို့ဟာ ခွင့်မပြုကတ်။

Luke 15:2

ယင်းခါ ဖာရိရှဲတိနဲ့ ကျမ်းတတ်ဆရာတိက “ဒေလူဟာ အပြစ်ဒုစရိုက်သားတိနဲ့ အပါင်းအသင်းလုပ်နီဟာမကလို့ တတူတူတောင် စားလို့သောက်လို့ နီလိုက်သိမ်းရေ” လို့ဝေဖန်ပနာ အပြစ်တင်ကတ်တေ။

Luke 15:27

ယင်းအစီခံက ‘အသင့်ရဲ့ ညီဟာ ကျန်းကျန်းမာမာနဲ့ ပြန်ရောက်လာဟာကြောင့် အသင့်ရဲ့အဖက အသန်ဆုံးဖြိုက်တေနွားပျိုတစ်ကောင်ကို သတ်ပနာ ပျော်ပွဲရွှင်ပွဲလုပ်နီကတ်ဟာဖြိုက်တေ’ လို့ဖြေလိုက်တေ။

Luke 15:29

သားအကြီးကလည်း သူ့အဖကို ‘ကျွန်နော်ဟာ အဘာအတွက် နှစ်ပေါင်းအများကြီး အစီခံတစ်ယောက်ပိုင် အလုပ်လုပ်ပီးပြီးကေ အဘာခိုင်းဟာတိကိုအားလုံးကို အမှားမဟိလိုက်နာခတာလဲ အဘာက ကျွန်နော့်မိတ်ဆွေတိနဲ့ တတူတူစားသောက်ဖို့ ဆိတ်တစ်ကောင်နဲ့တောင် ပွဲမကျင်းပပီးဖူးခ။

Luke 24:47

မေရှိယကို ယုံကြည်တဲ့လူတိက ဂျေရုဆလင်မြို့ကစပနာ ကမ္ဘာမာဟိတဲ့လူမျိုးတိုင်းပါးကို လားပြီးကေ ဘုရားရှင်ခွင့်လွှတ်ခြင်းကိုခံရဖို့အတွက် သူရို့ရဲ့အပြစ်ဒုစရိုက်တိကို နောင်တသံဝေဂရဖို့ ဟောပြောလိမ့်မယ် လို့ရေးထားရေ။

Luke 5:30

ဖာရိရှဲတိနဲ့ သူရို့ထဲကကျမ်းတတ်ဆရာတိက ကိုယ်တော်ရဲ့တပည့်တော်တိကို “အသင်ရို့ဟာ ဒေအခွန်ကောက်တိ၊ အပြစ်ဒုစရိုက်သားတိနဲ့တတူ အဇာဖြိုက်လို့ စားသောက်နီကတ်ရောင်” လို့ဝေဖန်ပြောဆိုကတ်တေ။

Luke 7:39

ယေခါ ကိုယ်တော်ကို ဖိတ်ထားရေ ဖာရိရှဲမြင်ရေအခါ “ဒေလူဟာ ပရောဖက်မှန်ရေဆိုကေ သူ့ကို လာထိရေမမါ့ဟာ ပဇောင်ပိုင်မမါ့မျိုး ဖြိုက်တေဆိုဟာကို သိသင့်ရေ။ အဇာဖြိုက်လို့ဆိုကေ ယင်းမမါ့ဟာ အပြစ်ဒုစရိုက်များတဲ့မမါ့ ဖြိုက်တေ” လို့စိတ်ထဲမာ စိုင်းစားနီခရေ။